Eksodas 18:7 - Pijin Bible

⁷ So, Mosis hemi goaot fo mitim olketa, an taem hemi lukim inlo blong hem, hemi baodaon long hem, an hemi kisim hem. Tufala sekhan an go insaet long haostent blong Mosis.

Pijin Deuterocanon

⁷ So, Mosis hemi goaot fo mitim olketa, an taem hemi lukim inlo blong hem, hemi baodaon long hem, an hemi kisim hem. Tufala sekhan an go insaet long haostent blong Mosis.

Eksodas 18:7 Iomraidhean Croise

Jenesis 14:17

Nao taem wea Ebram hemi kambaek from faet ya wea hemi winim fofala king ya, king blong Sodom hemi goaot fo mekem welkam long hem long disfala vali wea nem blong hem Sabe. Narafala nem blong ples ya nao Vali blong King.

Jenesis 18:2

Hemi luk go long rod, an hemi lukim trifala man wea olketa gohed fo stanap nomoa long ples ya. Taem hemi lukim trifala ya, hemi stanap, an hemi kuiktaem go fo mitim trifala ya. An taem hemi go kolsap long trifala, hemi baodaon go-go fes blong hem kasem graon,

Jenesis 19:1

Nao tufala man ya i gohed fo wakabaot go long Sodom, tufala ya i enjel, an long ivining, taem tufala kasem ples ya, Lot hemi gohed fo sidaon nomoa kolsap long doa long bikfala wolston blong taon ya. Nao taem hemi lukim tufala ya, hemi stanap an hemi wakabaot go fo tok wetem tufala. Hemi baodaon long frant long tufala, go-go fes blong hem kasem graon,

Jenesis 29:13

An taem dadi blong hem hemi herem nius ya abaot nefiu blong hem, hemi ran kam, an hemi holem hem, an hemi kisim hem, nao hemi tekem gobaek long haos blong hem. Jekob hemi stori gud long hem abaotem evrisamting wea i kamap.

Jenesis 31:28

!Yu lukim! !Yu nating letem mi kisim olketa smolfala grani blong mi ya, an tufala dota blong mi ya tu fo talem gudbae long olketa! !Yu barava krangge tumas ya!

Jenesis 43:26

Long midol long de, taem Josef hemi kam long haos, olketa go an tekem olketa presen ya an kam insaet nao. An olketa baodaon long frant blong hem fo mekhae long hem go-go fes blong olketa kasem graon, nao olketa givim go olketa presen ya long hem.

Jenesis 45:15

Nao hemi go holem olketa narafala brata blong hem, an hemi kisim olketa, an hemi gohed fo krae. Bihaen, olketa brata blong hem ya i stat fo toktok wetem hem nao.

Jenesis 46:29

Josef hemi go long kaat blong hem wea hos nao hemi pulum, an hemi kam long ples ya fo mitim dadi blong hem. Taem tufala mit, Josef hemi putum han blong hem raonem nek blong dadi blong hem, hemi gohed fo holem hem, an hemi gohed fo krae fo longtaem.

2 Samuel 11:7

Taem hemi kam, king hemi askem hem olsem, “?Waswe, Joab hemi oraet? ?Hao nao faet ya?”

1 Kings 2:19

Den hemi go lukim king from samting ya. Taem Batseba hemi kam insaet, king hemi stanap an baodaon long hem. Hemi sidaon moa long tron blong hem, an hemi talem olketa fo tekem kam wanfala tron fo kuin ya. So mami blong hem hemi kam sidaon long raet saet blong hem.

Sams 2:12

Hemi gud wea yufala i barava tinghae long Yawe, an yufala mas baodaon long san blong hem. Sapos nomoa, bae hemi kros, an no long taem bae yufala dae nao ya. Evriwan wea i go long hem fo hemi gadem olketa, olketa nao i hapi. (Singsing blong Deved. Hemi mekem bihaen long taem ya wea hemi ranawe from san blong hem Absalom hu hemi laek fo kilim hem dae.)

Eksodas 18:6

Jetro bin sendem kam mesij long Mosis wea hemi sei olsem, “Mi, dadi inlo blong yu nao, mi wetem waef an tufala san blong yu bae i kam nao fo lukim yu.”

Eksodas 33:7

Evritaem pipol blong Israel i stanemap olketa haostent blong olketa long wanfala ples, Mosis hemi tekem wanfala haostent an hemi stanemap longwe lelebet from ples blong olketa ya. Hemi kolem haostent ya, “smolfala haostent fo mitim God”, an eniwan hu hemi laek fo faendemaot tingting blong Yawe abaotem samting, hemi save go long haostent ya.

Eksodas 4:27

Long semtaem ya, Yawe hemi tok olsem long Eron, “Eron. Yu go mitim Mosis long drae eria.” Taem Eron hemi go, hemi mitim Mosis long tambu maonten long Saenae, an hemi gritim hem nao.

Nambas 22:36

Taem Balak hemi herem dat Balam hemi kam, hemi go long taon long Ara fo mitim hem. Taon ya hemi stap long Anon Riva wea hemi baondri blong eria blong Moab.

Gudnius abaotem Jisas Kraes wea Luk hemi raetem 7:45

An yu ya yu nating kisim mi tu, bat stat long taem mi kam insaet long haos ya, woman ya hemi gohed fo kisim lek blong mi nao.

Aposol 20:37

Evriwan olketa krae an holem hem strong an olketa kisim hem fo sei gudbae long hem.

Aposol 28:15

Nao olketa Kristin fren wea olketa stap long Rom, olketa herem nius abaotem mifala nomoa, so olketa kamdaon fo mitim mifala long bikfala maket long Apias an long ples wea olketa kolem “Trifala Hotel”. An taem Pol hemi lukim olketa, hemi barava hapi fogud nao an hemi talem tengkiu long God.

Jajis 11:34

Jefta hemi garem nomoa wanfala pikinini gele, hemi no garem eni narafala pikinini moa. Oraet, Jefta hemi kambaek long hom blong hem long Mispa, bat wea, dota blong hem nao hemi kam fo mitim hem. Hemi gohed fo dans kamaot wetem tamborin blong hem.

1 Samuel 17:22

Deved hemi livim olketa kaikai long man wea hemi save lukaftarem evrisamting blong ami, an hemi ran go long ples fo faet. Hemi go lukim trifala brata blong hem, an hemi askem trifala olsem trifala oraet o waswe.