Eksodas 38:1 - Pijin Bible

¹ Olketa wakem olta fo bonem sakrifaes long timba blong akesia tri. Olta ya hemi skuea, wea longfala an waed blong hem hemi kasem 225 sentemita, an hae blong hem hemi kasem 135 sentemita.

Pijin Deuterocanon

¹ Olketa wakem olta fo bonem sakrifaes long timba blong akesia tri. Olta ya hemi skuea, wea longfala an waed blong hem hemi kasem 225 sentemita, an hae blong hem hemi kasem 135 sentemita.

Eksodas 38:1 Iomraidhean Croise

2 Kronikols 1:5

Long frant blong Tambu Haostent blong Yawe long Gibeon, Olta fo Bonem Sakrifaes wea Besalel hemi bin wakem long bras hemi stap. Besalel ya hemi san blong Uri hu hemi san blong Hua. Nao Solomon an olketa bikman ya i go wosipim Yawe long dea, an askem hem fo lidim olketa.

2 Kronikols 4:1

Olketa wakem wanfala skuea olta long bras. Longfala blong olketa fofala saet blong olta ya, hemi naen mita. An hae blong hem hemi foa an haf mita.

Eksodas 25:5

skin blong man sipsip wea olketa mekem red, skin blong jiukong, timba blong akesia tri,

Eksodas 30:17

Yawe hemi gohed fo tok olsem long Mosis,

Eksodas 31:9

an Olta ya fo Bonem Sakrifaes wetem evrisamting blong hem, an Bras Besin wetem botom blong hem.

Eksodas 38:2

Olketa wakem fofala samting olsem hon blong buluka wea i stanap long olketa fofala kona blong olta ya, an olketa ya i barava pat long disfala olta nao. An olketa kavarem olta ya long bras.

Eksodas 40:29

Hemi tekem Olta fo Bonem Sakrifaes an putum go aotsaet long frant long doa blong Tambu Haostent. An hemi bonem wanfala animol wea hemi sakrifaesim an hemi bonem tu disfala flaoa wea hemi miks wetem oel, barava olsem wea Yawe bin talem.

Eksodas 40:6

An bae yu mas tekem Olta fo Bonem Sakrifaes, an putum go frant long doa blong Tambu Haostent fo Mitim mi.

Gudnius abaotem Jisas Kraes wea Jon hemi raetem 6:37

Evriwan wea Dadi blong mi hemi givim kam long mi, bae olketa kam falom mi. An eniwan hu hemi kam long mi, mi bae nating raosim hem gobaek moa.

Leta wea Pol hemi raetem go long sios long Rom 12:1

Olketa Kristin fren, bikos God hemi sore an kaen tumas long yumi, mi tokstrong long yufala. Yufala mas givim laef blong yufala olsem sakrifaes long God. Hemi wanfala sakrifaes wea hemi laef yet an hemi holi, mekem God hemi save hapi long hem. Diswan nao hemi barava wei fo yufala wosipim God.

Hibrus 13:10

Disfala sakrifaes antap long olta blong yumi, olketa prist hu i waka insaet long disfala Tambuhaos ya olketa no garem raet fo tekem eni kaikai from hem.

Hibrus 13:8

Jisas Kraes hemi semsem nomoa, stat kam bifoa an kam kasem distaem an go-go olowe.

Hibrus 3:1

Olketa Kristin fren blong mi wea God hemi siusim yufala finis, yufala mas putum tingting blong yufala strong long Jisas, wea God hemi sendem kam olsem Haeprist blong yumi. An hem nao wanem yumi bilivim.

Hibrus 9:14

!Bat blad blong Kraes hemi garem bikfala paoa moa! Long paoa blong Holi Spirit wea hemi stap oltaem, Kraes hemi givim laef blong hem seleva long God, olsem wanfala sakrifaes wea hemi barava gudfala. An blad blong hem hemi mekem tingting blong yumi fo kamap klin an no filsem moa, mekem yumi lusim olketa ravis wei wea yumi save dae long hem. An from diswan nao, yumi save waka fo God hu hemi givim laef.

1 Pita 2:5

yufala tu i kamap olsem olketa ston wea i garem laef. An long paoa blong Holi Spirit, God hemi yusim yufala fo bildim tambuhaos blong hem. An yufala nao i olketa holi prist blong God. An long nem blong Jisas Kraes, yufala save ofarem olketa sakrifaes long God wea hemi hapi tumas long olketa.

Revelesin 21:16

Biktaon ya hemi garem fofala kona. Nao waed blong hem an longfala blong hem, tufala barava semsem nomoa. Nao enjel ya hemi mesarem biktaon ya, an hemi kasem 12,000 stadia. Long blong hem an waed blong hem an hae blong hem, trifala evriwan barava semsem nomoa.