Eksodas 17:11 - Pijin Bible

¹¹ Taem Mosis hemi liftimap tufala han blong hem, Josua an olketa blong Israel i gohed fo win. Bat taem han blong Mosis hemi taet, an hemi putum godaon, olketa blong Amalek i stat fo win.

Pijin Deuterocanon

¹¹ Taem Mosis hemi liftimap tufala han blong hem, Josua an olketa blong Israel i gohed fo win. Bat taem han blong Mosis hemi taet, an hemi putum godaon, olketa blong Amalek i stat fo win.

Eksodas 17:11 Iomraidhean Croise

Sams 44:6

Mi no trastem nomoa bou blong mi o naef blong mi fo faet, fo sevem mi,

Sams 56:9

Lod Yawe, long de wea bae mi kol kam long yu, bae yu mekem olketa enemi blong mi olketa taneraon an olketa gobaek. Mi save finis wea yu nao yu saetem mi. So mi gohed fo preisim yu from olketa promis blong yu.

Eksodas 17:10

So, Josua hemi duim nao wanem Mosis hemi talem long hem, an long neks de, olketa go an faetem olketa blong Amalek nao. An taem olketa go, Mosis wetem Eron an Hua, trifala go antap long hil ya.

Eksodas 17:12

So taem han blong Mosis hemi taet, Eron an Hua i karim kam wanfala ston, an Mosis hemi sidaon antap. An tufala gohed fo stanap long saet blong hem, mekem tufala gohed fo holemap han blong Mosis fo i no save godaon. Tufala gohed fo holem olsem go-go san hemi godaon.

Gudnius abaotem Jisas Kraes wea Luk hemi raetem 18:1

Bihaen, Jisas hemi talem wanfala tokpiksa long olketa disaepol blong hem fo tisim olketa wea olketa mas no wikdaon bat gohed fo prea olowe.

1 Timoti 2:8

Nao mi laekem olketa man long evri ples, fo olketa mas prea. Olketa mas stret gudfala, an olketa mas save holemap han blong olketa long prea wea olketa no filkros an olketa no raoa.

Jemes 5:16

So yufala mas talemaot olketa sin blong yufala long yufala evriwan, an yufala mas prea fo eniwan long yufala hu hemi sik, mekem hemi gudbaek moa. Prea blong stretfala man, hemi barava garem paoa an hemi save helpem pipol.