Eksodas 27:9 - Pijin Bible

⁹ Yawe hemi gohed fo tok olsem, “Bae yu mas wakem fens fo mekem wanfala open eria raonem Tambu Haostent. Yu mas somap wanfala longfala kaleko long nambawan waet kaleko, fo hangem long disfala fens raonem open eria ya. Long saot saet blong fens ya, longfala blong kaleko ya mas kasem 45 mita.

Pijin Deuterocanon

⁹ Yawe hemi gohed fo tok olsem, “Bae yu mas wakem fens fo mekem wanfala open eria raonem Tambu Haostent. Yu mas somap wanfala longfala kaleko long nambawan waet kaleko, fo hangem long disfala fens raonem open eria ya. Long saot saet blong fens ya, longfala blong kaleko ya mas kasem 45 mita.

Eksodas 27:9 Iomraidhean Croise

1 Kings 6:36

Nao aotsaet long Tambuhaos hemi garem wanfala smolfala open eria raonem hem. An long wol raonem eria ya, olketa mekem wanfala laen long timba fo stap long antap evri mektri laen long ston.

1 Kings 8:64

Long sem de tu, king hemi mektambu long open eria long frant long Tambuhaos, bikos olta wea olketa wakem long bras hemi smolfala tumas, an hemi no fit fo bonem evri sakrifaes long hem. So long ples ya, olketa bonem olketa sakrifaes wea i barava bone, an olketa ofaring long flaoa long nambawan wit, an olketa gris blong olketa sakrifaes fo somaot dat olketa stapgud wetem Yawe.

2 Kronikols 4:9

An olketa wakem wanfala open eria wea i garem wolston aotsaet long Tambuhaos. Open eria ya hemi fo olketa prist nomoa. An olketa wakem wanfala wolston raonem bikfala open eria aotsaet long Tambuhaos. Olketa geit fo go long tufala open eria ya, olketa kavarem long bras.

Sams 100:4

Yufala mas go insaet long Tambuhaos blong hem fo talem tengkiu long hem, an fo preisim hem. Ya, yumi talem tengkiu long hem an preisim hem

Sams 84:10

God blong mi, sapos mi stap fo wanfala de nomoa insaet long Tambuhaos blong yu, hemi moabeta winim sapos mi stap fo 1,000 de long eni narafala ples. Nomata mi stanap nomoa long doa blong Tambuhaos blong yu, hemi moabeta winim sapos mi stap insaet long haos blong olketa nogud pipol.

Sams 92:13

Ya, bae olketa stap olowe insaet long Tambuhaos blong Yawe. An bae olketa garem gudfala laef long Tambuhaos blong God.

Eksodas 27:10

An hemi mas garem tuentifala pos wetem tuentifala spesol bras botom fo olketa stanap long hem. Yu mas yusim silva fo wakem olketa huk an olketa reil wea longfala kaleko ya hemi hang long olketa.

Eksodas 35:17

An olketa kaleko blong fens fo mekem disfala open eria raonem Tambu Haostent wetem olketa pos blong fens ya an olketa botom blong olketa, an kaleko fo satem doa blong fens ya.

Eksodas 36:17

Olketa somapem fiftifala ring long kaleko an putum long en blong tufala bikfala kaleko ya.

Eksodas 39:40

Olketa kaleko fo fens raonem Tambu Haostent ya wetem olketa pos blong fens ya an olketa botom blong olketa, an kaleko fo satem doa blong fens ya, an olketa rop blong Tambu Haostent an blong fens blong hem, an olketa samting wea olketa hamarem go insaet long graon fo taengem olketa rop. Olketa narafala samting moa fo yusim long Tambu Haostent fo Mitim God.

Eksodas 40:33

Hemi stanemap fens ya wetem longfala kaleko blong hem, raonem open eria blong Tambu Haostent wetem olta ya, an hemi hangemap bikfala kaleko fo satem long doa ya. Long wei ya nao, Mosis hemi finisim evri waka long Tambu Haostent ya.

Eksodas 40:8

An yu mas stanemap fens wetem longfala kaleko blong hem, raonem open eria blong Tambu Haostent, an hangemap bikfala kaleko fo satem long doa ya.

Esikiel 40:14

Den man ya hemi mesarem hae blong tufala saet blong geit wea hemi stap midol long disfala varanda an open eria ya frant long Tambuhaos. Hemi kasem teti mita. An disfala haos blong geit wetem olketa rum blong sekiuriti an varanda, hemi stap insaet long open eria frant long Tambuhaos, mekem open eria ya hemi raonem haos ya long trifala saet long hem.

Esikiel 40:17

Den man ya hemi tekem mi go insaet long bikfala open eria aotsaet long Tambuhaos. Olketa mekem tetifala rum insaet, bihaen long bikfala wol wea hemi stap raonem datfala bikfala open eria. Frant long olketa rum ya an raonem disfala bikfala open eria, olketa putum olketa flat ston fo mekem floa wea pipol save wakabaot long hem.

Esikiel 40:20

Hemi mesarem longfala an waed blong disfala geit long not, fo go insaet long bikfala open eria ya.

Esikiel 40:23

Wanfala geit hemi stap long narasaet long bikfala open eria ya, an hemi fes go long not, barava olsem tu narawan long narasaet wea hemi fes go long ist. Datfala man hemi mesarem bikfala open eria ya, stat long geit fo go aotsaet, go-go kasem geit fo go insaet long smolfala open eria ya insaet, hemi kasem fifti mita.

Esikiel 40:28

Man ya hemi tekem mi long disfala haos blong geit long saot saet, wea hemi go insaet long datfala smolfala open eria wea hemi stap kolsap long Tambuhaos. Hemi mesarem disfala geit ya, an hemi semsem nomoa olsem olketa narafala geit.

Esikiel 40:32

Den man ya hemi tekem mi long disfala haos blong geit long ist saet, wea hemi go insaet long datfala smolfala open eria wea hemi stap kolsap long Tambuhaos. Hemi mesarem disfala geit ya, an hemi semsem nomoa olsem olketa narafala geit.

Esikiel 40:44

Oraet, mi gotru long haos blong geit fo go insaet long smolfala open eria wea hemi stap kolsap long Tambuhaos, an mi lukim tufala rum nao hemi stap wea doa blong tufala hemi fesim go disfala smolfala open eria. Wanfala rum hemi stap kolsap long haos blong geit long not saet, an hemi fes go long saot, an narawan wea hemi stap kolsap long haos blong geit long ist saet, an hemi fes go long not.

Esikiel 42:3

Wanfala saet long haos ya hemi fes go long disfala smolfala open eria ya insaet, an waed blong open eria ya wea hemi go kasem wol long Tambuhaos blong God hemi ten mita. Narafala saet hemi fes go long bikfala open eria ya wea olketa dekoretem rod blong hem long olketa ston mekem olketa pipol save wakabaot long hem. Haos ya hemi garem tri stori, an hemi garem olketa smolfala varanda.

Nambas 3:26

An olketa lukaftarem tu disfala fens raonem open eria blong Tambu Haostent an Olta, an olketa kaleko an rop blong fens ya, an kaleko fo satem doa blong open eria ya. Waka blong olketa samting ya hemi blong olketa nao.

Nambas 4:26

an olketa kaleko blong fens raonem Tambu Haostent an olta, an kaleko fo satem doa blong datfala ples, an olketa rop blong fens ya, an evrisamting moa wea olketa yusim fo putumap Tambu Haostent. Oltaem olketa man long laen blong Geson mas duim evrisamting fo lukaftarem olketa samting ya.

Nambas 4:32

An olketa mas karim tu olketa pos blong fens wea hemi raonem Tambu Haostent, wetem evri spesol botom blong olketa pos ya, an olketa samting fo holem fens an olketa rop blong hem, an evri tul fo duim waka long hem. An yu mas talemaot nem blong samting wea evri man mas karim.