Eksodas 38:8 - Pijin Bible

⁸ Olketa wakem wanfala bikfala besin an olketa wakem botom blong hem tu. Olketa wakem tufala samting ya long bras from olketa glas wea i blong olketa woman hu i waka long doa blong Tambu Haostent.

Pijin Deuterocanon

⁸ Olketa wakem wanfala bikfala besin an olketa wakem botom blong hem tu. Olketa wakem tufala samting ya long bras from olketa glas wea i blong olketa woman hu i waka long doa blong Tambu Haostent.

Eksodas 38:8 Iomraidhean Croise

1 Kings 7:38

An hemi wakem tenfala bikfala besin, an hemi putum olketa long olketa kaat ya. Bikfala besin ya, stat long wanfala saet go kasem nara saet, hemi wan mita an eiti sentemita. An wanfala besin ya hemi save holem samting olsem 880 lita.

2 Kronikols 4:2

Olketa wakem wanfala bikfala raon tangk long bras. Hae blong hem hemi winim tu mita, an insaet long hem, stat long wanfala saet go kasem nara saet, hemi kolsap foa an haf mita, an saes blong hem fo goraonem aotsaet blong hem hemi tetin an haf mita.

Sams 26:6

Lod Yawe, mi wasim han blong mi fo somaot dat mi stret nomoa long ae blong yu, an mi gohed fo wakabaot raonem olta blong yu fo wosipim yu.

Eksodas 30:17

Yawe hemi gohed fo tok olsem long Mosis,

Eksodas 31:9

an Olta ya fo Bonem Sakrifaes wetem evrisamting blong hem, an Bras Besin wetem botom blong hem.

Eksodas 38:7

Nao olketa pusum go tufala stik ya fo gotru long olketa ring ya long saet blong olta ya. Olketa wakem olta ya long timba, an hemi open olsem boks.

Eksodas 40:7

An yu mas tekem kam Bras Besin, an putum long midol long Olta fo Bonem Sakrifaes an Tambu Haostent, an fulumapem long wata.

Provebs 8:34

Man hu hemi lisin long mi, hemi kam long haos blong mi fo lane. An eniwan hu hemi stap wetem mi, bae hemi hapi.

Sekaraea 13:1

?Long datfala de, bae mi openem wanfala gudfala springwata, mekem olketa laen blong Deved an olketa pipol blong Jerusalem save yusim fo kamap klin long ae blong mi from olketa sin blong olketa an olketa narafala samting wea i mekem olketa fo kamap no klin.

Matiu 26:69

Nao taem Pita hemi sidaon yet long eria long midol long haos blong Haeprist ya, wanfala haosgele hemi kam long hem nao, an hemi sei, “Yu tu yu bin stap wetem disfala man Jisas blong Galili ya.”

Gudnius abaotem Jisas Kraes wea Luk hemi raetem 2:37

an bihaen, hasban blong hem hemi dae. An disfala wido woman hemi stap kasem eiti-foa yia blong hem nao. Evritaem nomoa, woman ya hemi stap long Tambuhaos blong God. Long de an long naet hemi stop fo no kaikai an fo gohed fo prea.

Gudnius abaotem Jisas Kraes wea Jon hemi raetem 13:10

Bat Jisas hemi sei long hem, “Man hu hemi suim an hemi klin finis, hemi no save wasim bodi blong hem moa ya. Lek blong hem nomoa hemi mas wasim. Yufala klin finis, bat no evriwan long yufala.”

Gudnius abaotem Jisas Kraes wea Jon hemi raetem 18:16

Bat Pita hemi stap nomoa aotsaet long geit. So nara disaepol ya hemi kambaek aotsaet moa, an hemi tok wetem disfala gele hu hemi stap long geit ya, an hemi tekem Pita fo go insaet.

1 Timoti 5:5

Wanfala wido woman wea hemi stap seleva nomoa an hemi no save helpem hem seleva, hemi save putum biliv blong hem strong long God, an evritaem, nomata naet, hemi save gohed fo prea long God fo hemi helpem hem.

Hibrus 9:10

Bikos olketa samting ya hemi blong aotsaet blong man nomoa, olsem olketa rul abaotem kaikai an dring an wei fo wasim olketa seleva. God hemi givim kam olketa rul ya, mekem olketa stap kasem taem wea God bae hemi sensim evrisamting fo stap long niufala wei moa.

1 Jon 3:7

Olketa pikinini blong mi, yufala mas no letem eniwan fo laea long yufala abaotem diswan. Eniwan hu hemi gohed fo duim wanem hemi stret, hemi stretfala man nao long ae blong God, olsem Kraes tu hemi stret long ae blong God.

Revelesin 1:5

An lav an piis hemi kam tu from Jisas Kraes wea hemi man fo talemaot stret olketa toktok blong God, an hemi fas man fo laefbaek moa from dae, an wea hemi garem paoa ovarem evri king long wol. Jisas Kraes hemi lavem yumi tumas, an taem hemi dae olsem wanfala sakrifaes hemi peimaot yumi evriwan from olketa sin blong yumi.

1 Samuel 2:22

Ilae hemi kamap olfala tumas, an oltaem hemi herem nius abaotem olketa samting wea tufala san blong hem i duim long olketa man, an wei wea tufala save slip wetem olketa woman hu i waka long doa blong tambuhaos blong Yawe.