Eksodas 27:3 - Pijin Bible

³ Yu mas wakem olketa baket fo holem asis. An yu mas wakem olketa smolfala savol, an olketa besin, an olketa fok, an olketa baket fo karim hot sakol o asis blong faea wea hemi laet yet. Yu mas wakem evrisamting ya long bras.

Pijin Deuterocanon

³ Yu mas wakem olketa baket fo holem asis. An yu mas wakem olketa smolfala savol, an olketa besin, an olketa fok, an olketa baket fo karim hot sakol o asis blong faea wea hemi laet yet. Yu mas wakem evrisamting ya long bras.

Eksodas 27:3 Iomraidhean Croise

1 Kings 7:40

An Huram hemi wakem finis tu olketa dis, an olketa savol, an olketa besin. So hemi finisim evri waka wea King Solomon hemi kolem hem fo kam duim long Tambuhaos blong Yawe.

1 Kings 7:45

Olketa baket fo holem asis, an olketa savol, an olketa besin. Hem nao evrisamting blong Tambuhaos wea Huram hemi wakem long bras fo King Solomon.

1 Kings 7:50

an olketa dis, an olketa samting fo kilim lam, an olketa dis fo karim insens, an olketa savol fo karim asis wea hemi gohed fo laet. An olketa hins blong tufala doa blong Barava Tambu Rum, an blong tufala doa blong bikfala rum blong Tambuhaos.

2 Kings 25:14

Olketa tekem tu olketa baket fo holem asis, an olketa smolfala savol, an olketa samting fo kilim dae faea long lam, an olketa besin, an olketa plet, wetem evri narafala samting wea olketa bin wakem long bras fo yusim long Tambuhaos.

2 Kings 25:15

An Nebusaradan hemi tekem olketa baol an olketa samting fo holem insens wea olketa bin wakem long nambawan gol an silva.

1 Kronikols 28:17

An hem nao haomas nambawan gol fo wakem olketa fok, an olketa smolfala baol, an olketa kontena. An hem nao haomas gol an silva fo wakem olketa plet.

2 Kronikols 4:11

An olketa wakem finis tu olketa baket fo holem asis, an olketa savol, an olketa besin. So Huram hemi finisim evri waka wea King Solomon hemi kolem hem kam fo duim long Tambuhaos blong God.

2 Kronikols 4:16

Olketa baket fo holem asis, an olketa savol, an olketa fok blong mit. Hem nao evrisamting blong Tambuhaos wea Huram hemi wakem long bras fo King Solomon.

Eksodas 24:6

Nao hemi tekem blad blong olketa man buluka ya, an hemi putum haf long hem insaet long samfala besin, an narafala haf hemi kapsaetem go long saet blong olta ya.

Eksodas 27:19

Yu mas yusim bras fo wakem evrisamting wea bae yu yusim insaet long Tambu Haostent blong mi. An yu mas yusim bras tu fo wakem olketa samting wea yu hamarem go insaet long graon fo taengem olketa rop blong Tambu Haostent an olketa rop blong fens long hem.”

Eksodas 27:2

An yu mas wakem fofala samting olsem hon blong buluka wea i stanap long olketa fofala kona blong olta ya, an olketa ya i barava pat long disfala olta nao. An yu mas kavarem olta ya long bras.

Eksodas 27:4

Yu mas wakem wanfala bikfala netwaea basket long bras. Yu mas putum go netwaea basket ya andanit long wanfala reil wea hemi antap, mekem basket ya hemi go daon insaet long olta ya fo kasem hafwe long daon. An yu mas wakem tu fofala ring long bras fo joen go long fofala kona blong netwaea basket ya.

Eksodas 38:3

Olketa wakem olketa baket fo holem asis. An olketa wakem olketa smolfala savol, an olketa besin, an olketa fok an olketa baket fo karim hot sakol o asis blong faea wea hemi laet yet. Evrisamting ya, olketa wakem long bras.

Levitikas 16:12

hemi mas kam long olta fo bonem insens, an hemi mas tekemaot samfala asis faea wea hemi laet, an fulumap long wanfala dis, an hemi mas tekem kam long han blong hem samfala insens paoda wea hemi smel naes. Den hemi mas kam insaet long disfala Barava Tambu Rum.

Nambas 4:14

Oraet, trifala mas putum evrisamting wea olketa yusim fo waka long disfala olta antap long hem. Hem nao olketa tul fo mekem faea, an olketa huk, an savol, an besin. Nao trifala mas tekem wanfala skin blong jiukong an kavaremap disfala olta moa. An bihaen, trifala mas putumbaek tufala spesol stik fo karim disfala olta.