Eksodas 22:14 - Pijin Bible

¹⁴ “Sapos wanfala man hemi boroem kam wanfala animol long narafala man fo hemi waka long hem fastaem, bat ona ya hemi no go wetem hem, nao animol ya hemi garekil o hemi dae, disfala man hemi mas sensim animol ya long ona.

Pijin Deuterocanon

¹⁴ “Sapos wanfala man hemi boroem kam wanfala animol long narafala man fo hemi waka long hem fastaem, bat ona ya hemi no go wetem hem, nao animol ya hemi garekil o hemi dae, disfala man hemi mas sensim animol ya long ona.

Eksodas 22:14 Iomraidhean Croise

Nehemaea 5:4

An samfala moa i gohed fo tok olsem, “Mifala tu mas kaon long olketa wantok fo peim taks long king fo olketa graon an olketa plantesin blong mifala long grep.

Sams 37:21

Olketa nogud pipol i gohed fo tekem olketa samting blong olketa narafala pipol, an olketa nating save kam an givimbaek. Bat olketa gudfala pipol, i wiling tumas fo givim go olketa samting long olketa narafala pipol.

Eksodas 21:34

oraet, bae man ya mas peimaot disfala animol long ona blong hem. Bat animol wea hemi dae hemi blong hem nao.

Eksodas 22:11

oraet, bae man hu hemi lukaftarem mas kam long olketa jaj, an hemi mas mekem strongfala promis long nem blong mi Yawe wea hemi no stilim animol ya. Sapos animol ya hemi dae seleva o hemi garekil seleva, oraet, man hu hemi onam animol ya hemi mas letem nomoa, an disfala man hu hemi bin lukaftarem samting ya hem no save sensim.

Eksodas 22:13

An sapos wanfala wael animol hemi kilim dae animol ya, bae man wea hemi gohed fo lukaftarem mas karim kam haf long animol ya fo somaot dat wael animol nao hemi kilim dae, an hemi no save sensim moa animol ya.

Eksodas 22:15

Bat sapos animol ya hemi garekil o hemi dae long taem wea ona hemi stap nomoa wetem, man wea hemi gohed fo yusim animol ya hemi no save sensim long hem. Sapos wanfala man hemi haerem wanfala animol fo waka long hem, nao animol ya hemi dae, bae hemi no sensim nao, bikos pei ya fo haerem animol ya hemi kavarem nao praes blong hem.”

Levitikas 24:18

Bat sapos eniwan hemi kilim dae eni animol blong narafala man, hemi mas sensimbaek animol ya wetem narafala animol wea hemi laef.

Matiu 5:42

An sapos eniwan hemi askem yu fo enisamting, yu givim long hem. An sapos eniwan hemi wande fo tekem enisamting from yu fo yusim lelebet taem, yu letem fo hem.”

Gudnius abaotem Jisas Kraes wea Luk hemi raetem 6:35

Bat yufala mas lavem olketa enemi blong yufala, an yufala mas duim gudfala samting long olketa tu. An yufala mas givim enisamting blong yufala fo olketa nara pipol, wea yufala no tingim moa wea bae olketa mas givimbaek long yufala. Sapos yufala duim olsem, bae God hemi barava blesim yufala ya, an bae yufala nao kamap barava pikinini blong God Antap. Bikos God hemi kaen olowe long olketa pipol, nomata olketa no save kaen long hem an nomata wei blong olketa hemi barava ravis tumas.

Diutronomi 15:2

Nao yufala mas duim long wei olsem, sapos wanfala wantok blong yu hemi garem kaon long yu, yu mas fogetem datfala kaon, bikos Yawe hemi talemaot dat hemi taem fo aotem olketa kaon.