Galesia 4:2 - Pijin Bible

² Olketa nara pipol nao i lukaftarem hem an olketa samting blong hem, go-go kasem barava taem wea dadi blong hem hemi makem.

Pijin Deuterocanon

² Olketa nara pipol nao i lukaftarem hem an olketa samting blong hem, go-go kasem barava taem wea dadi blong hem hemi makem.

Galesia 4:2 Iomraidhean Croise

Daniel 11:29

Long taem wea God hemi makem, bae king ya blong Siria hemi go moa long Ijip fo faetem olketa, bat long datfala taem bae hemi no save win olsem fastaem. Distaem bae hemi deferen tumas nao.

Habakuk 2:3

Yu mas raetemdaon bikos taem blong olketa samting ya fo hapen, hemi no kam yet. Bat no longtaem, evrisamting wea bae mi somaot long yu hemi mas hapen. Yu maet tingse wea olketa samting ya bae hemi slou fo hapen. Bat yu mas gohed fo weit nomoa bikos bae hemi mas hapen long raet taem blong hem.

Gudnius abaotem Jisas Kraes wea Jon hemi raetem 15:7

Sapos yufala joen olowe long mi an olketa toktok blong mi hemi stap olowe long yufala, yufala save askem enisamting wea yufala laekem an bae God hemi givim long yufala.

1 Korin 4:15

Nomata sapos yufala garem 10,000 pipol fo tisim yufala long wei blong Kraes, wanfala man nomoa hemi olsem dadi blong yufala. Mi tekem kam disfala Gudnius long yufala ya, mekem mi nao mi kamap olsem dadi blong yufala long saet blong Jisas Kraes.

Galesia 3:24

Lo hemi gohed fo kontrolem yumi, go-go Kraes hemi kam. An bikos yumi biliv long hem nao, yumi kamap stret long ae blong God.

Galesia 4:1

Toktok blong mi hemi olsem. Sapos wanfala pikinini hemi smolfala tumas, hemi no save bosim evrisamting wea dadi blong hem hemi makem fo hemi onam bihaen. Bae hemi mas stap olsem wakaman fastaem, nomata bae hemi onam evrisamting ya.

Galesia 4:3

Yumi olsem tu. Taem yumi olsem disfala pikinini yet, yumi stap wakaman blong olketa wei blong wol nomoa.