Filipae 2:25 - Pijin Bible

²⁵ Mi mas sendem brata blong yumi Epafrodaetas gobaek long yufala. Yufala sendem hem kam bifoa fo helpem mi, an hemi waka wetem mi an barava stap tugeta wetem mi long disfala faet.

Pijin Deuterocanon

²⁵ Mi mas sendem brata blong yumi Epafrodaetas gobaek long yufala. Yufala sendem hem kam bifoa fo helpem mi, an hemi waka wetem mi an barava stap tugeta wetem mi long disfala faet.

Filipae 2:25 Iomraidhean Croise

Provebs 25:13

Man fo karim toktok wea olketa save trastem hem, hemi olsem kolwata fo man hu i hadwaka. Hem nao mekem bos blong hem filgud.

Gudnius abaotem Jisas Kraes wea Jon hemi raetem 13:16

Mi talem yufala tru samting nao, no eni wakaman hemi hae winim bos blong hem ya, an no eni niusman hemi hae winim man hu hemi sendem hem go.

Gudnius abaotem Jisas Kraes wea Jon hemi raetem 17:18

Mi sendem olketa go long disfala wol ya nao, olsem yu sendem mi kam long disfala wol bifoa.

Leta wea Pol hemi raetem go long sios long Rom 16:3

Yufala sei halo long Prisila an Akuila, wea tufala waka wetem mi fo Jisas Kraes.

Leta wea Pol hemi raetem go long sios long Rom 16:9

An yufala sei halo long Obanas, hu hemi wakaman wetem yumi long saet blong Kraes. An yufala sei halo tu long nambawan fren blong mi Stakis.

1 Korin 3:9

Mitufala nao i waka tugeta fo helpem God, an yufala nao olsem gaden blong hem. An yufala ya, yufala haos blong God tu ya.

2 Korin 2:13

Bat mi barava wari fogud, bikos mi no faendem fren blong mi Taetas. So mi gudbae long olketa pipol ya, an mi go olowe long Masedonia nao.

Filipae 2:26

Bat hemi laekem tumas fo lukim yufala moa, an hemi filnogud from yufala herem dat hemi bin sik tumas.

Filipae 4:18

Mi kasem plande samting nao winim wanem mi barava nidim. Distaem Epafrodaetas hemi givim mi wanem yufala sendem kam wetem hem, so mi no sot long enisamting. Diswan hemi olsem wanfala sakrifaes wea hemi smel naes tumas an God hemi laekem an hapi tumas long hem.

Filipae 4:3

An yu Susuge, wea yu stap tugeta wetem mi long waka, yu tu mas helpem tufala woman ya. Tufala bin wakahad fo talemaot Gudnius wetem mi an wetem Klemen an olketa narawan moa wea nem blong olketa i stap insaet long buk blong laef.

Kolosi 1:7

Gudfala fren Epafras wea hemi waka wetem mifala, hem nao hemi tisim olketa samting abaotem lav blong God long yufala. Hemi helpem mifala ya wea hemi wanfala gudfala wakaman long disfala waka blong Kraes.

Kolosi 4:11

Josua hu nara nem blong hem Jastas, hem tu hemi talem halo go long yufala ya. An long olketa Jiu wea olketa kamap Kristin, disfala trifala man ya nomoa olketa gohed fo waka wetem mi fo tokabaotem kingdom blong God. An trifala ya nao i barava helpem mi tumas ya.

1 Tesalonaeka 3:2

an mitufala sendem go brata blong yumi Timoti fo kam long yufala. Timoti tu hemi wakaman blong God fo talemaot Gudnius abaotem Kraes. Mitufala sendem hem kam fo strongim moa biliv blong yufala.

Filimon 1:24

Mak, an Aristakas, an Dimas, an Luk, hu olketa waka tugeta wetem mi, olketa talem halo go long yu.

Hibrus 3:1

Olketa Kristin fren blong mi wea God hemi siusim yufala finis, yufala mas putum tingting blong yufala strong long Jisas, wea God hemi sendem kam olsem Haeprist blong yumi. An hem nao wanem yumi bilivim.