Eksodas 16:23 - Pijin Bible

²³ bat hemi tok olsem long olketa, “Yawe hemi talem finis dat tumoro hemi Sabat de, an de ya hemi tambu, mekem yumi res fo onarem Yawe. Olketa kaikai wea yufala laek fo kaikaim tude, yufala save bekem o kukim, bat haf wea hemi stap, yufala mas putumgud fo tumoro.”

Pijin Deuterocanon

²³ bat hemi tok olsem long olketa, “Yawe hemi talem finis dat tumoro hemi Sabat de, an de ya hemi tambu, mekem yumi res fo onarem Yawe. Olketa kaikai wea yufala laek fo kaikaim tude, yufala save bekem o kukim, bat haf wea hemi stap, yufala mas putumgud fo tumoro.”

Eksodas 16:23 Iomraidhean Croise

Nehemaea 9:13

“Yu bin kamdaon from heven long maonten long Saenae, an yu toktok long olketa pipol blong yu. Yu givim olketa rul wea hemi stret, an olketa lo wea hemi tru, an olketa strongfala toktok wea hemi gud.

Nehemaea 9:14

Yu tisim olketa abaotem Sabat de blong yu wea hemi tambu, an olketa rul, an olketa lo, an olketa strong toktok ya, yu givim olketa long Mosis, wakaman blong yu, mekem olketa pipol ya i savegud long wei blong yu.

Eksodas 16:19

Mosis hemi tok olsem long olketa, “No eniwan long yufala mas kipim eni kaikai ya fo tumoro.”

Eksodas 23:12

“Oltaem yufala save waka nomoa fo siksfala de, bat long mekseven de, yufala no mas waka. Long disfala wei nao, bae olketa slev blong yufala an olketa strensa wea i gohed fo waka fo yufala i save res. An olketa animol blong yufala tu i save res.

Eksodas 31:15

Yufala garem siksfala de wea yufala save duim waka blong yufala long hem, bat long mekseven de, hemi de fo res, an hemi blong mi Yawe. Eniwan wea hemi duim waka long de ya, yufala mas kilim hem dae.

Jeremaea 17:22

Yufala mas no duim eni waka o karim eni hevi samting kamaot long olketa haos blong yufala. Yufala mas gohed fo kipim Sabat de, an barava mektambu long hem olsem mi talem finis long olketa grani blong yufala bifoa.

Levitikas 23:3

“Yufala garem siksfala de fo duim olketa waka blong yufala, bat mekseven de long evri wik hemi Sabat de wea hemi de fo res. Long Sabat de yufala mas no waka, bat yufala mas kam tugeta fo wosipim mi. Nomata watkaen ples yufala stap long hem, Sabat de hemi de blong mi Yawe an yufala mas tinghae long hem.”

Nambas 11:7

Nao disfala mana hemi olsem olketa smolfala waet sid.

Nambas 11:8

An hemi gohed fo foldaon wetem diu long naet long ples wea olketa stap long hem. An evri de, long moning, olketa pipol i go pikimap, an krasim fo mekem hemi kamap olsem flaoa. An olketa kukim, an mekem olketa flat kek. An taem olketa kaikaim, hemi test olsem bred wea olketa kukim long oliv oel.

Gudnius abaotem Jisas Kraes wea Luk hemi raetem 23:56

Bihaen, olketa woman ya olketa gobaek long haos nomoa, an olketa gohed fo mekredi long insens an samfala oel wea hemi smel naes tumas fo putum long bodi blong Jisas. Nao long Sabat de olketa res olsem Lo hemi talem olketa mas duim.

Diutronomi 5:12

‘Yufala mas gohed fo kipim Sabat de, an barava mektambu long hem olsem wea mi talem finis long yufala bifoa.

Revelesin 1:10

Nao long De blong Masta blong yumi, paoa blong Holi Spirit hemi kam long mi. An mi herem wanfala toktok wea hemi tok kam bikfala bihaen long mi, an hemi here olsem wanfala trampet.