Eksodas 30:10 - Pijin Bible

¹⁰ Wanfala taem long evri yia, Eron mas tekem lelebet blad blong animol wea hemi kilim dae an ofarem kam fo mekem yufala stret moa long ae blong mi, an hemi mas putum long olketa fofala hon blong olta ya fo mektambu long hem fo mi Yawe. Evri yia, hae prist mas duim olsem, an disfala samting ya hemi mas gohed fo duim olowe nao.”

Pijin Deuterocanon

¹⁰ Wanfala taem long evri yia, Eron mas tekem lelebet blad blong animol wea hemi kilim dae an ofarem kam fo mekem yufala stret moa long ae blong mi, an hemi mas putum long olketa fofala hon blong olta ya fo mektambu long hem fo mi Yawe. Evri yia, hae prist mas duim olsem, an disfala samting ya hemi mas gohed fo duim olowe nao.”

Eksodas 30:10 Iomraidhean Croise

1 Kings 1:50

An Adonaeja hemi barava fraet tumas long King Solomon, so hemi go long Tambu Haostent, an holem hon blong olta.

1 Kronikols 6:49

Nao Eron an olketa long laen blong hem, olketa nomoa save bonem insens long olta fo bonem insens, an olketa nomoa save bonem olketa sakrifaes long olta fo bonem sakrifaes. Olketa ya nomoa i garem raet fo duim olketa waka insaet long Barava Tambu Rum, an fo mekem olketa sakrifaes fo tekemaot sin blong pipol blong Israel. Olketa duim olketa samting ya barava falom wanem Mosis, wakaman blong God, hemi bin talem olketa.

Eksodas 30:11

Yawe hemi gohed fo tok olsem long Mosis,

Eksodas 30:9

An yufala mas no bonem eni narafala samting moa antap long disfala olta fo mi, olsem eni narakaen insens moa, o animol, o kaikai wea yufala wande ofarem kam long mi. An yufala mas no kapsaetem eni waen antap long hem tu fo ofarem kam long mi.

Levitikas 16:16

So long disfala wei, hae prist hemi save mekem Barava Tambu Rum fo kamap klin moa long ae blong mi. Hemi mas duim olsem from olketa sin blong pipol blong Israel an bikos olketa no klin long ae blong mi. An hemi mas mekem semsamting long Tambu Haostent bikos hemi stap midol long ples blong olketa hu i no klin long ae blong mi.

Levitikas 16:18

An bihaen, hemi mas tekem go samfala blad blong buluka an nanigot, an putum long Olta fo Bonem Sakrifaes fo mekem hem klin tu. Hemi mas putum blad ya long olketa foa hon blong olta,

Levitikas 16:2

Hemi tok olsem, “Talem brata blong yu Eron, hemi mas no kam olowe insaet long Barava Tambu Rum wea kaleko hemi satem. Sapos hemi kam long rong taem, bae hemi mas dae bikos hem nao tambu ples wea mi save kam long yufala insaet long klaod antap long kava blong Tambu Boks blong Spesol Agrimen.

Levitikas 23:27

“Evri yia, long disfala mekseven mans, long mekten de blong hem, yufala mas mekem spesol wosip long Bikde fo Tekemaot Sin. Long disfala bikde, yufala mas no kaikaim enisamting. An yufala mas kam tugeta fo wosipim mi, an yufala mas ofarem wanfala sakrifaes fo givim kam olsem tambu samting long mi Yawe.

Levitikas 4:18

An hemi mas putum samfala blad long olketa fofala hon blong olta fo bonem insens insaet long Tambu Haostent. Bihaen, hemi mas tekem evri narafala blad, an kapsaetem go long botom blong olta fo bonem sakrifaes wea hemi stap kolsap long doa blong Tambu Haostent.

Levitikas 4:7

An hemi mas tekem samfala blad an putum long olketa fofala hon blong olta fo bonem insens. An haf long blad wea hemi stap yet, hemi mas kapsaetem go long botom blong olta fo bonem sakrifaes wea hemi stap kolsap long doa blong Tambu Haostent.

Hibrus 1:3

Hem nao hemi somaot saen blong bikfala paoa blong God. Hemi barava olsem God nao, an hemi holem skae an wol ya strong wetem toktok blong hem, wea hemi garem bikfala paoa. Taem hemi tekemaot sin blong olketa pipol finis, hemi go sidaon long heven long raetsaet blong God hu hemi garem evri paoa.

Hibrus 9:25

Evri yia nao, haeprist blong olketa Jiu hemi mas go insaet long Barava Tambu Rum fo tekem go blad blong animol insaet long hem. Bat Kraes wea hemi givim laef blong hem long God olsem wanfala sakrifaes, hemi no go insaet long heven long plande taem. Nomoa.

Hibrus 9:7

Bat long disfala Barava Tambu Rum, haeprist seleva nomoa hemi save go insaet long hem ya. An hemi save go insaet long ples ya long wanfala taem nomoa long wanfala yia. An evri taem hemi go insaet long hem, hemi mas tekem go blad blong animol fo mekem sakrifaes long hem, fo olketa sin blong hem seleva wetem olketa sin wea olketa pipol i mekem from olketa no savegud.

Revelesin 9:13

Nao meksiks enjel hemi bloum moa trampet blong hem. An mi herem wanfala toktok long fofala kona blong gol olta ya wea hemi stap long frant long God.