Eksodas 7:23 - Pijin Bible

²³ Hemi gobaek long haos blong hem, an hemi nating wari nomoa long olketa samting ya wea Mosis an Eron i bin duim.

Pijin Deuterocanon

²³ Hemi gobaek long haos blong hem, an hemi nating wari nomoa long olketa samting ya wea Mosis an Eron i bin duim.

Eksodas 7:23 Iomraidhean Croise

Stori abaotem Job 7:17

?Waswe nao yu tingting tumas long man olsem? ?Waswe nao yu lukstrong long hem?

Sams 62:10

Ravis wei fo fosim pipol fo givim olketa samting long yufala, datwan yufala mas no trastem. Nomata wea evrisamting blong yufala hemi kamap plande, yufala mas no trastem olketa samting ya.

Eksodas 7:22

Bat olketa kleva man blong king ya i wakem majik blong olketa, an mekem semsamting tu. So king hemi gohed fo bikhed nomoa olsem wea Yawe bin talem bifoa, an hemi nating lisin nomoa long tufala ya.

Eksodas 7:24

Olketa pipol blong Ijip i gohed fo digdig falom saet blong riva ya fo faendem wata fo dringim, bikos olketa no save dring moa long riva ya nao.

Eksodas 9:20

Samfala bikman blong king i herem tu Mesij blong Yawe, an olketa fraet. So olketa go kuiktaem fo tekem go olketa slev an olketa animol blong olketa insaet long haos.

Eksodas 9:21

Bat olketa narafala bikman hu i les fo herem Mesij blong Yawe, olketa letem olketa slev an olketa animol blong olketa fo stap nomoa long aotsaet.

Provebs 22:17

Lisin kam gudfala long toktok blong waesman. Tingabaotem olketa samting mi tisim.

Provebs 24:32

So mi gohed fo tingting gudfala long hem, an mi lanem wanfala gudfala samting olsem:

Provebs 28:14

Tinghae long Yawe olowe, bae yu save hapi. Bat sapos yu bikhed, bae yu kasem trabol.

Provebs 29:1

Man hemi gohed fo bikhed nomata olketa tokstrong long hem plande taem, seknomoa, bae hem bagarap, an no enisamting save sevem hem.

Aesaea 26:11

!O Yawe! Yu liftimap finis han blong yu fo panisim olketa, bat olketa nating luksave nomoa. Plis yu som olketa disfala wei wea yu garem strongfala tingting fo pipol blong yu, mekem olketa wea i falom olketa nogud wei olsem i save sem. An yu mas bonem olketa long faea wea yu redim finis fo olketa enemi blong yu.

Aesaea 47:7

Yu bin tingse yu save gohed olsem bikfala kuin fo evritaem olowe nao. Bat yu nating tingim nomoa wea olketa samting ya bae hemi kasem yu.

Jeremaea 36:24

Taem king wetem olketa bikman blong hem i herem olketa toktok ya, olketa no fraet, an olketa no brekem kaleko fo somaot dat olketa sore fogud.

Jeremaea 5:3

(Profet) O Yawe. Hemi tru nao wea yu laekem tumas olketa pipol hu i save tok tru olowe. Nomata yu panisim olketa, bat olketa no save filim nao. Nomata yu spoelem olketa fo stretem wei blong olketa, bat olketa les fo lane from diswan. Olketa kamap bikhed moa, an olketa no laek fo tane from sin blong olketa.

Esikiel 40:4

Man ya hemi tok olsem long mi, “Man blong graon. Yu mas lukluk gud, an lisin kam gudfala, an tingting gudfala long olketa samting wea bae mi som long yu distaem, bikos mi tekem yu kam long hia fo talemaot long olketa blong Israel, evrisamting ya wea yu lukim.”

Habakuk 1:5

An Yawe hemi tok olsem, ?Olketa pipol blong mi. Yufala mas lukluk gudfala long olketa narafala kantri ya. Bae yufala seke fogud long olketa samting wea bae yufala lukim. No longtaem, bae wanfala samting hemi hapen. An taem yufala herem nius abaotem, yufala nating save bilivim nomoa.

Malakae 2:2

Sapos yufala no obeim mi o tinghevi fo mekhae long nem blong mi, bae mi mekem trabol fo kasem yufala an fo kasem gudfala laef wea yufala prist i garem. Ya, mi duim finis long yufala, bikos yufala nating tinghevi fo mekhae long nem blong mi.

Diutronomi 32:46

hemi tok olsem, “Yufala mas rimembarem disfala singsing wea mi givim long yufala tude. Yufala mas tisim hem long olketa pikinini blong yufala, bikos hemi save mekem olketa fo obeim disfala buk blong lo blong Yawe.