Eksodas 22:8 - Pijin Bible

⁸ Bat sapos olketa no faendemaot man hu hemi stilim, oraet, olketa mas tekem man hu hemi lukaftarem olketa samting ya, fo go long olketa jaj, an hemi mas mekem strongfala promis wea hemi no stilim olketa samting ya.

Pijin Deuterocanon

⁸ Bat sapos olketa no faendemaot man hu hemi stilim, oraet, olketa mas tekem man hu hemi lukaftarem olketa samting ya, fo go long olketa jaj, an hemi mas mekem strongfala promis wea hemi no stilim olketa samting ya.

Eksodas 22:8 Iomraidhean Croise

1 Kings 8:31

“Sapos eniwan hemi duim eni rong samting agensim nara man, an olketa tekem hem kam long olta blong yu long disfala Tambuhaos, maet hemi toktok strong long ae blong yu, an sei hemi no duim.

1 Kronikols 23:4

Hemi divaedem olketa fo duim olketa deferen waka. Hemi tok olsem, “24,000 man mas lukaftarem olketa waka long Tambuhaos blong Yawe. An 6,000 man mas kipim olketa rekod, an stretem olketa raoa.

Sams 82:1

God hemi mekem wanfala kansol long heven, an hemi jajem olketa enjel hu i olsem olketa god wea i hipap raonem hem.

Eksodas 21:6

oraet, bae masta blong hem mas tekem hem go long olketa jaj. Bae hemi mas mekem fo hemi stanap long doa o long pos blong doa long ples ya, nao hemi tekem nila, an hemi mekem hol long ia blong hem. Nao man ya bae hemi gohed fo slev long masta ya olowe fo ful laef blong hem.

Eksodas 22:28

“Yufala mas no toktok nogud agensim mi God blong yufala, an bae yufala mas no mekem trabol fo kasem lida long olketa pipol blong yufala.

Eksodas 22:9

“Sapos wanfala man hemi lusim enisamting blong hem olsem buluka, o dongki, o sipsip, o kaleko, o enisamting moa, an bihaen hemi faendem wea narafala man hemi gohed fo kipim, nao tufala raoa long hu nao onam, bae olketa mas tekem kam tufala ya long olketa jaj, mekem olketa jaj somaot hu nao long tufala ya hemi rong. Man hu hemi rong, hemi mas givim baek samting ya long man hu hemi onam, an hemi mas givim narafala samting moa olsem long hem tu.

Diutronomi 16:18

Nao Mosis hemi gohed fo tok olsem, “Bae yufala mas siusimaot samfala man fo kamap jaj, an samfala man fo kamap bikman long olketa taon wea Yawe bae hemi givim long yufala. An olketa mas jajem evrisamting long kot long stretfala wei.