Eksodas 21:34 - Pijin Bible

³⁴ oraet, bae man ya mas peimaot disfala animol long ona blong hem. Bat animol wea hemi dae hemi blong hem nao.

Pijin Deuterocanon

³⁴ oraet, bae man ya mas peimaot disfala animol long ona blong hem. Bat animol wea hemi dae hemi blong hem nao.

Eksodas 21:34 Iomraidhean Croise

2 Samuel 12:6

Samting hemi duim hemi ravis tumas, an hemi no sore. Hemi mas givim fofala animol go long puaman ya fo sensimbaek sipsip wea hemi tekem.”

Eksodas 21:33

“Sapos wanfala man hemi garem wanfala wel bat hemi no satem, o hemi digim wanfala hol bat hemi no kavarem, an sapos wanfala buluka o wanfala dongki hemi foldaon insaet long hol o wel an hemi dae,

Eksodas 21:35

Sapos man buluka blong wanfala man hemi kilim dae wanfala man buluka blong narafala man, bae tufala ona ya mas salem man buluka wea hemi laef, an tufala mas divaedem seleni blong hem. An bae tufala mas divaedem tu mit blong man buluka wea hemi dae.

Eksodas 22:14

“Sapos wanfala man hemi boroem kam wanfala animol long narafala man fo hemi waka long hem fastaem, bat ona ya hemi no go wetem hem, nao animol ya hemi garekil o hemi dae, disfala man hemi mas sensim animol ya long ona.

Eksodas 22:6

“Sapos wanfala man hemi bonem gaden blong hem, nao faea ya hemi bone gotru long samfala ravis gras go-go kasem gaden blong narafala man, an faea ya hemi bonem olketa kaikai wea i grou long hem, o hemi bonem olketa kaikai wea olketa hipimap finis, man hu hemi mekem faea ya hemi mas sensimbaek olketa samting wea faea hemi bonem.

Provebs 6:31

Bat sapos olketa kasholem hem, hemi mas peimbaek sevenfala taem, an maet hemi givim evrisamting blong hem fo stretem disfala nogud samting.

Esikiel 33:15

Ya, sapos hemi givimbaek olketa samting wea hemi tekem fo kaon blong wanfala puaman, an hemi givimbaek olketa samting wea hemi bin stilim, an hemi obeim olketa lo wea hemi givim laef fo hem, an hemi no sin, bae hemi save garem laef. Bae hemi no dae.