Eksodas 20:18 - Pijin Bible

¹⁸ Taem olketa pipol herem tanda an bikfala saon blong trampet, an lukim laetning an smok ya wea hemi kavaremap bikfala maonten ya, olketa fraet tumas an seksek fogud. So, olketa no go kolsap long maonten ya nao.

Pijin Deuterocanon

¹⁸ Taem olketa pipol herem tanda an bikfala saon blong trampet, an lukim laetning an smok ya wea hemi kavaremap bikfala maonten ya, olketa fraet tumas an seksek fogud. So, olketa no go kolsap long maonten ya nao.

Eksodas 20:18 Iomraidhean Croise

Jenesis 15:17

Nao taem wea san hemi godaon finis an ples ya hemi tudak, seknomoa Ebram hemi lukim wanfala pot hemi fulap long faea, wea smok hemi gohed fo ka-kamaot long hem, an wanfala stik faea wea hemi go-gohed fo laet strong. Nao tufala samting ya i go long midol long olketa haf blong trifala animol ya.

Jenesis 3:10

An man ya hemi ansa olsem, “Ya, mi herem yu wakabaot kam, bat mi fraet, an mi kam haed long ples ya, bikos mi neket.”

Sams 81:7

Taem trabol hemi kasem yufala, yufala kol kam long mi, an mi bin sevem yufala. Ya, mi nao mi bin helpem yufala taem mi kam insaet long tanda. Mi nao mi bin testem yufala insaet long drae eria long datfala springwata ya long Meriba.

Jeremaea 23:23

Hem ya nao mesij blong Yawe. Hemi tok olsem, “?Waswe, mi diskaen god wea paoa blong hem save waka long wanfala smolfala ples nomoa? Nomoa. Mi save stap long evri ples wantaem.

Diutronomi 18:16

“Bifoa, long taem wea yufala stap long Horeb, yufala talem dat yufala no wande herem voes blong Yawe, God blong yufala, an no lukim bikfala faea moa, bikos yufala fraet an tingse bae yufala dae.

Diutronomi 4:36

Long skae hemi letem yufala herem voes blong hem, mekem hemi save stretem yufala. An long graon hemi letem yufala lukim bikfala faea blong hem an yufala herem toktok blong hem wea hemi kamaot long faea ya.

Diutronomi 5:23

Mosis hemi gohed fo tok olsem, “Taem bikfala faea hemi bone long maonten ya, yufala herem toktok wea hemi kamaot long ples hemi tudak. Den olketa lida blong yufala an olketa bikman blong olketa traeb i kam lukim mi.

Diutronomi 5:25

Bat, mifala no laek fo dae long bikfala faea ya. Ating sapos mifala herem voes blong Yawe, God blong yumi, narafala taem moa bae mifala dae nao.

Diutronomi 5:27

Yu gobaek moa, yu lisingud long olketa samting wea hemi talem. Den, bae yu save kam talemaot long mifala evrisamting wea Yawe, God blong yumi, hemi talem. An bae mifala save herem an obeim.’

Diutronomi 5:5

An mi stap long midol long yufala an Yawe, an mi gohed fo talemaot long yufala olketa toktok wea Yawe hemi talem, bikos yufala fraet tumas long faea ya an no save go antap long maonten. “Nao long datfala taem, Yawe hemi tok olsem,