Eksodas 26:36 - Pijin Bible

³⁶ “Yu mas wakem wanfala bikfala kaleko moa long barava nambawan waet kaleko, an yu mas somap olketa piksa long hem, long blu koton, an papol koton, an red koton. Disfala bikfala kaleko nao hemi fo satem frant blong haostent ya.

Pijin Deuterocanon

³⁶ “Yu mas wakem wanfala bikfala kaleko moa long barava nambawan waet kaleko, an yu mas somap olketa piksa long hem, long blu koton, an papol koton, an red koton. Disfala bikfala kaleko nao hemi fo satem frant blong haostent ya.

Eksodas 26:36 Iomraidhean Croise

2 Samuel 7:6

Stat long taem wea mi tekemaot olketa olo blong yufala from Ijip bifoa, kam kasem tude, mi no stap long eni haos olsem. Oltaem mi gohed fo muv wetem olketa, an mi stap long haostent nomoa.

Sams 78:60

Hemi lusim nao tambu haostent blong hem long Saelo, long ples ya nao hemi bin stap wetem olketa pipol blong hem.

Eksodas 26:31

“An yu mas somap wanfala bikfala kaleko moa. Man hu hemi save duim, hemi mas tekem nambawan waet kaleko, an blu koton, an papol koton, an red koton, den hemi mas somap olketa piksa blong olketa enjel long bikfala kaleko ya.

Eksodas 27:16

“An yu mas wakem wanfala kaleko wea longfala blong hem hemi kasem 9 mita fo satem disfala doa ya. Yu mas wakem long nambawan waet kaleko, an somap olketa piksa long hem long blu koton, an papol koton, an red koton. An hemi mas garem fofala pos wetem fofala spesol botom fo olketa stanap long hem.

Eksodas 28:15

Yawe hemi gohed fo tok olsem, “An man hu hemi save duim, hemi mas wakem wanfala spesol paos wea bae hae prist hemi hangem long sest blong hem. Bae hemi yusim fo save long wanem mi laekem yufala fo duim. Yu mas wakem paos ya long semkaen nambawan waet kaleko an olketa koton wea yu yusim long efod ya, an somap olketa semkaen piksa tu long hem olsem wea yu bae wakem long efod.

Eksodas 28:39

“Yu mas somap wanfala spesol longfala kaleko fo hem, long nambawan waet kaleko. An yu mas somap tu wanfala spesol hat blong hae prist long disfala sem kaen nambawan waet kaleko. An yu mas wakem tu wanfala spesol strap an somap olketa piksa long hem fo dekoretem.

Eksodas 35:11

Olketa samting ya hemi olsem: Tambu Haostent wetem olketa kava blong hem, an olketa huk blong hem, an olketa frem blong hem wetem olketa spesol botom blong olketa, an olketa reil blong hem, an olketa pos blong hem wetem olketa botom blong olketa.

Eksodas 35:15

An Olta fo Bonem Insens wetem tufala stik fo karim, an tambu oel ya fo mektambu long olketa samting, an insens wea hemi garem gudfala smel, an bikfala kaleko fo satem doa long frant blong tambu haostent ya.

Eksodas 36:37

Olketa wakem wanfala bikfala kaleko moa long barava nambawan waet kaleko, an olketa somap olketa piksa long hem, long blu koton, an papol koton, an red koton. Disfala bikfala kaleko nao hemi fo satem frant blong haostent ya.

Eksodas 38:18

An olketa wakem wanfala kaleko fo satem disfala doa blong open ples. Longfala blong disfala kaleko hemi kasem 9 mita, an hae blong hemi kasem 2 mita 25 sentemita. Olketa wakem hem long nambawan waet kaleko, an somap olketa piksa long hem long blu koton, an papol koton, an red koton.

Eksodas 39:29

Olketa wakem olketa spesol strap fo olketa tu long nambawan waet kaleko, an olketa somap tu olketa piksa long olketa long blu koton an papol koton, an red koton. Evrisamting ya, olketa mekem barava olsem wea Yawe bin talem long Mosis.

Eksodas 39:33

Olketa samting wea olketa karim kam long Mosis nao hemi olsem: Tambu Haostent wetem evrisamting blong hem, olketa huk blong hem, an olketa frem blong hem wetem olketa spesol botom blong olketa, an olketa reil blong hem, an olketa pos blong hem wetem olketa botom blong olketa.

Eksodas 40:5

Yu mas tekem kam Olta fo Bonem Insens wea olketa bin kavarem hem long gol, an putum kolsap long bikfala kaleko wea hemi satem go Tambu Boks long Spesol Agrimen. An yu mas tekem narafala kaleko ya fo satem doa blong Tambu Haostent an hangem go long doa ya.

Esikiel 16:10

Mi tekem wanfala barava spesol kaleko an mekem yu werem, an putum sandol wea olketa mekem long skin blong animol long lek blong yu. Mi tekem wanfala pis nambawan waet kaleko an taengem raonem hed blong yu, an mi tekem wanfala nambawan waet kaleko mekem yu werem.

Nambas 3:25

Waka blong olketa hemi fo lukaftarem Tambu Haostent wetem tufala kava blong hem, an kaleko wea hemi hangdaon long doa.

Nambas 9:15

Long taem olketa putumap Tambu Haostent blong Tambu Boks long Spesol Agrimen, bikfala klaod blong Yawe hemi kam kavaremap Tambu Haostent. An long naet, olketa lukim klaod ya hemi laet olsem faea.

Gudnius abaotem Jisas Kraes wea Jon hemi raetem 10:9

Mi nao mi olsem geit blong sipsip. Eniwan hu hemi kam long mi, bae God hemi sevem hem. An bae hemi olsem sipsip wea hemi kam insaet fo stap long sef ples an hemi goaot moa fo faendem kaikai.

Gudnius abaotem Jisas Kraes wea Jon hemi raetem 14:6

Nao Jisas hemi talem hem olsem, “Mi nao mi disfala rod an mi save talem evri tru samting an mi save givim laef. No eniwan save go long Dadi ya long eni nara rod, mi nomoa mi rod fo go long hem.