Eksodas 26:30 - Pijin Bible

³⁰ Hem nao wei wea yu mas stanemap haostent ya, barava falom disfala plan wea mi gohed fo talemaot long yu, antap long disfala maonten.

Pijin Deuterocanon

³⁰ Hem nao wei wea yu mas stanemap haostent ya, barava falom disfala plan wea mi gohed fo talemaot long yu, antap long disfala maonten.

Eksodas 26:30 Iomraidhean Croise

1 Kronikols 28:19

Deved hemi tok olsem, “Evrisamting ya i stap insaet long plan wea mi bin raetemdaon taem paoa blong Yawe hemi stap long mi. Yawe nao hemi givim save long mi abaotem evri smol samting long plan ya.”

Eksodas 25:40

An taem yu wakem samting ya, yu mas barava falom disfala plan wea mi gohed fo talemaot long yu, antap long disfala maonten.”

Eksodas 25:9

An yufala mas wakem disfala Tambu Haostent an evrisamting insaet long hem, barava falom plan wea bae mi som long yu.”

Eksodas 26:29

Yu mas kavarem olketa timba frem long gol. An yu mas putum olketa ring long gol long olketa frem fo holem olketa longfala pis timba ya. An yu mas kavarem olketa longfala pis timba long gol tu.

Eksodas 27:8

Yu mas wakem olta ya long timba, an hemi mas open olsem boks barava falom disfala plan wea mi gohed fo talemaot long yu, antap long disfala maonten.”

Eksodas 40:2

“Long fas de, long fas mans blong neks yia, bae yu mas stanemap Tambu Haostent fo Mitim mi.

Nambas 10:21

Den olketa long laen blong Kohat i muv goaot an olketa karim evri tambu samting blong Tambu Haostent. An taem olketa kasem niufala ples, olketa long laen blong Geson an Merari i putumap finis Tambu Haostent mekem hemi redi fo olketa tambu samting.

Nambas 8:4

Olketa bin hamarem gol fo mekem evri pat blong disfala Spesol Frem fo putum Lam, stat long botom blong hem go kasem evri flaoa antap long hem falom plan wea Yawe hemi som long Mosis bifoa.

Aposol 7:44

“Taem olketa olo blong yumi olketa stap yet long disfala drae eria ya, oltaem nomoa olketa karim go disfala haostent fo somaot dat God hemi stap wetem olketa. Olketa bin wakem haostent ya olsem God hemi bin talem Mosis, barava falom disfala piksa hemi bin lukim.

Hibrus 8:2

Hemi waka olsem Haeprist long tambuples ya wea hemi insaet long disfala barava Tambu Haostent long heven wea pipol no wakem, bat God seleva nao hemi wakem.

Hibrus 8:5

Olketa duim waka blong olketa ya long tambuples wea hemi wanfala piksa nomoa long barava tambuples blong God long heven. Dastawe nao God hemi wonem Mosis, taem hemi laekem hem fo wakem disfala haostent blong hem, wea hemi sei, “An taem yu wakem olketa samting ya, yu mas barava falom disfala plan wea mi gohed fo talemaot long yu, antap long disfala maonten.”

Hibrus 9:23

Olketa samting ya wea i stap olsem piksa blong olketa samting long heven, olketa prist mas splasem blad long olketa olsem fo mekem olketa kamap klin. Bat olketa barava samting wea i stap long heven ya, wanfala sakrifaes wea hemi gudfala winim olketa olfala sakrifaes nao, hem nomoa hemi save mekem olketa kamap klin.

Josua 18:1

Bihaen long taem wea pipol blong Israel i winim faet long olketa enemi long lan, olketa kam tugeta long Saelo an putumap Tambu Haostent blong Yawe long ples ya.