Eksodas 7:6 - Pijin Bible

⁶ So, Mosis an Eron i duim nao wanem Yawe hemi talem tufala fo duim.

Pijin Deuterocanon

⁶ So, Mosis an Eron i duim nao wanem Yawe hemi talem tufala fo duim.

Eksodas 7:6 Iomraidhean Croise

Jenesis 22:18

Bae olketa pipol blong olketa narafala kantri i askem mi fo mi blesim olketa, olsem wea mi bin blesim olketa wea i bon kam long laen blong yu, from wei ya wea yu duim tude, wea yu bin obeim disfala toktok blong mi.’”

Jenesis 6:22

Nao Noa hemi duim evrisamting ya nao olsem wea God hemi bin talem hem.

Jenesis 7:5

Nao Noa hemi duim evrisamting wea God hemi bin talem hem.

Sams 119:4

Lod Yawe, yu bin givim finis olketa gudfala toktok blong yu long mifala, an yu bin talem mifala fo barava falom olketa toktok ya.

Eksodas 12:28

Nao olketa go an duim olsem wea Yawe hemi talem long tufala Mosis an Eron.

Eksodas 39:43

Oraet, Mosis hemi lukluk gudfala long evrisamting ya, an hemi lukim dat olketa bin wakem barava olsem wea Yawe bin talem long hem. So Mosis hemi blesim olketa nao.

Eksodas 40:16

An Mosis hemi duim evrisamting ya barava olsem wea Yawe bin talem hem.

Eksodas 7:10

So Mosis an Eron i go nao long king wetem olketa bikman blong hem, an duim nao wanem Yawe bin talem long tufala. Eron hemi torowe godaon wokingstik blong hem ya frant long olketa nomoa, an stik ya hemi kamap snek.

Eksodas 7:2

Yu mas talem Eron evrisamting wea mi talem long yu, mekem hem talemaot long king, fo letem pipol blong Israel i goaot from kantri blong hem.

Eksodas 7:20

Mosis an Eron i duim nao olsem wea Yawe hemi talem long tufala. Frant long king an evri bikman blong hem, Eron hemi liftimap disfala wokingstik an hemi hitim riva ya long hem, an evri wata long ples ya hemi kamap blad nao.

Gudnius abaotem Jisas Kraes wea Jon hemi raetem 15:10

Sapos yufala obeim olketa lo blong mi bae mi lavem yufala olowe, olsem mi obeim olketa lo blong Dadi blong mi an hemi lavem mi olowe tu.

Gudnius abaotem Jisas Kraes wea Jon hemi raetem 15:14

Yufala nao olketa fren blong mi ya, sapos yufala duim wanem mi talem long yufala.