Emos 2:3 - Pijin Bible

³ Bae mi kilim dae king blong olketa wetem evri bikman blong olketa.? Hem nao toktok blong Yawe.

Pijin Deuterocanon

³ Bae mi kilim dae king blong olketa wetem evri bikman blong olketa.? Hem nao toktok blong Yawe.

Emos 2:3 Iomraidhean Croise

Stori abaotem Job 12:21

Hemi meksem long olketa hu i garem paoa, an hemi mekem olketa bikman fo wikdaon.

Sams 141:6

Taem yu jajem olketa bikman ya long ae blong olketa pipol, fo olketa nogud samting wea olketa duim, bae olketa pipol i luksave nao wea olketa toktok blong mi abaotem olketa hemi tru.

Sams 2:10

Dastawe nao, yufala olketa king mas herem gudfala olketa toktok ya, an yufala mas lukaot. Olketa lida long wol, yufala mas savegud long mining blong olketa toktok ya.

Aesaea 40:23

Yawe hemi barava daonem paoa blong olketa man fo rul go-go hemi olsem samting nating nomoa.

Jeremaea 48:25

Moab hemi no garem paoa moa, an strong blong hem hemi finis nao.” Hem nao mesij blong Yawe.

Jeremaea 48:7

“Olketa pipol blong Moab. Oltaem nomoa yufala gohed fo trastem strong blong yufala an olketa risis blong yufala. Bat bae olketa no save helpem yufala. Olketa enemi bae i winim yufala, an fosim yufala fo lusim lan blong yufala. An bae olketa tekem tu kaving god Kemos, wetem olketa prist an olketa bikman blong hem.

Emos 5:12

Mi savegud finis long yufala. Plande taem nomoa yufala gohed fo brekem olketa Lo, an olketa sin blong yufala hemi barava nogud tumas. Yufala tekem seleni long olketa nogud man fo saet wetem olketa long kot, so yufala spoelem olketa puaman an fo ravem olketa mekem olketa lus nomoa long kot nomata olketa tok tru.

Emos 5:7

!Yufala hu i spoelem olketa stretfala wei blong pipol an sensim long olketa barava ravis wei blong yufala, yufala lisin kam long mi!

Emos 6:12

Yufala tingim fastaem. ?Waswe, hos save ran nomoa antap long olketa bikfala sap ston o nomoa? ?Waswe, man save plantem nomoa gaden blong hem insaet long solwata o nomoa? !Nomoa nao! !Diskaen samting hemi krangge tumas! Bat yufala gohed fo duim semkaen samting. Yufala tanem olketa stretfala wei fo kamap nogud olsem poesen fo kilim man dae, an yufala tanem olketa gudfala wei fo kamap nogud tumas olsem saoa kaikai.

Nambas 24:17

Mi lukluk long samting long maen blong mi, bat i no distaem. Mi lukim finis wanem bae hemi kamap longtaem bihaen. Wanfala sta bae hemi kamaot long laen blong Jekob. Ya, wanfala king bae mas kamap long Israel. Bae hemi kam brekem hed blong olketa lida blong Moab, an bae hemi spoelem olketa man fo faet.