So hemi sendem go toktok long taon long Tekoa fo kolem kam wanfala woman wea hemi waes fogud. Taem woman ya hemi kam, Joab hemi tok olsem long hem, “Mi laekem yu fo mekem olsem wea yu filsore an krae long wanfala man dae. Bae yu werem olketa kaleko wea hemi som olsem wea yu filsore, an bae yu no wakem eni oel long hea o skin blong yu. Yu mas mekem olsem i longtaem nao wea yu bin filsore long man dae.
Emos 1:1 - Pijin Bible1 Olketa toktok ya, hemi profesi abaotem Israel wea Yawe hemi talem long Profet Emos. Profet Emos, hemi man hu hemi onam olketa sipsip, an hemi man blong taon long Tekoa, long Jiuda. Profet hemi talemaot olketa toktok ya, tufala yia bifoa bikfala etkuek hemi kasem olketa. Long datfala taem, King Yusaea hemi king long Jiuda, an King Jeroboam hemi king long Israel. Dadi blong King Jeroboam nao King Jehoas. Faic an caibideilPijin Deuterocanon1 Olketa toktok ya, hemi profesi abaotem Israel wea Yawe hemi talem long Profet Emos. Profet Emos, hemi man hu hemi onam olketa sipsip, an hemi man blong taon long Tekoa, long Jiuda. Profet hemi talemaot olketa toktok ya, tufala yia bifoa bikfala etkuek hemi kasem olketa. Long datfala taem, King Yusaea hemi king long Jiuda, an King Jeroboam hemi king long Israel. Dadi blong King Jeroboam nao King Jehoas. Faic an caibideil |
Emos 1:1
23 Iomraidhean Croise
Nao Profet Elaeja hemi goaot from ples ya. Hemi go lukim Elaesa, san blong Safat. Elaesa hemi gohed fo wakem gaden blong hem long wanfala plao wea tufala buluka i pulum. An olketa man blong hem waka long nara levenfala plao fo brekem graon long gaden tu. Oraet, Elaeja hemi tekemaot longfala kaleko blong hem, an hemi go putum long Elaesa fo mekem saen long hem olsem bae hemi sensim hem.
Long neks de, long eli moning, olketa soldia i redi fo go long drae eria kolsap long Tekoa. Nao King Jehosafat hemi tok long olketa olsem, “!Olketa man blong Jiuda an Jerusalem, yufala mas lisin! Yufala mas trastem Yawe hu hemi God blong yufala, an bae hemi strongim yufala. Yufala mas biliv long toktok blong olketa profet blong hem, an bae hem mekem yufala win.”
Olketa toktok ya, hemi profesi wea Yawe hemi talem long Profet Aesaea, san blong Amoj, fo hemi talemaot long olketa pipol blong Jerusalem wetem olketa pipol blong Jiuda. Profet ya hemi talemaot olketa toktok ya long taem blong King Yusaea, an long taem blong King Jotam, an long taem blong King Ehas, an long taem blong King Hesekaea. Olketa evriwan ya i king long Jiuda.
Yawe hemi gohed fo tok olsem, “!Yufala blong Benjamin! !Yufala mas ranawe go haed! !Ranawei from Jerusalem! !Bloum trampet, yufala long taon long Tekoa! Yufala long taon long Bet-Hakerem, yufala mas laetem faea antap long hil bihaenem taon, fo somaot dat olketa enemi i ka-kam nao. Bikfala trabol ya hemi kam long not, an bae hemi kam fo spoelem yufala.
Hem ya nao Mesij blong Yawe wea hemi talemaot long Profet Hosia, san blong Beeri. Yawe hemi somaot Mesij ya long hem, long taem blong King Yusaea, an long taem blong King Jotam, an long taem blong King Ehas, an long taem blong King Hesekaea, wea evriwan i bin king long Jiuda, an long taem ya tu King Jeroboam, san blong Jehoas, hemi bin king long Israel.
Hem ya nao Mesij blong Yawe wea hemi talemaot long Profet Maeka blong taon long Moreset. Yawe hemi somaot Mesij ya long hem insaet long olketa spesol drim long taem blong King Jotam, an long taem blong King Ehas, an long taem blong King Hesekaea. Olketa evriwan ya i king blong Jiuda. Olketa spesol drim ya hemi profesi abaotem olketa pipol blong taon long Samaria, wea hemi kapitol blong Israel, an olketa pipol blong taon long Jerusalem, wea hemi kapitol blong Jiuda.
Bae yufala ranawe gotru long disfala vali long midol long tufala hil ya, disfala vali wea hemi go-go kasem ples long Asal. Ya, bae yufala ranawe kuiktaem olsem wea olketa grani blong yufala bin ranawe long taem blong etkuek long taem blong King Yusaea, hu hemi king blong Jiuda bifoa. Den Yawe God blong mi, bae hemi kam wetem olketa holi enjel blong hem.
Sanasan