Eksodas 7:15 - Pijin Bible

¹⁵ Long moning, bae king hemi godaon long Nael Riva. So yu wetem Eron, bae yutufala tekem disfala wokingstik wea hemi bin kamap snek fastaem, an yutufala go mitim hem long saet long riva ya.

Pijin Deuterocanon

¹⁵ Long moning, bae king hemi godaon long Nael Riva. So yu wetem Eron, bae yutufala tekem disfala wokingstik wea hemi bin kamap snek fastaem, an yutufala go mitim hem long saet long riva ya.

Eksodas 7:15 Iomraidhean Croise

1 Kronikols 16:21

Bat Yawe hemi no letem eniwan fo mekful long olketa. Hemi tokstrong long olketa king bikos hemi gadem olketa pipol blong hem.

Eksodas 2:5

Long datfala taem, dota blong king wetem olketa wakagele blong hem, olketa kamdaon long riva ya fo hemi suim. Taem hemi gohed fo suim, olketa gele i gohed fo wakabaot long saet long riva ya. Hemi lukim go basket ya wea hemi flot midol long olketa longfala gras. So hemi sendem wanfala slev gele fo hemi go karim kam basket ya long hem.

Eksodas 7:10

So Mosis an Eron i go nao long king wetem olketa bikman blong hem, an duim nao wanem Yawe bin talem long tufala. Eron hemi torowe godaon wokingstik blong hem ya frant long olketa nomoa, an stik ya hemi kamap snek.

Eksodas 7:14

Yawe hemi tok olsem long Mosis, “Disfala king hemi gohed fo bikhed tumas, an hemi nating laek fo letem olketa pipol ya fo go fri.

Eksodas 8:20

Yawe hemi tok moa olsem long Mosis, “Tumoro, long eli moning, bae king hemi godaon long Nael Riva. Bae yu go fastaem, an weit fo hem, nao taem hemi kam, bae yu talem hem, ‘Yawe nao hemi tok olsem: !Letem pipol blong mi fo goaot from kantri ya, mekem olketa save wosipim mi!

Esikiel 29:3

Yu talem olketa dat mi Lod Yawe nao mi tok olsem: !King blong Ijip! Mi nao mi agensim yu. Yu olsem wanfala bikfala krokodael wea hemi gohed fo slip long botom blong Nael Riva. An yu gohed fo tok olsem, ‘!Riva ya hemi blong mi nao! !Mi nao mi mekem fo mi seleva!’