Eksodas 5:13 - Pijin Bible

¹³ An evri de, olketa masta i fosim olketa pipol fo waka had an olketa gohed fo tok olsem, “!Yufala mas kasem sem namba long brik wea yufala bin mekem bifoa, taem wea olketa bin givim drae gras long yufala!”

Pijin Deuterocanon

¹³ An evri de, olketa masta i fosim olketa pipol fo waka had an olketa gohed fo tok olsem, “!Yufala mas kasem sem namba long brik wea yufala bin mekem bifoa, taem wea olketa bin givim drae gras long yufala!”

Eksodas 5:13 Iomraidhean Croise

Esra 3:4

Den, barava olsem wea Lo ya hemi talem, olketa selebretem Bikde fo Stap long Smolfala Lif Haos, an evri de, olketa gohed fo mekem olketa sakrifaes blong disfala bikde.

Stori abaotem Job 39:7

Olketa wael dongki ya i stap farawe from olketa bikfala noes long olketa taon. An olketa ya no herem eni man singaot long olketa fo mekem olketa waka.

Eksodas 1:11

So olketa blong Ijip i putum samfala had bos fo fosim olketa blong Israel fo waka olsem slev. Olketa duim olsem fo mekful long olketa. Long disfala wei olketa fosim olketa fo wakem tufala bikfala taon long Pitom an Rameses, wea king hemi kipim kaikai an olketa narasamting long hem.

Eksodas 5:11

Yufala mas go lukaotem drae gras blong yufala seleva, long eniples wea yufala save faendem. Bat yufala mas mekem sem namba long brik wea yufala bin mekem bifoa. !Yufala mas no sot long namba blong brik!’ ”

Eksodas 5:12

So olketa go fo lukaotem drae gras long evri ples long Ijip.

Eksodas 5:14

Olketa masta ya gohed fo wipim nogud olketa bos hu i ovarem olketa wantok blong olketa. An olketa masta gohed fo tok olsem long olketa, “?Waswe nao yufala no save mekem sem namba long brik long yestade o long tude, olsem wea yufala save mekem bifoa?”

Eksodas 5:6

An long sem de nomoa, king hemi tokstrong long olketa masta blong olketa slev an long olketa man blong Israel hu i bos ovarem olketa wantok blong olketa. Hemi tok long olketa masta an olketa bos olsem,