Eksodas 12:7 - Pijin Bible

⁷ Olketa bikman blong haos mas tekem samfala blad blong animol ya, an hemi mas pendam long tufala saet an antap long frem long doa blong haos wea bae olketa kaikaim mit long hem.

Pijin Deuterocanon

⁷ Olketa bikman blong haos mas tekem samfala blad blong animol ya, an hemi mas pendam long tufala saet an antap long frem long doa blong haos wea bae olketa kaikaim mit long hem.

Eksodas 12:7 Iomraidhean Croise

1 Kings 6:31

Tufala doa blong Barava Tambu Rum, olketa wakem long timba blong oliv tri. An pos blong tufala doa ya i garem faefala saet.

Eksodas 12:13

Bat taem mi kam, sapos mi lukim blad wea yufala pendam long frem blong doa, hem nao bae hemi saen wea yufala stap long haos ya. An sapos mi lukim blad ya, bae mi pas ovarem datfala haos, an mi no panisim yufala wetem olketa pipol blong Ijip ya.

Esikiel 9:4

Hemi tok olsem long hem, “Yu go evriwea long taon ya, an putum mak long fohed blong olketa pipol hu i gohed fo sore an krae fo olketa nogud samting wea olketa narafala pipol i duim insaet long taon ya.”

Efesas 1:7

Kraes hemi bin peimaot yumi long blad blong hem, wea hemi dae olsem wanfala sakrifaes fo tekemaot olketa sin blong yumi. Ya, disfala kaenfala lav blong God hemi barava nambawan tumas,

Diutronomi 11:20

An yufala mas raetem olketa long tufala pos blong doa long olketa haos blong yufala, an long olketa geit blong olketa taon blong yufala.

Hibrus 10:14

Long disfala wanfala sakrifaes nomoa, hemi mekem stret fogud olketa pipol blong God, an bae olketa stap olsem olowe nao.

Hibrus 10:29

?Sapos olsem, wanem nao bae hemi hapen long wanfala man sapos hemi lukdaon long San Blong God? !Bae bikfala panis moa hemi kasem man olsem ya! Blad blong Kraes wea hemi mekem spesol agrimen blong God fo kamtru, hem nao hemi bin mekem disfala man ya fo kamap holi long ae blong God. Bat disfala man ya hemi ting dat blad blong Kraes hemi samting nating nomoa, an hemi tokdaonem tu Holi Spirit hu hemi bin somaot kaenfala lav long hem.

Hibrus 11:28

Hemi biliv long God, an dastawe hemi statem disfala Fist blong Pasova ya. Hemi talem olketa pipol blong Israel fo splasem blad blong olketa smolfala sipsip long doa blong haos blong olketa. Long wei ya nao, disfala enjel hu hemi kam fo kilim dae olketa fasbon pikinini, bae hemi no kasem olketa pipol blong Israel.

Hibrus 9:22

Falom Lo ya, kolsap evrisamting nao olketa mas splasem blad long hem fo mekem hem kamap klin moa. Bikos sapos blad blong sakrifaes hemi no stap, God hemi no save fogivim sin blong olketa pipol.

1 Pita 1:2

Bifoa kam, God hu hemi Dadi hemi siusim yufala finis falom plan blong hem. Holi Spirit hemi mekem yufala holi, an yufala obeim Jisas Kraes wea blad blong hem hemi mekem yufala klin from sin. Letem God hemi barava blesim yufala long kaenfala lav blong hem, an givim piis long yufala olowe.