Eksodas 23:1 - Pijin Bible

¹ Yawe hemi gohed fo tok olsem long Mosis, “Yufala mas no talem olketa laea abaotem narafala pipol. Sapos yufala witnes fo wanfala man long kot, yufala mas no talem olketa laea fo helpem man hu hemi no stret.

Pijin Deuterocanon

¹ Yawe hemi gohed fo tok olsem long Mosis, “Yufala mas no talem olketa laea abaotem narafala pipol. Sapos yufala witnes fo wanfala man long kot, yufala mas no talem olketa laea fo helpem man hu hemi no stret.

Eksodas 23:1 Iomraidhean Croise

Jenesis 39:17

Nao hemi talemaot sem toktok ya moa long hem, an hemi tok olsem, “Disfala Hibru slev wea yu bin tekem kam, hemi kam long rum blong mi tude an mekem mi sem ya.

2 Samuel 16:3

Den king hemi askem olsem, “?Bat wea nao Mefiboset, smolfala grani blong masta blong yu bifoa, King Sol?” An hemi ansa olsem, “Hemi stap long Jerusalem, bikos distaem, hemi tingse pipol blong Israel bae mekem hem king olsem grani blong hem bifoa.”

2 Samuel 19:27

Hemi kam long yu an toknogud abaotem mi. Bat yu masta, yu olsem enjel blong God, an hemi gud fo yu duim long mi wanem yu tingse hemi stret fo yu duim.

Sams 101:5

Bae mi kilim dae eniwan hu hemi tokhaed fo spoelem nem blong narafala man. An bae mi giraotem eniwan hu hemi praod.

Sams 120:3

Yufala olketa laea pipol, yufala nating save abaotem wanem bae God hemi duim long yufala. Bae hemi barava panisim yufala ya.

Sams 15:3

an hemi no save laea abaotem olketa narafala pipol. Hemi no save duim olketa nogud samting long olketa fren blong hem, an hemi no save spredem nogud toktok fo spoelem nem blong olketa wea i stap raonem hem.

Sams 27:12

Plis yu no letem mi fo stap wetem olketa enemi blong mi. Olketa ya i talem olketa laea stori abaotem mi, an olketa tokstrong long mi fo mekem mi fraet.

Sams 35:11

Olketa nogud pipol i tok agensim mi, an olketa talem dat mi nao mi mekem olketa trabol, bat mi nating duim nomoa olketa nogud samting ya.

Eksodas 20:16

“Yufala mas no laea abaotem wantok blong yufala.

Eksodas 23:7

An yufala mas no laea agensim narafala man long kot. An yufala mas no kilim dae man fo panisim hem sapos hemi stretfala man wea hemi no duim eni rong samting, bikos wei ya hemi barava nogud tumas, an bae mi no save fogivim olketa hu i duim olsem.

Provebs 10:18

Man heitem haed nara man, hemi mas laea, krangge man, tokspoelem nara man.

Provebs 12:17

Stret man talem tru toktok long kot, konman hemi laea nomoa.

Provebs 14:5

Gudfala witnes, hemi no save laea, ravis witnes, hemi save laea nomoa.

Provebs 17:4

Ravis man hemi laekem ravis tok. Man fo laea hemi laekem laea.

Provebs 19:28

Witnes hu hemi laea, hemi mekfan long stretfala wei long kot. Maos blong ravis man hemi laek kaikaim ravis wei.

Provebs 19:5

Laea long kot, bae yu panis. Kon olowe, bae yu nating fri.

Provebs 19:9

Laea long kot, bae yu panis. Kon olowe, bae yu dae.

Provebs 21:28

Man laea long kot, bae hemi dae. Man toktru long kot, bae hemi laef.

Provebs 24:28

Yu no tok agensim wantok hu hemi no duim enisamting. Yu no laea long hem.

Provebs 25:18

Laea toktok agensim wantok, hemi olsem naef, o stik, o spia.

Provebs 25:23

Komburu tekem kam ren, ravis tok tekem kam kros.

Jeremaea 20:10

Mi herem olketa pipol gohed fo tokhaed agensim mi olsem, “Oltaem profet ya hemi talem yumi wea plande samting fo mekem yumi fraet fogud, hemi stap evriwea raonem yumi. !Yumi sud kolem hem long nem ya ‘Fraet Raonem Evriwea’! Yumi mas go ripotem hem long olketa bikman.” Nomata olketa fren blong mi tu i weit nomoa fo lukim dat mi duim enikaen rong samting. Olketa gohed fo tok olsem, “Maet samwan save trikim hem, mekem yumi save winim hem an sensimbaek wanem hemi bin duim long yumi.”

Levitikas 19:11

“Yufala mas no stil, an yufala mas no laea fo raverave long eni wantok.

Levitikas 19:16

An yufala mas no tokspoelem o laea abaotem eniwan. An taem eni wantok hemi go long kot, yufala mas no duim enisamting wea hemi save mekem olketa kilim dae disfala wantok fo panisim hem. Yufala mas no duim olketa samting ya, bikos mi nao Yawe.

Matiu 19:18

Nao man ya hemi askem Jisas olsem moa, “?Watkaen lo nao yu minim ya?” So Jisas hemi sei, “Yu mas no kilim man dae. Yu mas no brekem lo blong marit. Yu mas no stil. Yu mas no laea long kot.

Gudnius abaotem Jisas Kraes wea Luk hemi raetem 19:8

Bat Sakias hemi stanap an hemi tok olsem long Masta, “!Lukim Masta! Bae mi givim haf long evrisamting blong mi long olketa pua pipol. An olketa wea mi ravem olketa long enisamting, bae mi sensimbaek foa taem moa winim wanem mi tekem long olketa.”

Gudnius abaotem Jisas Kraes wea Luk hemi raetem 3:14

An samfala soldia askem hem moa, “?Waswe long mifala? ?Wanem nao mifala mas duim?” Nao Jon hemi ansarem olketa olsem, “Yufala mas no laea long eniwan o fosim eniwan fo givim seleni long yufala. Bat yufala mas hapi nomoa long wejis wea yufala tekem.”

Gudnius abaotem Jisas Kraes wea Jon hemi raetem 7:51

“Bat Lo blong yumi hemi sei yumi no save jajem eniwan sapos yumi no heremgud fastaem wanem hemi talemaot, mekem yumi savegud long samting hemi bin duim.”

Leta wea Pol hemi raetem go long sios long Rom 3:8

?An waswe nao yumi no sei nomoa, “Yumi mas gohed fo duim olketa ravis samting, mekem gud samting kamap?” Diskaen toktok hemi nogud tumas. Bat samfala pipol nao olketa tokspoelem mi, an sei mi nao mi talem disfala samting ya. Hemi stret nomoa fo God hemi panisim olketa from diswan.

Efesas 4:25

So, yufala mas lusim disfala wei fo laea nao, an yufala evriwan mas toktru nomoa long olketa Kristin fren, bikos yumi evriwan yumi olketa pat long wanfala bodi nomoa.

Diutronomi 5:20

‘Yufala mas no laea abaotem wantok blong yufala.

2 Timoti 3:3

Bae olketa no save kaen long eniwan, an bae olketa no save fogivim eniwan. Bae olketa tokspoelem olketa nara pipol, an bae olketa laek fo faet an mekem trabol, an bae olketa no laekem eni gudfala samting.

1 Pita 3:16

Bat yufala mas ansarem olketa long wei wea hemi kuaet an kaen. An yufala mas stret an laef blong yufala mas gud olowe, mekem olketa pipol hu i save tokspoelem yufala from gudfala wei blong yufala hu i falom Kraes, bae olketa filsem fogud.

Revelesin 12:10

Nao mi herem moa wanfala voes long heven, wea hemi singaot olsem, “Distaem, God blong yumi hemi sevem yumi nao, an hemi somaot dat hemi garem paoa fo rul olsem King. An disfala Mesaea blong hem, hemi somaot dat hemi garem paoa ovarem evrisamting. Hemi olsem, bikos disfala man fo tokagensim olketa Kristin, olketa bin raosim hem finis from heven. Bifoa ya, nomata de an naet, hemi save tokagensim olketa long frant long God.