Eksodas 9:4 - Pijin Bible

⁴ Bat bae mi mekem hemi deferen fo olketa animol blong pipol blong Israel, an hemi narawei fo olketa animol blong Ijip. Bae no eni animol blong Israel hemi save dae.

Pijin Deuterocanon

⁴ Bat bae mi mekem hemi deferen fo olketa animol blong pipol blong Israel, an hemi narawei fo olketa animol blong Ijip. Bae no eni animol blong Israel hemi save dae.

Eksodas 9:4 Iomraidhean Croise

Eksodas 10:23

Long taem ya, olketa pipol blong Ijip i no save lukim enisamting nao, olketa stap nomoa long olketa haos blong olketa, an no eniwan save kam aotsaet. Bat fo olketa pipol blong Israel, hemi gohed fo delaet nomoa long ples blong olketa.

Eksodas 12:13

Bat taem mi kam, sapos mi lukim blad wea yufala pendam long frem blong doa, hem nao bae hemi saen wea yufala stap long haos ya. An sapos mi lukim blad ya, bae mi pas ovarem datfala haos, an mi no panisim yufala wetem olketa pipol blong Ijip ya.

Eksodas 8:19

So olketa go an tok olsem long king, “!Wanfala god nao hemi mekem samting ya!” Bat king hemi nating lisin nomoa long olketa, hemi gohed fo bikhed nomoa, an hemi barava olsem nao wea Yawe bin talem fastaem.

Eksodas 8:22

Bat long lan wea olketa pipol blong mi i stap long Gosen, bae mi mekem wea olketa flae ya i no save go long ples blong olketa. Bae mi duim olsem mekem yu save dat mi nao Yawe, an mi garem paoa fo mekem olketa samting ya long kantri blong yu.

Eksodas 9:26

Wanfala ples nomoa hemi stap wea stom ya hemi no kasem. Hem nao ples ya long Gosen wea olketa pipol blong Israel i stap long hem nomoa.

Eksodas 9:5

Yawe nao hemi putum taem ya fo tumoro wea bae samting ya hemi hapen.”

Eksodas 9:6

Long neks de, Yawe hemi duim nao olsem wea hemi bin promisim. Evri animol blong pipol blong Ijip i dae, bat no eni animol blong pipol blong Israel i dae.

Emos 4:7

An mi nao bin stopem fo hemi no ren taem olketa gaden blong yufala i barava nidim wata. Mi letem fo hemi ren nomoa long samfala taon, bat i no long olketa narafala taon. Mi letem fo hemi ren nomoa long samfala gaden, bat long olketa narafala gaden hemi barava drae an olketa kolsap dae nao.

Malakae 3:18

An long datfala taem, bae yufala luksave wea olketa stretfala pipol hu i obeim mi i barava deferen from olketa nogud pipol hu i nating obeim mi.? Hem nao toktok blong Yawe hu hemi garem evri paoa.