Eksodas 39:1 - Pijin Bible

¹ Besalel wetem olketa narafala man ya i wakem olketa spesol kaleko fo olketa prist long blu koton, an papol koton, an red koton. Olketa spesol kaleko ya, olketa prist i werem long taem wea olketa duim waka insaet long Tambu Rum. An olketa wakem tu olketa spesol kaleko fo Eron, barava olsem wea Yawe bin talem long Mosis nao.

Pijin Deuterocanon

¹ Besalel wetem olketa narafala man ya i wakem olketa spesol kaleko fo olketa prist long blu koton, an papol koton, an red koton. Olketa spesol kaleko ya, olketa prist i werem long taem wea olketa duim waka insaet long Tambu Rum. An olketa wakem tu olketa spesol kaleko fo Eron, barava olsem wea Yawe bin talem long Mosis nao.

Eksodas 39:1 Iomraidhean Croise

Sams 93:5

Lod Yawe, olketa lo blong yu hemi stap olowe nao. An Tambuhaos blong yu hemi holi tumas, an bae hemi stap olsem olowe nao.

Eksodas 25:4

nambawan waet kaleko, an koton wea hemi blu, o papol, o red, kaleko wea olketa wakem long hea blong nanigot,

Eksodas 26:1

Yawe hemi gohed fo tok olsem long Mosis, “Bae yu mas wakem Tambu Haostent blong mi long tenfala pis long nambawan waet kaleko. Yu mas dekoretem olketa long blu koton, an papol koton, an red koton. An wanfala man hu hemi save duim, hemi mas somap samfala piksa blong olketa enjel long olketa pis kaleko ya.

Eksodas 28:5

Olketa man ya mas tekem olketa nambawan waet kaleko an somap olketa kaleko ya. An olketa mas yusim blu koton, an papol koton, an red koton, an koton wea olketa wakem long gol, fo dekoretem spesol kaleko ya.”

Eksodas 31:10

An olketa mas wakem tu olketa spesol tambu kaleko fo Eron an fo olketa san blong hem, wea bae olketa werem fo duim waka fo mi taem olketa kamap prist,

Eksodas 35:19

An olketa spesol tambu kaleko blong prist wea bae olketa werem fo go insaet long Tambu Rum. Hem nao olketa tambu kaleko wea Eron an olketa san blong hem bae i werem taem olketa duim waka blong prist.”

Eksodas 35:23

An evriwan wea hemi garem olketa nambawan waet kaleko, an koton wea hemi blu, o papol, o red, an kaleko wea olketa wakem long hea blong nanigot, o skin blong man sipsip wea hemi red, o nambawan skin blong jiukong, olketa tekem kam nao.

Eksodas 38:31

An olketa yusim olketa bras ya tu fo wakem olketa spesol botom fo olketa pos blong fens wea hemi go raonem open eria blong Tambu Haostent, an olketa botom blong olketa pos blong doa blong hem, an olketa samting fo hamarem go insaet long graon fo taengem olketa rop blong Tambu Haostent an olketa rop blong fens long hem.

Eksodas 39:41

Olketa spesol tambu kaleko blong prist wea bae olketa werem fo go insaet long Tambu Rum. Hem nao olketa tambu kaleko wea Eron an olketa san blong hem bae i werem taem olketa duim waka blong prist.

Esikiel 42:14

Taem olketa prist i finisim waka blong Yawe insaet long Tambuhaos blong hem, olketa mas aotem evri tambu kaleko insaet long olketa rum ya, an werem olketa narafala kaleko, bifoa olketa save go aotsaet fo ples wea olketa pipol i hipap long hem. Olketa tambu kaleko ya mas stap nomoa insaet long tambu ples.”

Esikiel 43:12

Hem ya nao lo long Tambuhaos blong mi: Olketa ples antap long disfala maonten wea haos blong mi hemi stap long hem hemi barava tambu tumas.”

Hibrus 9:12

An Kraes hemi no tekem go blad blong nanigot an buluka insaet long disfala Barava Tambu Rum, bat hemi tekem go blad blong hem seleva nao. An wanfala taem nomoa hemi go insaet long tambuples ya. Long wei ya, hemi tekemaot olketa sin blong yumi evriwan an hemi mekem yumi fri olowe nao.

Hibrus 9:25

Evri yia nao, haeprist blong olketa Jiu hemi mas go insaet long Barava Tambu Rum fo tekem go blad blong animol insaet long hem. Bat Kraes wea hemi givim laef blong hem long God olsem wanfala sakrifaes, hemi no go insaet long heven long plande taem. Nomoa.