Eksodas 30:1 - Pijin Bible

¹ Yawe hemi gohed fo tok olsem long Mosis, “Bae yu mas yusim timba blong akesia tri fo wakem wanfala olta fo bonem insens antap long hem.

Pijin Deuterocanon

¹ Yawe hemi gohed fo tok olsem long Mosis, “Bae yu mas yusim timba blong akesia tri fo wakem wanfala olta fo bonem insens antap long hem.

Eksodas 30:1 Iomraidhean Croise

1 Kings 6:20

Longfala blong Barava Tambu Rum hemi kasem naen mita, an waed blong hem hemi kasem naen mita, an hae blong hem hemi kasem naen mita. Long evri ples insaet long rum ya, olketa yusim nambawan gol fo kavarem olketa timba blong hem. An jes aotsaet long rum ya, disfala olta wea olketa wakem long timba blong sida, olketa kavarem tu long nambawan gol.

1 Kings 6:22

Long evri ples insaet long Tambuhaos, olketa yusim gol fo kavarem olketa timba. An olketa yusim gol fo kavarem olta blong Barava Tambu Rum tu.

1 Kings 7:48

An Solomon hemi talem olketa wakaman fo mekem olketa samting fo putum insaet long Tambuhaos. Olketa samting wea olketa wakem long nambawan gol hemi olsem: Olta fo Bonem Insens. Tebol fo Tambu Bred.

1 Kronikols 28:18

An hem nao haomas barava nambawan gol fo wakem Olta fo Bonem Insens. An Deved hemi givim Solomon plan blong samting wea i olsem kaving long tufala enjel. Disfala kaving long gol hemi garem tufala enjel wea wing blong tufala i ovarem Tambu Boks blong Spesol Agrimen blong Yawe.

1 Kronikols 6:49

Nao Eron an olketa long laen blong hem, olketa nomoa save bonem insens long olta fo bonem insens, an olketa nomoa save bonem olketa sakrifaes long olta fo bonem sakrifaes. Olketa ya nomoa i garem raet fo duim olketa waka insaet long Barava Tambu Rum, an fo mekem olketa sakrifaes fo tekemaot sin blong pipol blong Israel. Olketa duim olketa samting ya barava falom wanem Mosis, wakaman blong God, hemi bin talem olketa.

2 Kronikols 26:16

Bat taem King Yusaea hemi kamap strong fogud, hemi praod tumas go-go hemi bagarap. Hemi mekem sin agensim Yawe hu hemi God blong hem taem hemi go insaet long Tambuhaos blong Yawe fo hemi bonem insens long Olta fo Bonem Insens.

Eksodas 30:10

Wanfala taem long evri yia, Eron mas tekem lelebet blad blong animol wea hemi kilim dae an ofarem kam fo mekem yufala stret moa long ae blong mi, an hemi mas putum long olketa fofala hon blong olta ya fo mektambu long hem fo mi Yawe. Evri yia, hae prist mas duim olsem, an disfala samting ya hemi mas gohed fo duim olowe nao.”

Eksodas 30:2

Disfala olta hemi mas skuea, wea longfala an waed blong hem hemi mas kasem 45 sentemita, an hae blong hem hemi mas kasem 90 sentemita. Antap long fofala kona blong hem, hemi mas garem fofala samting olsem hon blong buluka, wea i barava pat blong olta nomoa.

Eksodas 31:8

Olketa narafala samting nao i Tebol blong Tambu Bred wetem olketa samting blong hem, an Spesol Frem fo putum Lam wetem olketa samting blong hem, wea yu mas wakem olketa long nambawan gol, an Olta fo Bonem Insens,

Eksodas 35:15

An Olta fo Bonem Insens wetem tufala stik fo karim, an tambu oel ya fo mektambu long olketa samting, an insens wea hemi garem gudfala smel, an bikfala kaleko fo satem doa long frant blong tambu haostent ya.

Eksodas 39:38

Olta fo Bonem Insens wea olketa kavarem long gol, wetem tambu oel ya hemi fo mektambu long olketa samting, an insens ya wea hemi garem gudfala smel, an bikfala kaleko ya hemi fo satem doa long frant blong haostent ya.

Eksodas 40:5

Yu mas tekem kam Olta fo Bonem Insens wea olketa bin kavarem hem long gol, an putum kolsap long bikfala kaleko wea hemi satem go Tambu Boks long Spesol Agrimen. An yu mas tekem narafala kaleko ya fo satem doa blong Tambu Haostent an hangem go long doa ya.

Esikiel 41:22

Wanfala olta wea olketa mekem long timba, hemi stap long ples ya. Hae blong hem hemi wan an haf mita, an hemi skuea wea evri saet blong hem hemi kasem wan mita. Olketa mekem kona blong hem, an botom blong hem wetem olketa saet blong hem long timba. Man ya hemi tok olsem long mi, “Diswan nao hemi tebol wea oltaem hemi stanap frant long Yawe.”

Levitikas 4:18

An hemi mas putum samfala blad long olketa fofala hon blong olta fo bonem insens insaet long Tambu Haostent. Bihaen, hemi mas tekem evri narafala blad, an kapsaetem go long botom blong olta fo bonem sakrifaes wea hemi stap kolsap long doa blong Tambu Haostent.

Levitikas 4:7

An hemi mas tekem samfala blad an putum long olketa fofala hon blong olta fo bonem insens. An haf long blad wea hemi stap yet, hemi mas kapsaetem go long botom blong olta fo bonem sakrifaes wea hemi stap kolsap long doa blong Tambu Haostent.

Nambas 3:31

Waka blong olketa fo lukaftarem Tambu Boks long Spesol Agrimen blong Yawe, wetem Tebol fo Tambu Bred, an Spesol Frem fo putum Lam, an tufala Olta, an olketa samting wea olketa prist i yusim long Tambu Haostent ya, an bikfala kaleko wea hemi satem disfala Barava Tambu Rum. Waka long olketa samting ya hemi long han blong olketa nao.

Nambas 4:11

“An narafala samting, trifala mas tekem wanfala blu kaleko fo kavaremap olta wea olketa wakem long gol, an trifala mas tekem wanfala skin blong jiukong fo kavaremap olta ya moa. Den trifala mas putumbaek tufala spesol stik fo karim disfala olta.

Hibrus 9:4

An insaet long disfala rum ya, olketa kipim disfala olta fo bonem insens long hem wetem Tambu Boks long Spesol Agrimen blong God. Olta an boks ya, olketa kavarem tufala evriwan long gol long evri saet blong hem. An insaet long boks ya, olketa kipim disfala botol long gol wea lelebet kaikai wea olketa kolem “mana” nao hemi stap insaet long hem. An insaet long boks tu, disfala wokingstik blong Eron hemi stap wea hemi bin groubaek moa olsem tri wea hemi garem lif an flaoa an frut long hem. An narasamting long boks ya tu, hemi tufala ston wea God hemi bin raetemdaon Lo long tufala.

Revelesin 8:3

Nao narafala enjel moa hemi kam an stanap kolsap long olta ya. An hemi holem wanfala sosa blong insens wea olketa mekem long gol. Olketa givim hem plande insens moa fo hemi adem go wetem olketa prea blong olketa pipol blong God. An hemi mekem sakrifaes long hem long disfala olta wea olketa mekem long gol, wea hemi stap long frant blong tron ya.