Eksodas 19:21 - Pijin Bible

²¹ an Yawe hemi tok olsem long hem, “Yu godaon, an stopem olketa pipol ya fo no kam ovam baondri ya wea yu putum, mekem olketa no lukim mi Yawe. Sapos olketa kam ovam baondri ya, plande long olketa bae i dae.

Pijin Deuterocanon

²¹ an Yawe hemi tok olsem long hem, “Yu godaon, an stopem olketa pipol ya fo no kam ovam baondri ya wea yu putum, mekem olketa no lukim mi Yawe. Sapos olketa kam ovam baondri ya, plande long olketa bae i dae.

Eksodas 19:21 Iomraidhean Croise

Eksodas 3:3

So hemi tingting olsem, “?Watkaen samting nao ya? Faea hemi gohed fo laet, bat hemi nating bonem nomoa olketa lif blong tri ya. Mi mas go kolsap fo lukluk gudfala long hem.”

Eksodas 3:5

So God hemi tok olsem long hem, “!Stop! !Yu no kam kolsap tumas! Yu mas tekemaot sandol blong yu, bikos disfala graon wea yu stanap long hem hemi tambu.

Eksodas 33:20

Bat mi no save letem yu fo lukim fes blong mi, bikos sapos eniwan hemi lukim fes blong mi, hemi mas dae.

Eklesiastes 5:1

Yu mas tingting gudfala taem yu go long Tambuhaos blong God. Hemi gud tumas fo yu go long ples ya fo lisin gudfala long dea, bat i no fo mekem sakrifaes olsem olketa krangge man. Olketa ya i nating save dat wanem olketa duim hemi no stret.

Nambas 4:15

Taem yufala redi fo muv go long narafala ples, olketa long laen blong Kohat mas kam karim evrisamting ya. Bat fastaem, Eron wetem tufala san blong hem i mas kavaremap evrisamting fo mekem redi, bikos olketa long laen blong Kohat i no save tasim olketa tambu samting ya. Sapos olketa tasim, bae olketa dae.

Nambas 4:18

“Taem olketa long laen blong Kohat i kam fo karim olketa samting wea i barava tambu fogud, yutufala mas lukaot gudfala, nogud laen ya hemi lus from traeb blong Livae. Yutufala mas duim evrisamting long stretfala wei mekem olketa stap laef taem olketa kam kolsap long olketa tambu samting. Eron, wetem tufala san blong hem nomoa, trifala mas kam insaet fastaem fo givimaot waka blong olketa. An trifala mas talemaot evrisamting wea bae olketa mas karim, bikos sapos olketa kam insaet long Tambu Haostent an lukim olketa tambu samting, nomata hemi lelebet taem nomoa, bae olketa dae long hem.”

Diutronomi 5:5

An mi stap long midol long yufala an Yawe, an mi gohed fo talemaot long yufala olketa toktok wea Yawe hemi talem, bikos yufala fraet tumas long faea ya an no save go antap long maonten. “Nao long datfala taem, Yawe hemi tok olsem,

1 Samuel 6:19

Long datfala taem, Yawe hemi kilim dae seventifala man blong Bet-Semes bikos olketa luk insaet long Tambu Boks blong hem. An olketa pipol i filnogud tumas an gohed fo krae long disfala had samting wea Yawe hemi duim.