Eksodas 32:26 - Pijin Bible

²⁶ Den, hemi go an stanap long geit blong ples wea olketa stap long hem, an hemi singaot bikfala olsem long olketa, “!Evriwan hu i stap yet long saet blong Yawe, mas kam long hia!” Nao olketa long traeb blong Livae i kam an hipap raonem hem.

Pijin Deuterocanon

²⁶ Den, hemi go an stanap long geit blong ples wea olketa stap long hem, an hemi singaot bikfala olsem long olketa, “!Evriwan hu i stap yet long saet blong Yawe, mas kam long hia!” Nao olketa long traeb blong Livae i kam an hipap raonem hem.

Eksodas 32:26 Iomraidhean Croise

2 Samuel 20:11

Wanfala soldia blong Joab hemi stanap long saet blong bodi blong Amasa. Hemi gohed fo singaot olsem, “!Yufala hu i sapotem Joab wetem King Deved, yufala mas falom Joab!”

2 Kings 9:32

Jehu hemi luk goap, an hemi singaot bikfala olsem, “?Hu nao saetem mi? ?Hu ya?” Nao tu-trifala wakaman long haos blong king i lukaot kam long windo.

Sams 94:16

Yawe nomoa hemi helpem mi an hemi saetem mi fo agensim olketa nogud pipol ya.

Eksodas 32:25

Mosis hemi lukim dat olketa pipol i olobaot nomoa, an wea Eron hemi nating traehad nomoa fo stopem olketa ya. So long ae blong olketa hu i agensim olketa hemi luk olsem olketa sem an barava krangge nomoa.

Eksodas 32:27

An hemi tok olsem long olketa, “Yawe hu hemi God blong Israel, hemi tok olsem, ‘Yufala evriwan mas holem naef fo faet an go evriwea long ples ya an kilim dae olketa hu i bin duim disfala ravis samting, nomata olketa brata, o fren, o wantok blong yufala.’ ”

Matiu 12:30

“Eniwan hu hemi no falom mi, hemi agensim mi nao ya. An eniwan hu hemi no helpem mi fo tekem olketa pipol kam long God, hemi raosim olketa pipol fo no kam long God nao ya.

Diutronomi 33:9

An long narafala taem, yufala obeim Yawe an no wari long olketa dadi an mami blong yufala, o long olketa wantok o pikinini blong yufala. Yufala lukaftarem nomoa disfala spesol agrimen blong Yawe.

Josua 5:13

Wanfala de, taem Josua hemi wakabaot kolsap go long Jeriko, seknomoa hemi lukim wanfala man wea hemi stanap frant long hem. Man ya hemi holem wanfala naef fo faet. Josua hemi go kolsap long hem, an askem hem olsem, “?Waswe, yu wanfala long mifala, o wanfala enemi?”