Eksodas 19:13 - Pijin Bible

¹³ Olketa mas sutim hem dae long ston o long aro, mekem no eniwan mas tasim hem. Nomata man o animol hemi tasim maonten ya, hemi mas dae. Bat bihaen taem wea olketa herem wanfala spesol saen nomoa wea trampet hemi krae fo longtaem, bae olketa save kamap long maonten ya.”

Pijin Deuterocanon

¹³ Olketa mas sutim hem dae long ston o long aro, mekem no eniwan mas tasim hem. Nomata man o animol hemi tasim maonten ya, hemi mas dae. Bat bihaen taem wea olketa herem wanfala spesol saen nomoa wea trampet hemi krae fo longtaem, bae olketa save kamap long maonten ya.”

Eksodas 19:13 Iomraidhean Croise

Eksodas 19:14

Taem Mosis hemi kamdaon moa long maonten ya, hemi mektambu long olketa, mekem olketa save mekem wosip long God. An olketa wasim olketa kaleko blong olketa nao.

Eksodas 19:16

Long moning blong mektri de ya, olketa lukim bikfala laetning hemi laet, an tanda hemi bosta, an bikfala klaod hemi kavaremap maonten ya. An olketa herem tu bikfala noes blong trampet fo somaot dat God hemi kam fo mitim olketa. An evri pipol hu i stap long ples ya i fraet an seksek fogud long hem.

Eksodas 19:17

Bihaen, Mosis hemi lidim olketa go fo mitim God, bat olketa stap nomoa long botom blong maonten ya.

Eksodas 19:19

Saon blong trampet ya hemi kamap bikfala moa. An evritaem Mosis hemi toktok, God hemi ansarem hem long bikfala tanda wea hemi bosta.

Eksodas 34:3

No eniwan save kam wetem yu, an yu mas stopem olketa pipol fo no letem eniwan hemi stap long eni pat long maonten ya. An yu mas no letem tu olketa sipsip an olketa nanigot an olketa buluka blong yufala fo raon olobaot long botom blong maonten ya.”

1 Tesalonaeka 4:16

Bikos taem Masta blong yumi hemi kamdaon from heven, an sif blong olketa enjel hemi singaot, an yumi herem saon long trampet blong God, bae olketa hu i biliv long Kraes an i dae finis, olketa nao bae i laefbaek fastaem.

Hibrus 12:20

Bikos olketa no laekem disfala strongfala toktok wea hemi tok olsem, “Sapos eniwan hemi tasim disfala maonten ya, nomata wanfala animol nomoa, yufala mas sutim hem dae long ston.”

Jajis 20:37

Fastaem, olketa bin mekem wanfala plan. Plan ya hemi olsem, taem haf blong olketa hu i bin haed i go insaet long taon ya, olketa mas bonem taon ya mekem smok hemi go antap. Taem disfala narafala grup wea bae hem gohed fo laea fo ranawe hemi lukim smok, olketa mas taneraon an faetem ami blong Benjamin. Oraet, long taem olketa no bonem taon ya yet, ami blong Benjamin hemi kilim dae samting olsem tetifala man long ami blong Israel. An yu save olketa bin singaot olsem, “!Distaem yumi winim olketa moa, olsem wea yumi bin duim fastaem!” Bat, olketa wea i haed i getap kuiktaem an go insaet long taon ya. Olketa go evriwea long insaet an kilim dae olketa pipol an bonem taon ya.