Eksodas 8:10 - Pijin Bible

¹⁰ An king hemi ansa olsem, “Oraet, tumoro nao.” Mosis hemi tok olsem, “Hemi gud. Bae mi duim wanem yu laekem, mekem yu save nao dat no eni narafala god stap wea hemi olsem Yawe, God blong mifala.

Pijin Deuterocanon

¹⁰ An king hemi ansa olsem, “Oraet, tumoro nao.” Mosis hemi tok olsem, “Hemi gud. Bae mi duim wanem yu laekem, mekem yu save nao dat no eni narafala god stap wea hemi olsem Yawe, God blong mifala.

Eksodas 8:10 Iomraidhean Croise

2 Samuel 7:22

“!Lod Yawe yu barava hae tumas! !No eniwan hemi olsem yu! Mifala herem an save dat yu nomoa yu God.

1 Kronikols 17:20

“!Lod Yawe, yu barava hae tumas! An no eniwan hemi olsem yu. Mifala herem an save dat yu nomoa yu God.

Sams 83:18

Lod Yawe, hemi gud tumas sapos olketa save dat yu nao yu God hu hemi hae tumas, an yu nao yu King ovarem evri pipol long wol. (Singsing blong laen blong Kora.)

Sams 86:8

Masta, no eni narafala god moa hemi olsem yu. Bikos no eniwan long olketa hemi save duim olketa gudfala waka olsem yu.

Sams 9:16

Yawe hemi mekem olketa pipol fo save dat hemi jajem olketa pipol long stretfala wei. Bat olketa nogud pipol, olketa ravis wei blong olketa nao i spoelem olketa seleva.

Eksodas 15:11

“Lod Yawe. ?Waswe, eni god moa hemi olsem yu? Nomoa nao. Yu barava holi tumas. An paoa blong yu evriwan i fraet long hem. Yu gohed fo mekem olketa mirakol, mekem pipol i mekhae long yu. No eni narafala god moa hemi olsem yu.

Eksodas 8:9

Mosis hemi tok olsem long hem, “Oraet. Yu talem wataem wea yu laekem mi fo prea fo yu, an olketa bikman blong yu, an olketa narafala pipol blong yu, nao bae olketa frog ya i goaot from olketa ples blong yufala. Bae olketa frog i stap nomoa long Nael Riva.”

Eksodas 9:14

Sapos nomoa, distaem bae mi barava spoelem yu, wetem olketa bikman blong yu, an olketa narafala pipol blong yu, mekem yufala save gudfala wea no eni God moa long wol ya hemi olsem mi.

Eksodas 9:29

Mosis hemi tok olsem long hem, “Taem mi goaot from taon ya, bae mi liftimap han blong mi, an mi prea long Yawe. Nao tanda ya bae hemi finis, an olketa ston long aes ya tu bae i no foldaon moa, mekem yu save dat disfala wol hemi blong Yawe.

Provebs 27:1

Nogud yu tokpraod long samting wea bae yu duim tumoro, yu no save wanem bae kamap.

Aesaea 40:18

?Hu nao hemi olsem God? ?Waswe, eni kaving god hemi olsem God?

Aesaea 40:25

Hem ya toktok blong God hu hemi holi tumas, “?Hu nao hemi olsem mi?”

Aesaea 46:9

Yufala mas tingim olketa samting wea hemi hapen kam bifoa. An yufala mas save dat mi nomoa mi God, an no eni narafala god moa hemi stap olsem mi.

Diutronomi 3:24

olsem, ‘Yawe, Masta blong mi, mi save dat yu bin stat nomoa fo somaot bikfala paoa blong yu. No eni narafala god long heven an long wol wea hemi save duim olketa bikfala waka wea yu mekem.

Diutronomi 32:31

Olketa enemi blong yufala i save dat olketa god blong olketa i no garem paoa olsem paoa mi garem.

Diutronomi 33:26

Den Mosis hemi tok olsem moa long evriwan long Israel, “!No eni narafala god hemi olsem God blong yufala stretfala pipol blong Israel. Hemi save krosim skae fo helpem yufala, an hemi go long olketa klaod long bikfala paoa blong hem.

Diutronomi 4:35

Hemi duim olsem fo somaot long yufala wea Yawe nomoa hemi God, an no eni narafala god moa hemi stap.

Diutronomi 4:39

So yufala mas save an tingting gudfala distaem, Yawe nomoa hemi God antap long heven an long daon long wol. No eni narafala god moa hemi stap.

Jemes 4:14

!Sei olketa, no eniwan save wanem nao bae hemi hapen long hem tumoro! Laef blong yumi, hemi olsem smok nomoa wea hemi save kamaot fo lelebet taem, an bihaen hemi lus moa.