Eksodas 26:1 - Pijin Bible

¹ Yawe hemi gohed fo tok olsem long Mosis, “Bae yu mas wakem Tambu Haostent blong mi long tenfala pis long nambawan waet kaleko. Yu mas dekoretem olketa long blu koton, an papol koton, an red koton. An wanfala man hu hemi save duim, hemi mas somap samfala piksa blong olketa enjel long olketa pis kaleko ya.

Pijin Deuterocanon

¹ Yawe hemi gohed fo tok olsem long Mosis, “Bae yu mas wakem Tambu Haostent blong mi long tenfala pis long nambawan waet kaleko. Yu mas dekoretem olketa long blu koton, an papol koton, an red koton. An wanfala man hu hemi save duim, hemi mas somap samfala piksa blong olketa enjel long olketa pis kaleko ya.

Eksodas 26:1 Iomraidhean Croise

2 Samuel 7:2

Long datfala taem hemi tok olsem long Profet Natan, “Distaem mi stap long wanfala gudfala bik haos wea olketa wakem long timba blong sida tri, bat Tambu Boks blong God, hemi stap long wanfala haostent nomoa.”

1 Kings 6:29

Long olketa wol blong bikfala rum blong Tambuhaos, an long olketa wol blong Barava Tambu Rum, olketa mekem olketa kaving long enjel, an long pam tri, an long flaoa.

1 Kronikols 17:1

Taem King Deved hemi stap long bikfala haos blong hem, hemi tok olsem long Profet Natan, “Distaem mi stap long wanfala gudfala bikfala haos wea olketa wakem long timba blong sida tri, bat Tambu Boks blong Yawe hemi stap long wanfala haostent nomoa.”

1 Kronikols 21:29

Long datfala taem, Tambu Haostent blong Yawe wea Mosis hemi bin wakem long drae eria bifoa, an olta blong olketa sakrifaes, tufala stap yet long tambuples long Gibeon.

Eksodas 25:18

Bae yu mas wakem tufala kaving blong enjel wea i garem wing long gol wea yu hamarem. An yu mas putum tufala enjel ya antap long tufala en blong kava,

Eksodas 25:4

nambawan waet kaleko, an koton wea hemi blu, o papol, o red, kaleko wea olketa wakem long hea blong nanigot,

Eksodas 25:8

“Bae yu talem olketa pipol fo wakem wanfala tambu ples fo mi, an bae mi stap long midol long olketa.

Eksodas 26:2

Yu mas makem tenfala pis kaleko ya long sem saes, wea longfala blong olketa evriwan mas kasem 12 mita 60 sentemita, an waed blong olketa evriwan mas kasem 180 sentemita.

Eksodas 26:31

“An yu mas somap wanfala bikfala kaleko moa. Man hu hemi save duim, hemi mas tekem nambawan waet kaleko, an blu koton, an papol koton, an red koton, den hemi mas somap olketa piksa blong olketa enjel long bikfala kaleko ya.

Eksodas 26:36

“Yu mas wakem wanfala bikfala kaleko moa long barava nambawan waet kaleko, an yu mas somap olketa piksa long hem, long blu koton, an papol koton, an red koton. Disfala bikfala kaleko nao hemi fo satem frant blong haostent ya.

Eksodas 31:7

Evrisamting wea bae olketa mas wakem nao hemi olsem: Tambu Haostent fo Mitim God, an Tambu Boks long Spesol Agrimen blong mi, wetem kava blong hem, an olketa narafala samting moa blong Tambu Haostent ya.

Eksodas 35:11

Olketa samting ya hemi olsem: Tambu Haostent wetem olketa kava blong hem, an olketa huk blong hem, an olketa frem blong hem wetem olketa spesol botom blong olketa, an olketa reil blong hem, an olketa pos blong hem wetem olketa botom blong olketa.

Eksodas 35:35

Hemi givim save long tufala fo katem olketa gudfala ston fo dekoretem olketa samting, an fo mekem olketa spesol samting wea bae tufala wakem, an fo wakem nambawan waet kaleko, an fo dekoretem kaleko long koton wea hemi blu, o papol, o red, an fo wakem olketa narakaen kaleko tu. Tufala ya i barava waes fo planem enikaen gudfala samting, an tufala save duim evri waka tu fo mekem hem.

Eksodas 35:6

nambawan waet kaleko, an koton wea hemi blu, o papol, o red, kaleko wea olketa wakem long hea blong nanigot,

Eksodas 36:35

Olketa somap wanfala bikfala kaleko moa. Olketa man hu i save duim, olketa tekem nambawan waet kaleko, an blu koton, an papol koton, an red koton, den olketa somap olketa piksa blong olketa enjel long bikfala kaleko ya.

Eksodas 39:3

Fo mekem koton ya long gol, olketa tekem samfala gol an hamarem go-go hemi barava flat fogud, nao olketa katem long olketa barava longfala pis mekem hemi olsem koton. Nao olketa hu i save duim, i tekem nambawan waet kaleko an wakem efod ya long disfala koton long gol wetem olketa narafala koton ya wea hemi blu, an papol, an red.

Eksodas 40:2

“Long fas de, long fas mans blong neks yia, bae yu mas stanemap Tambu Haostent fo Mitim mi.

Nambas 3:25

Waka blong olketa hemi fo lukaftarem Tambu Haostent wetem tufala kava blong hem, an kaleko wea hemi hangdaon long doa.

Nambas 4:25

Olketa samting wea olketa ya mas karim hemi olsem: kaleko blong wol blong Tambu Haostent, wetem kava wea olketa wakem long skin blong man sipsip, an narafala kava wea olketa wakem long skin blong jiukong, an bikfala kaleko fo satem doa,

Gudnius abaotem Jisas Kraes wea Jon hemi raetem 1:14

Nao Toktok ya hemi kamap man an hemi barava somaot klia dat God hemi kaen tumas. Hemi somaot klia evri tru samting abaotem God. Hemi bin stap wetem mifala an mifala bin lukim saen blong bikfala paoa blong hem. Bikfala paoa wea hemi tekem finis bikos hem seleva nomoa hemi San Blong God.

Gudnius abaotem Jisas Kraes wea Jon hemi raetem 2:21

Bat disfala Tambuhaos wea Jisas hemi barava minim ya, hemi bodi blong hem seleva nomoa ya.

Hibrus 8:2

Hemi waka olsem Haeprist long tambuples ya wea hemi insaet long disfala barava Tambu Haostent long heven wea pipol no wakem, bat God seleva nao hemi wakem.

Hibrus 9:2

Olketa wakem wanfala haostent ya wea fas rum blong hem olketa kolem “Tambu Rum”. An insaet long disfala rum ya olketa putum wanfala spesol frem fo putum olketa lam an wanfala tebol wea disfala tambu bred hemi stap antap long hem.

Hibrus 9:9

Olketa samting ya, hemi olsem piksa wea hemi somaot long yumi mining blong wanem hemi bin hapen long datfala taem. Olketa sakrifaes wea olketa prist i gohed fo mekem long God, olketa kanot mekem man hu hemi mekem sakrifaes ya fo no filsem long tingting blong hem.

Revelesin 19:8

Gele ya, God hemi givim hem finis nambawan waet kaleko fo werem, wea hemi klin an saen fogud.” (Nambawan kaleko ya, hemi piksa blong olketa stretfala wei blong olketa pipol blong God.)

Revelesin 21:3

Nao mi herem wanfala voes from tron, wea hemi singaot olsem, “Lukim, ples blong God hemi stap wetem olketa pipol nao. An bae hemi stap oltaem wetem olketa, an olketa nao i barava pipol blong hem. God seleva nao bae hemi stap wetem olketa, an bae hemi barava God blong olketa.