Emos 9:2 - Pijin Bible

² Nomata olketa trae fo godaon fo haed insaet long grev, bae mi save tekem olketa nomoa fo kamap long antap. An nomata olketa trae fo ranawe goap long skae, bae mi save tekem olketa nomoa fo kamdaon.

Pijin Deuterocanon

² Nomata olketa trae fo godaon fo haed insaet long grev, bae mi save tekem olketa nomoa fo kamap long antap. An nomata olketa trae fo ranawe goap long skae, bae mi save tekem olketa nomoa fo kamdaon.

Emos 9:2 Iomraidhean Croise

Stori abaotem Job 20:6

Samfala taem ravis man olsem, hemi save kamap bikman, an hemi save garem hae nem wea hemi go kasem long skae.

Stori abaotem Job 22:13

Bat yu gohed fo tok nomoa olsem, “God hemi no save long enisamting ya. Olketa klaod wea i tudak i satem hem, so hemi no save jajem yumi.”

Stori abaotem Job 24:23

Maet God save letem olketa fo stap sef, an olketa tingse olketa stap oraet, bat oltaem hemi gohed fo lukluk strong long wei blong olketa.

Stori abaotem Job 26:6

God hemi lukim nomoa evriwan long ples blong olketa man dae. No eniwan save haed long Abadon.

Stori abaotem Job 34:22

No eniples hemi barava tudak, wea hemi fitim fo olketa man nogud go haed long hem, mekem God hemi no save lukim olketa.

Aesaea 2:19

Taem Yawe hu hemi King an hu hemi garem evri paoa hemi kros an hemi somaot paoa blong hem, olketa pipol i fraet fogud long hem an olketa ranawe go long kev o digim hol long graon fo haed insaet long hem.

Jeremaea 49:16

Yufala bin gohed fo mekem pipol fraet, an yufala haemapem yufala seleva tumas. Yufala stap long olketa strongfala ples antap long olketa maonten blong yufala, an yufala tingse wea yufala sef. Bat olketa tingting ya hemi laea nomoa. Nomata olketa ples blong yufala hemi stap hae fogud antap long maonten olsem nest blong igol, bat bae mi save mekem yufala kamdaon nomoa.” Hem nao mesij blong Yawe.

Jeremaea 51:53

Nomata olketa blong disfala taon i save bildim wolston, mekem hemi hae go-go kasem skae, an olketa mekem olketa strongfala sefples fo haed fo kamap strong moa, bat bae mi sendem olketa enemi go long ples ya fo spoelem hem finis.” Hem nao mesij blong Yawe.

Esikiel 26:20

An bae mi sendem yufala godaon long ples blong olketa man dae, mekem yufala joenem olketa hu i dae finis longtaem bifoa kam yet. Bae mi mekem yufala godaon fo stap olowe nao wetem olketa man dae insaet long graon, olsem olketa taon wea i kamap nogud finis. An bae yufala nating save laef baek moa from dae ya.

Esikiel 31:14

An stat kam long datfala taem, no eni tri saet long wata ya bae hemi save grouap tol go kasem olketa klaod olsem. Bae olketa evriwan i dae olsem olketa man blong graon, an godaon wetem olketa ya insaet long ples blong man dae.

Obadaea 1:4

Nomata olketa ples blong yufala hemi stap hae fogud antap long maonten olsem nest blong igol, an nomata olketa ples ya i hae fogud kolsap long olketa sta, bae mi save mekem yufala kamdaon nomoa.” Hem nao mesij blong Yawe.

Gudnius abaotem Jisas Kraes wea Luk hemi raetem 10:18

Nao Jisas hemi sei, “Mi lukim finis dat Seitan hemi foldaon kam from heven olsem laetning hemi kamdaon long skae.