Emos 5:3 - Pijin Bible

³ Dastawe nao Lod Yawe hemi tok olsem, ?1,000 soldia long wanfala taon long Israel i goaot fo faet, bat 100 nomoa i laef an kambaek. An 100 soldia blong narafala taon tu i goaot fo faet, bat tenfala nomoa i laef an kambaek.?

Pijin Deuterocanon

³ Dastawe nao Lod Yawe hemi tok olsem, ?1,000 soldia long wanfala taon long Israel i goaot fo faet, bat 100 nomoa i laef an kambaek. An 100 soldia blong narafala taon tu i goaot fo faet, bat tenfala nomoa i laef an kambaek.?

Emos 5:3 Iomraidhean Croise

Sams 144:14

Ya, letem olketa buluka blong mifala i kamap plande fogud. Letem olketa enemi no save brekemdaon wolston blong taon fo kam insaet, an letem mifala no go aotsaet long wolston fo faetem olketa. Ya, letem no eniwan long mifala hemi krae long sore falom olketa rod long taon blong mifala.

Aesaea 1:9

Sapos Yawe hu hemi garem evri paoa hemi no bin sevem samfala long yumi, bae yumi olsem nao olketa pipol blong Sodom an Gomora wea olketa bin lus finis.

Aesaea 10:22

Olketa pipol blong Israel, nomata yufala plande tumas distaem olsem sanbis long saet si, bat long datfala taem, bae samfala long yufala nomoa i laef. Wei blong Yawe nao hemi stret fogud, an hemi bin talemaot finis wea bae hemi spoelem finis olketa pipol blong hem.

Aesaea 6:13

Nomata tu-tri pipol nomoa i stap, bae mi spoelem olketa tu. Nomata olsem, niufala holi pipol blong mi bae i kamap olsem niufala tri wea hemi grouap moa from botom blong tri wea olketa katemdaon finis.”

Esikiel 12:16

Nomata long taem blong faet, o taem blong hanggre, o taem blong ravis sik, bae mi letem samfala long olketa fo stap laef, bat bae hemi no plande. Bae mi letem samfala fo stap laef, mekem olketa save talem olketa pipol long olketa kantri wea i stap long olketa, abaotem wei wea olketa seleva bin gohed fo sin agensim Yawe, an mekem olketa savegud tu dat mi nao Yawe.”

Emos 6:9

(Profet) Sapos tenfala pipol nao i stap yet insaet long wanfala haos, bae olketa dae tu.

Leta wea Pol hemi raetem go long sios long Rom 9:27

An Aesaea hemi tokabaotem olketa pipol blong Israel, wea hemi singaot olsem, “Nomata pipol blong Israel olketa plande tumas olsem sanbis long saet si, bae samfala nomoa God hemi sevem olketa.

Diutronomi 28:62

Nomata fastaem yufala garem plande pipol olsem olketa sta long skae, bat sapos yufala no obeim Yawe, God blong yufala, oraet, tu-tri nomoa long yufala bae i stap laef.

Diutronomi 28:63

Kam kasem tude, taem yu obeim Yawe hemi hapi long yufala, an hemi mekem yufala fo garem gudfala laef an garem plande pipol. Bat long sem wei, sapos yufala no obeim hem, bae hemi hapi nomoa fo barava spoelem yufala finis. Olsem wea man hemi pulumaot ravis gras long gaden blong hem, bae olketa enemi i kam pulumaot yufala long disfala lan wea bae yufala go fo tekova long hem.

Diutronomi 4:27

An bae hemi ronem yufala aot mekem yufala go stap wetem olketa pipol blong olketa narafala ples, an bae samfala long yufala nomoa i stap laef long olketa ples ya.