Eksodas 15:5 - Pijin Bible

⁵ Dipsi ya i kavaremap olketa finis, an olketa singdaon olsem ston.

Pijin Deuterocanon

⁵ Dipsi ya i kavaremap olketa finis, an olketa singdaon olsem ston.

Eksodas 15:5 Iomraidhean Croise

Nehemaea 9:11

Yu bin mekem rod hemi gotru long solwata fo olketa pipol blong yu, an yu lidim olketa falom rod ya long drae graon nomoa. Bat olketa hu i aftarem olketa pipol ya blong yu, olketa draon long dip solwata olsem wea ston hemi singdaon long dipsi.

Sams 106:11

Olketa enemi ya i draon finis insaet long wata, an no eniwan long olketa i laef.

Eksodas 14:28

an hemi draonem finis olketa kaat fo faet, wetem olketa draeva blong olketa, an evri soldia blong olketa wea i bin aftarem pipol blong Israel insaet long si. An no eniwan long olketa hemi laef.

Eksodas 15:10

Bat yu blou go antap long olketa ya, nao si ya i kavaremap olketa evriwan. Olketa evriwan i singdaon long solwata, olsem led blong huk hemi godaon.

Eksodas 15:16

Bae bikfala fraet tumas i kasem olketa, an tingting blong olketa bae i barava nogud tumas. Lod Yawe, long bikfala paoa blong yu, olketa stap kuaet nomoa olsem wanfala ston, go-go kasem taem wea mifala pipol blong yu, wea yu bin peimaot mifala fo go fri, mifala gopas long olketa.

Provebs 8:24

Taem wea dipsi hemi no stap yet, an no eni springwata hemi stap yet, bat mi stap finis nao.

Esikiel 27:34

Bat distaem solwata hemi spoelem yu finis, an yu draon finis long dipsi. Olketa kago blong yu, an evri wakaman blong yu, i lus finis wetem yu insaet long si.

Jona 2:2

“Yawe, taem trabol hemi kasem mi, mi singaot go long yu, an yu lisin kam long mi an yu ansarem mi. From bele blong Grev mi kraeaot long yu, an yu herem voes blong mi.

Maeka 7:19

Yawe. Mifala save dat bae yu sore moa long mifala, an bae yu tekemaot sin blong mifala olsem wea yu step long hem godaon long graon, o torowem go long midol long dipsi.

Matiu 18:6

“An sapos wanfala man hemi mekem wanfala long olketa smolfala pikinini wea olketa biliv long mi fo lusim biliv blong hem, hemi moabeta sapos olketa taemapem wanfala bikfala ston long nek blong man ya an torowem godaon insaet long dip si.

Revelesin 18:21

Den wanfala maeti enjel hemi tekem wanfala bikfala ston an hemi torowem godaon long si, an hemi sei, “Babilon, yu biktaon, long diskaen wei tu, bae olketa torowem yu godaon, mekem yu lus olowe nao.