Eksodas 20:13 - Pijin Bible

¹³ “Yufala mas no kilim dae eniwan falom ravis plan.

Pijin Deuterocanon

¹³ “Yufala mas no kilim dae eniwan falom ravis plan.

Eksodas 20:13 Iomraidhean Croise

2 Kings 21:16

King Manase hemi gohed fo lidim olketa pipol blong Jiuda fo duim olketa ravis samting long ae blong Yawe. Bat wanem hemi wos moa, Manase hemi kilim dae plande pipol tumas, nomata olketa no duim eni rong samting. So Jerusalem hemi fulap long blad blong olketa.

2 Kronikols 24:22

King Joas hemi no tingabaotem kaenfala wei blong Jehoeada hu hemi dadi blong Sekaraea, bat hemi kilim hem dae. An taem Sekaraea hemi kolsap dae, hemi tok olsem, “Letem Yawe hemi lukim olketa samting wea yufala duim distaem, an bae hemi panisim yufala from hem.” Nao hemi dae.

Eksodas 21:12

Yawe hemi gohed fo tok olsem, “Eniwan hu hemi hitim nogud narafala man an kilim hemi dae, bae yufala mas kilim hem dae tu.

Eksodas 21:14

Bat sapos wanfala man hemi mekem plan wea hemi kilim dae narafala man, nomata hemi ranawe kam fo haed long olta blong mi, yufala mas tekem hem aot, an kilim hem dae.

Eksodas 21:20

“Sapos wanfala man hemi hitim man slev o woman slev blong hem long stik an hemi dae long semtaem, yufala mas panisim man ya.

Eksodas 21:29

Bat sapos olketa pipol i save finis wea disfala man buluka hemi wael, an hemi save kilim pipol, an olketa gohed fo talem finis long ona blong hem plande taem, bat hemi no putum nomoa long fens, nao disfala man buluka hemi kilim dae wanfala man o woman, yufala mas sutim dae disfala man buluka long ston, an yufala mas sutim dae ona blong hem tu long ston.

Eksodas 23:7

An yufala mas no laea agensim narafala man long kot. An yufala mas no kilim dae man fo panisim hem sapos hemi stretfala man wea hemi no duim eni rong samting, bikos wei ya hemi barava nogud tumas, an bae mi no save fogivim olketa hu i duim olsem.

Provebs 1:11

Maet olketa sei, “Kam. Yumi haed long saet rod, an kilim dae olketa gud pipol fo plei nomoa.

Provebs 1:18

pipol olsem i mekem trap fo olketa seleva, olketa seleva nomoa bae dae long hem.

Aesaea 26:21

Bae hemi kamdaon from heven fo panisim olketa pipol long wol ya from evri sin blong olketa. Wei wea olketa kilim pipol dae an haedem, bae hemi kamaot klia, an graon bae hemi somaot blad blong pipol ya hu i dae.

Jeremaea 26:15

Bat yufala mas save. Sapos yufala kilim mi dae, bae yufala kilim dae wanfala man hu hemi no duim nomoa eni rong samting. An bae hemi fitim fo yufala wetem disfala biktaon an evriwan hu hemi stap long hem fo panis fo samting ya. Bikos hemi tru nao wea Yawe seleva hemi sendem mi kam long yufala fo talemaot olketa toktok ya, mekem yufala i herem.”

Levitikas 24:17

“An sapos eniwan hemi kilim dae narafala man falom ravis plan, yufala mas kilim hem dae.

Levitikas 24:21

Eniwan hu hemi kilim animol blong narafala man hemi mas tekem kam animol fo sensimbaek. Bat sapos eniwan hemi kilim dae narafala man, yufala evriwan mas kilim hem dae tu.

Matiu 19:18

Nao man ya hemi askem Jisas olsem moa, “?Watkaen lo nao yu minim ya?” So Jisas hemi sei, “Yu mas no kilim man dae. Yu mas no brekem lo blong marit. Yu mas no stil. Yu mas no laea long kot.

Gudnius abaotem Jisas Kraes wea Mak hemi raetem 10:19

Yu save finis long olketa lo wea hemi sei, ‘Yu mas no kilim nara man dae. Yu mas no brekem lo blong marit. Yu mas no stil. Yu mas no laea long kot. Yu mas no laea fo stil. An yu mas tinghae long mami an dadi blong yu.’”

Gudnius abaotem Jisas Kraes wea Luk hemi raetem 18:20

Yu save finis long olketa lo wea hemi sei, ‘Yu mas no brekem lo blong marit. Yu mas no kilim man dae. Yu mas no stil. Yu mas no laea long kot. An yu mas tinghae long mami an dadi blong yu.’”

Aposol 16:28

Bat Pol hemi singaot bikfala long hem olsem, “!Yu no spoelem yu seleva! !Mifala evriwan i stap nomoa ya!”

Aposol 28:4

Taem olketa man blong aelan ya olketa lukim nomoa snek wea hemi hangdaon long han blong Pol, olketa toktok tugeta long olketa seleva olsem, “Ating man ya hemi bin kilim olketa man dae ya, bikos nomata hemi sev from dae long si bat olketa god i no letem hem fo laef ya.”

Leta wea Pol hemi raetem go long sios long Rom 13:9

Nao Lo hemi sei, “Yu mas no brekem lo blong marit, yu mas no kilim dae nara man, yu mas no stil, yu mas no kavetem enisamting blong nara man.” Nao olketa lo olsem wetem eni nara lo moa, olketa joen tugeta insaet wanfala lo wea hemi sei, “Yu mas barava lavem olketa wantok blong yu olsem yufala lavem yufala seleva.”

Galesia 5:21

an fo kavetem samting blong nara man, an fo drang tumas, an fo mekem fist fo duim olketa ravis samting, an fo gohed long enikaen samting olsem moa. Mi talem strong long yufala olsem mi talem bifoa finis, olketa pipol hu i gohed long olketa wei olsem ya bae olketa no save kasem kingdom blong God.

Diutronomi 5:17

‘Yufala mas no kilim dae eniwan falom ravis plan.

1 Timoti 1:9

An yumi save tu dat olketa lo ya olketa no stap fo stretem olketa gudfala pipol ya, bat fo stretem olketa pipol hu i brekem olketa lo an olketa hu i mekem trabol olowe. Hemi fo stretem wei blong olketa pipol hu i no falom God, an olketa hu i stap long wei blong sin, an olketa hu i tokdaonem God an olketa narasamting moa wea hemi holi. Hemi fo stretem olketa hu i kilim dae mami o dadi blong olketa, an olketa hu i kilim dae eni nara man moa.

Jemes 2:11

God hu hemi sei, “Yufala mas no brekem lo blong marit,” hemi sei tu, “Yufala mas no kilim man dae falom ravis plan.” Nomata yu no brekem lo blong marit, bat sapos yu kilim man dae, yu kamap man fo brekem Lo nao ya.

Jemes 2:13

Sapos yufala no sore an kaen long eniwan, God bae hemi no sore an kaen long yufala tu. Bat man hu hemi save sore an kaen long olketa nara pipol, hemi no nid fo fraetem panis blong God.