Filipae 2:26 - Pijin Bible

²⁶ Bat hemi laekem tumas fo lukim yufala moa, an hemi filnogud from yufala herem dat hemi bin sik tumas.

Pijin Deuterocanon

²⁶ Bat hemi laekem tumas fo lukim yufala moa, an hemi filnogud from yufala herem dat hemi bin sik tumas.

Filipae 2:26 Iomraidhean Croise

2 Samuel 13:39

An taem sore blong Deved long Amnon hemi finis, hemi laekem tumas fo lukim Absalom moa.

2 Samuel 24:17

Taem king hemi lukim disfala enjel wea hemi spoelem olketa pipol, hemi prea olsem long Yawe, “!Mi rong nao! !Mi nao mi mekem sin ya! Olketa pipol ya i olsem sipsip wea i falom lida nomoa. Olketa no duim eni rong samting. Hemi moabeta sapos yu panisim mi an olketa famili blong mi nomoa.”

Stori abaotem Job 9:27

Nomata mi trae fo hapi an fogetem olketa trabol blong mi, bat mi nating save duim.

Sams 69:20

Olketa ravis toktok blong olketa hemi spoelem tingting blong mi finis, an distaem, tingting blong mi hemi barava wikdaon fogud nao. Mi we-weitem nomoa eniwan fo hemi sore kam long mi, bat no eniwan nao. Ya, mi we-weitem nomoa eniwan fo hemi kam fo strongim tingting blong mi, bat no eniwan nao.

Provebs 12:25

Haat hemi wari, man hemi hevi, bat gud toktok save liftimap tingting blong hem.

Aesaea 61:3

an fo lukaftarem olketa ya long Saeon. Fastaem olketa putum asis blong faea long hed fo somaot olketa sore, bat bae olketa hapi tumas, olsem wea olketa werem nambawan kraon. Fastaem olketa sore an krae, bat bae olketa singsing fo preisim Yawe. Bae olketa i olsem olketa strongfala ok tri wea Yawe seleva nao hemi plantem. An bae olketa evriwan i duim nomoa olketa samting wea hemi stret, an bae evriwan i preisim Yawe, fo olketa gudfala samting wea hemi duim.

Matiu 11:28

“Yufala evriwan wea yufala hadwaka tumas an kari hevi, yufala kam long mi fo mi mekem yufala res.

Matiu 26:37

Bat Pita wetem tufala san blong Sebedi ya, Jisas hemi tekem olketa fo go wetem hem. Nao long taem ya, Jisas hemi sore bikfala tumas an tingting blong hem barava dak fogud nao.

Aposol 21:13

Bat Pol hemi tok olsem, “?Waswe nao yufala krae an mekem mi sore tumas? Mi redi nomoa fo olketa taemapem mi, an mi redi tu fo mi dae long Jerusalem, sapos diswan hemi haemapem nem blong Jisas Masta blong yumi.”

Leta wea Pol hemi raetem go long sios long Rom 1:11

Bikos longtaem nao mi laekem tumas fo lukim yufala, mekem mi save searem go spesol paoa blong Holi Spirit long yufala, mekem biliv blong yufala hemi strong.

Leta wea Pol hemi raetem go long sios long Rom 12:15

Yufala mas hapi taem yufala stap wetem olketa pipol hu i hapi, an yufala mas krae taem yufala stap wetem olketa pipol hu i krae.

Leta wea Pol hemi raetem go long sios long Rom 9:2

mi filsore tumas an haat blong mi hemi filnogud tumas long olketa Jiu.

1 Korin 12:26

So sapos wanfala haf hemi filnogud, evri narafala haf olketa fil nogud tu. An sapos eniwan i tokhae abaotem wanfala haf, evri narafala haf olketa hapi tu.

2 Korin 9:14

An bae olketa prea fo yufala an tingim yufala from disfala spesol kaenfala lav wea God hemi somaot long yufala.

Galesia 6:2

Yufala mas helpem eniwan blong yufala wea trabol hemi kasem hem, mekem yufala barava falom lo blong Kraes.

Efesas 3:13

So mi askem yufala, plis yufala mas no wikdaon taem yufala herem dat mi safa fo yufala, bikos mi duim olsem fo helpem yufala ya.

Filipae 1:3

Mi tengkiu long God blong mi evritaem mi tingim yufala.

Filipae 1:8

God hemi luksave dat mi lavem yufala tumas long sem wei wea Jisas Kraes hemi lavem yufala.

Filipae 2:25

Mi mas sendem brata blong yumi Epafrodaetas gobaek long yufala. Yufala sendem hem kam bifoa fo helpem mi, an hemi waka wetem mi an barava stap tugeta wetem mi long disfala faet.

Filipae 2:27

Hemi tru, hemi bin sik bikfala tumas an kolsap dae long hem. Bat God nao hemi sore an kaen long hem. An God hemi sore an kaen long mi tu, fo hemi stopem enikaen bikfala sore fo kasem mi.

Filipae 4:1

So olketa Kristin fren blong mi, from olketa samting olsem nao, yufala mas gohed strong fo biliv long Masta. Mi lavem yufala tumas ya, an mi barava wande kam lukim yufala. Olketa fren, mi hapi tumas long yufala, an mi filpraod tumas long laef blong yufala.

1 Pita 1:6

From diswan nao yufala save hapi, nomata yufala safa fo lelebet taem nomoa long olketa samting wea hemi traem yufala.