Eksodas 27:1 - Pijin Bible

¹ Yawe hemi gohed fo tok olsem long Mosis, “Bae yu mas wakem wanfala olta long timba blong akesia tri. Olta ya hemi mas skuea, wea longfala an waed blong hem mas kasem 225 sentemita, an hae blong hem mas kasem 135 sentemita.

Pijin Deuterocanon

¹ Yawe hemi gohed fo tok olsem long Mosis, “Bae yu mas wakem wanfala olta long timba blong akesia tri. Olta ya hemi mas skuea, wea longfala an waed blong hem mas kasem 225 sentemita, an hae blong hem mas kasem 135 sentemita.

Eksodas 27:1 Iomraidhean Croise

2 Samuel 24:18

Long sem de ya nomoa, Gad hemi kam lukim Deved, an hemi tok olsem long hem, “Yu mas go long ples blong Arauna fo klinim wit, an wakem wanfala olta long Yawe long dea.”

2 Kings 16:14

Bihaen, hemi muvum disfala olfala olta wea olketa wakem long bras an hemi stap fastaem long frant long Tambuhaos. Fastaem olfala olta ya hemi stap long midol long niufala olta an Tambuhaos, bat king hemi muvum olfala olta ya go long saet blong niufala olta ya long not.

1 Kronikols 6:49

Nao Eron an olketa long laen blong hem, olketa nomoa save bonem insens long olta fo bonem insens, an olketa nomoa save bonem olketa sakrifaes long olta fo bonem sakrifaes. Olketa ya nomoa i garem raet fo duim olketa waka insaet long Barava Tambu Rum, an fo mekem olketa sakrifaes fo tekemaot sin blong pipol blong Israel. Olketa duim olketa samting ya barava falom wanem Mosis, wakaman blong God, hemi bin talem olketa.

2 Kronikols 4:1

Olketa wakem wanfala skuea olta long bras. Longfala blong olketa fofala saet blong olta ya, hemi naen mita. An hae blong hem hemi foa an haf mita.

Esra 3:2

Nao Haeprist Jesua, san blong Jehosadak, wetem olketa narafala prist, an Serababel, san blong Sealtiel, wetem olketa long laen blong hem, olketa wakembaek moa olta blong God blong Israel, mekem olketa save bonem olketa sakrifaes long hem, barava falom wei wea hemi stap long Lo blong Mosis, man blong God.

Eksodas 17:15

Long ples ya, Mosis hemi wakem wanfala olta, an hemi kolem, “Yawe hemi Olsem Flag blong Mi.”

Eksodas 24:4

An Mosis hemi raetemdaon nao evri toktok wea Yawe hemi talem long hem. Long eli moning yet long neks de, Mosis hemi wakem wanfala olta long botom long maonten ya, an hemi tekem tuelfala bikfala ston, an hemi stanemap olketa ston ya fo makem olketa tuelfala laen long Israel.

Eksodas 31:9

an Olta ya fo Bonem Sakrifaes wetem evrisamting blong hem, an Bras Besin wetem botom blong hem.

Eksodas 35:16

An Olta fo Bonem Sakrifaes wetem netwaea basket blong hem wea olketa wakem long bras, an tufala stik fo karim hem, an olketa narafala samting blong hem. An Bras Besin wetem botom blong hem.

Eksodas 39:39

Olta fo Bonem Sakrifaes wetem netwaea basket blong hem wea olketa wakem long bras, an tufala stik fo karim hem, an olketa narafala samting blong hem. Bras Besin wetem botom blong hem.

Eksodas 40:10

An yu mas kapsaetem go lelebet tambu oel long Olta fo Bonem Sakrifaes, wetem evrisamting blong hem, fo mektambu long olketa fo mi, nao bae olta ya hemi kamap barava tambu.

Eksodas 40:29

Hemi tekem Olta fo Bonem Sakrifaes an putum go aotsaet long frant long doa blong Tambu Haostent. An hemi bonem wanfala animol wea hemi sakrifaesim an hemi bonem tu disfala flaoa wea hemi miks wetem oel, barava olsem wea Yawe bin talem.

Eksodas 40:6

An bae yu mas tekem Olta fo Bonem Sakrifaes, an putum go frant long doa blong Tambu Haostent fo Mitim mi.

Nambas 3:31

Waka blong olketa fo lukaftarem Tambu Boks long Spesol Agrimen blong Yawe, wetem Tebol fo Tambu Bred, an Spesol Frem fo putum Lam, an tufala Olta, an olketa samting wea olketa prist i yusim long Tambu Haostent ya, an bikfala kaleko wea hemi satem disfala Barava Tambu Rum. Waka long olketa samting ya hemi long han blong olketa nao.

Nambas 4:13

“Den trifala mas tekemaot olketa asis long olta wea hemi stap long disfala open tambuples, an trifala mas kavaremap disfala olta long wanfala papol kaleko.

Nambas 4:14

Oraet, trifala mas putum evrisamting wea olketa yusim fo waka long disfala olta antap long hem. Hem nao olketa tul fo mekem faea, an olketa huk, an savol, an besin. Nao trifala mas tekem wanfala skin blong jiukong an kavaremap disfala olta moa. An bihaen, trifala mas putumbaek tufala spesol stik fo karim disfala olta.

Hibrus 13:10

Disfala sakrifaes antap long olta blong yumi, olketa prist hu i waka insaet long disfala Tambuhaos ya olketa no garem raet fo tekem eni kaikai from hem.