Eksodas 9:26 - Pijin Bible

²⁶ Wanfala ples nomoa hemi stap wea stom ya hemi no kasem. Hem nao ples ya long Gosen wea olketa pipol blong Israel i stap long hem nomoa.

Pijin Deuterocanon

²⁶ Wanfala ples nomoa hemi stap wea stom ya hemi no kasem. Hem nao ples ya long Gosen wea olketa pipol blong Israel i stap long hem nomoa.

Eksodas 9:26 Iomraidhean Croise

Eksodas 10:23

Long taem ya, olketa pipol blong Ijip i no save lukim enisamting nao, olketa stap nomoa long olketa haos blong olketa, an no eniwan save kam aotsaet. Bat fo olketa pipol blong Israel, hemi gohed fo delaet nomoa long ples blong olketa.

Eksodas 11:7

Bat bae no eni nogud samting save kam fo spoelem olketa pipol blong Israel wetem olketa animol blong olketa. Long datfala taem, bae hemi kuaet tumas long ples wea pipol blong Israel i stap, mekem olketa dog tu i stap kuaet long ples ya. Nao taem yufala lukim olketa samting ya, bae yufala save dat mi Yawe nao mi gohed fo mekem olketa pipol blong Israel i deferen from yufala.”

Eksodas 12:13

Bat taem mi kam, sapos mi lukim blad wea yufala pendam long frem blong doa, hem nao bae hemi saen wea yufala stap long haos ya. An sapos mi lukim blad ya, bae mi pas ovarem datfala haos, an mi no panisim yufala wetem olketa pipol blong Ijip ya.

Eksodas 8:19

So olketa go an tok olsem long king, “!Wanfala god nao hemi mekem samting ya!” Bat king hemi nating lisin nomoa long olketa, hemi gohed fo bikhed nomoa, an hemi barava olsem nao wea Yawe bin talem fastaem.

Eksodas 9:4

Bat bae mi mekem hemi deferen fo olketa animol blong pipol blong Israel, an hemi narawei fo olketa animol blong Ijip. Bae no eni animol blong Israel hemi save dae.

Eksodas 9:6

Long neks de, Yawe hemi duim nao olsem wea hemi bin promisim. Evri animol blong pipol blong Ijip i dae, bat no eni animol blong pipol blong Israel i dae.

Jeremaea 23:6

Long taem wea hemi rul olsem king, bae hemi sevem olketa blong mi long Jiuda, an olketa blong mi long Israel bae i stap sef. An nem blong hem wea bae olketa kolem hem, hemi olsem, ‘Yawe Sedekenu.’

Emos 4:7

An mi nao bin stopem fo hemi no ren taem olketa gaden blong yufala i barava nidim wata. Mi letem fo hemi ren nomoa long samfala taon, bat i no long olketa narafala taon. Mi letem fo hemi ren nomoa long samfala gaden, bat long olketa narafala gaden hemi barava drae an olketa kolsap dae nao.