Eksodas 29:3 - Pijin Bible

³ An taem yu kilim dae man buluka ya an tufala man sipsip ya fo sakrifaesim kam long mi, yu mas fulumap wanfala basket long trifala kaen bred ya an ofarem kam long mi.

Pijin Deuterocanon

³ An taem yu kilim dae man buluka ya an tufala man sipsip ya fo sakrifaesim kam long mi, yu mas fulumap wanfala basket long trifala kaen bred ya an ofarem kam long mi.

Eksodas 29:3 Iomraidhean Croise

Eksodas 29:2

An yu mas tekem flaoa wea olketa wakem long nambawan wit, an mekem trifala deferen kaen bred wea hemi no garem yist long hem. Wankaen yu mas bekem olsem yufala mekem evri de. Long narakaen, yu mas miksim oliv oel long hem bifoa yufala bekem. An fo disfala mektri kaen, yu mas wakem samfala bisket, an afta olketa kuk finis, yu mas rabem oel ya long olketa.

Eksodas 29:4

“Nao yu mas tekem Eron an olketa san blong hem fo kam long doa blong Tambu Haostent fo Mitim God, an yu mas suimim olketa, mekem olketa klin long ae blong mi.

Levitikas 8:2

“Tekem kam Eron wetem olketa san blong hem, long doa blong Tambu Haostent fo Mitim God. An tekem kam olketa spesol kaleko blong prist, an tambu oel, an disfala man buluka blong sakrifaes fo mekem olketa stret moa long ae blong mi, an tufala man sipsip an disfala basket wea hemi garem trifala kaen bred wea hemi no garem yist. An yu mas kolem evriwan fo kam tugeta long datfala ples.”

Levitikas 8:26

Den hemi tekemaot from basket ya trifala kaen tambu bred wea i no garem yist, an hemi putum trifala antap long olketa gris an raet lek blong sipsip ya.

Levitikas 8:31

Oraet, Mosis hemi tok olsem long Eron wetem olketa san blong hem, “Yawe hemi talem dat yufala mas tekem mit blong mektu sipsip, an kukim long wata long disfala ples nomoa, long doa blong Tambu Haostent fo Mitim God. An yufala mas kaikaim wetem olketa bred long basket blong kaikai fo mektambu long yufala. Hem nao wanem Yawe hemi talem yufala fo duim.

Nambas 6:17

An hemi mas mekem tu disfala sakrifaes fo somaot dat Nasiraet hemi stapgud wetem mi. An taem hemi bonem disfala sakrifaes hemi mas givim basket long bred tu, an hemi mas ofarem kam ofaring long flaoa long nambawan wit, an ofaring long waen.