Eksodas 2:10 - Pijin Bible

¹⁰ Bihaen, taem pikinini ya hemi kamap bikfala, mami blong hem hemi tekem gobaek long dota blong king, hu hemi gohed fo lukaftarem hem moa olsem barava pikinini blong hem. An hemi tok olsem, “Bikos mi tekem hem aot from riva, bae mi kolem hem Mosis.”

Pijin Deuterocanon

¹⁰ Bihaen, taem pikinini ya hemi kamap bikfala, mami blong hem hemi tekem gobaek long dota blong king, hu hemi gohed fo lukaftarem hem moa olsem barava pikinini blong hem. An hemi tok olsem, “Bikos mi tekem hem aot from riva, bae mi kolem hem Mosis.”

Eksodas 2:10 Iomraidhean Croise

Jenesis 16:11

Distaem yu babule nao, an bae yu bonem wanfala pikinini boe. An yu mas kolem hem Ismael, bikos yu filnogud tumas, nao yu krae go long Yawe, an hemi herem yu.

Jenesis 4:25

Nao Adam an Iv, tufala gohed fo slip tugeta, nao Iv hemi bonem narafala pikinini boe moa. An hemi tok olsem, “God hemi givim kam wanfala pikinini boe moa long mi, fo sensim Ebol wea Kein hemi kilim dae.” An hemi kolem hem Set.

Jenesis 48:5

An hemi tok moa olsem, “Josef, tufala pikinini blong yu ya wea i bon long hia fastaem, taem wea mi no kam long hia yet, tufala ya i pikinini blong mi nao. Mi lukim Efrem wetem Manase, olsem tufala i barava pikinini blong mi nao, olsem tufala pikinini blong mi ya Ruben an Simion.

2 Samuel 22:17

Yawe hemi stap long antap, an hemi hole kamdaon fo mi, an hemi pulum mi aot from dipsi.

Eksodas 2:9

Dota blong king hemi tok olsem long mami ya, “Yu tekem disfala pikinini, an yu susum kam fo mi, an bae mi peim yu.” So woman ya hemi tekem pikinini ya, an hemi gohed fo susum hem.

Matiu 1:21

Bae Meri hemi bonem wanfala pikinini boe an bae yu kolem hem Jisas, bikos disfala man nao bae hemi sevem olketa pipol blong hem from olketa sin blong olketa.”

Galesia 4:5

Long wei ya nao, hemi save peimaot olketa hu i stap falom disfala Lo, mekem God hemi save adoptem yumi olsem barava pikinini blong hem.

Hibrus 11:24

Mosis hemi biliv long God, an dastawe taem hemi bikman finis, hemi no laekem olketa pipol fo kolem hem pikinini blong dota blong king.

1 Jon 3:1

!God hemi lavem yumi tumas! Dastawe nao hemi sei yumi nao olketa pikinini blong hem. An hemi tru tumas, yumi barava olketa pikinini blong hem. Bat olketa pipol long disfala wol i nating save long God, an dastawe olketa nating save long yumi tu.

1 Samuel 1:20

So Hana hemi babule, an hemi bonem wanfala boe. Hemi kolem hem “Samuel” bikos hemi bin askem go long Yawe fo hemi givim pikinini long hem.