Eksodas 26:14 - Pijin Bible

¹⁴ An yu mas somapem tufala bikfala samting fo kavarem antap long haostent ya. Wanfala, yu mas wakem long skin blong man sipsip wea hemi red, an narawan, yu mas wakem long skin blong jiukong.

Pijin Deuterocanon

¹⁴ An yu mas somapem tufala bikfala samting fo kavarem antap long haostent ya. Wanfala, yu mas wakem long skin blong man sipsip wea hemi red, an narawan, yu mas wakem long skin blong jiukong.

Eksodas 26:14 Iomraidhean Croise

Sams 27:5

Long taem blong trabol bae hemi lukaftarem mi gudfala. Bae hemi haedem mi tu insaet long Tambu Haostent blong hem. An bae hemi mekem mi stap gudfala antap long wanfala bikfala ston wea i barava hae fogud.

Eksodas 25:5

skin blong man sipsip wea olketa mekem red, skin blong jiukong, timba blong akesia tri,

Eksodas 26:13

Disfala bikfala kaleko mas hangdaon go kasem graon wea hemi 45 sentemita moa long tufala saet winim datfala bikfala nambawan waet kaleko. Long wei olsem hemi save barava kavaremap disfala haostent.

Eksodas 35:23

An evriwan wea hemi garem olketa nambawan waet kaleko, an koton wea hemi blu, o papol, o red, an kaleko wea olketa wakem long hea blong nanigot, o skin blong man sipsip wea hemi red, o nambawan skin blong jiukong, olketa tekem kam nao.

Eksodas 35:7

skin blong man sipsip wea olketa mekem red, skin blong jiukong, timba blong akesia tri,

Eksodas 36:19

Olketa somapem tufala bikfala samting fo kavarem antap long haostent ya. Wanfala, olketa wakem long skin blong man sipsip wea hemi red, an narawan, olketa wakem long skin blong jiukong.

Eksodas 39:34

An bikfala kava blong hem wea olketa wakem long skin blong man sipsip wea olketa mekem red, an narafala kava fo putum antap long hem moa wea olketa wakem long skin blong jiukong. An kaleko ya fo satem disfala Barava Tambu Rum.

Aesaea 25:4

Oltaem long taem blong trabol, olketa pua pipol wetem olketa hu i no garem paoa, bae i ranawe kam long yu fo haed. Yu nao yu olsem sefples long taem blong stom, an yu nao yu olsem sado long taem blong biksan, bikos olketa hu i mekem narafala pipol safa, i olsem barava strongfala ren agensim wol,

Aesaea 4:6

Disfala bikfala paoa blong hem bae hemi mekem ples ya fo kamap wanfala gudfala sefples, an nomata bikfala san o ren o saekloun bae hemi no save kasem olketa pipol fo spoelem olketa.

Esikiel 16:10

Mi tekem wanfala barava spesol kaleko an mekem yu werem, an putum sandol wea olketa mekem long skin blong animol long lek blong yu. Mi tekem wanfala pis nambawan waet kaleko an taengem raonem hed blong yu, an mi tekem wanfala nambawan waet kaleko mekem yu werem.

Nambas 4:10

Den trifala mas tekem wanfala skin blong jiukong, an rolemap olketa samting ya long hem, bifoa trifala putum long wanfala frem fo karim.

Nambas 4:25

Olketa samting wea olketa ya mas karim hemi olsem: kaleko blong wol blong Tambu Haostent, wetem kava wea olketa wakem long skin blong man sipsip, an narafala kava wea olketa wakem long skin blong jiukong, an bikfala kaleko fo satem doa,

Nambas 4:5

Taem yufala redi fo muv go long narafala ples, trifala prist ya, Haeprist Eron wetem tufala san blong hem, bae trifala nao mas kam insaet long Tambu Haostent fo redim olketa samting blong hem. Trifala mas tekemdaon bikfala kaleko wea hemi satem disfala Barava Tambu Rum wea Tambu Boks hemi stap long hem. An trifala mas yusim bikfala kaleko ya fo kavaremap Tambu Boks.