Eksodas 12:25 - Pijin Bible

²⁵ An taem yufala go an stap long lan wea Yawe hemi promis fo givim yufala, bae yufala mas falom olketa wei fo mekem fist ya olowe nao.

Pijin Deuterocanon

²⁵ An taem yufala go an stap long lan wea Yawe hemi promis fo givim yufala, bae yufala mas falom olketa wei fo mekem fist ya olowe nao.

Eksodas 12:25 Iomraidhean Croise

Eksodas 12:24

Yufala wetem olketa wea bae i bon kam bihaen long yufala, bae yufala evriwan mas kipim olketa rul ya olowe nao.

Eksodas 12:26

Sapos olketa pikinini blong yufala askem yufala olsem, ‘?Waswe nao yumi gohed fo mekem olketa samting ya olsem?’

Eksodas 13:10

So, evri yia long barava taem ya, yumi mas mekem bikde ya.”

Eksodas 13:5

Yawe hemi bin mekem strongfala promis long olketa grani blong yumi bifoa, wea bae hemi givim long yumi lan ya wea hemi blong olketa laen blong Kenan, an olketa laen blong Het, an olketa laen blong Amoa, an olketa laen blong Hivi, an olketa laen blong Jebus. Lan ya, graon blong hem hemi gudfala tumas, an oltaem hemi gohed fo garem staka kaikai. An taem hemi tekem yumi go fo stap long lan ya, evri yia, long disfala mans, yumi mas mekem disfala bikde.

Eksodas 3:17

An mi promis finis fo tekem yufala aot from disfala hadlaef long ples ya. Bae mi tekem yufala go long wanfala lan wea graon blong hem hemi gudfala tumas, an oltaem hemi garem kaikai long hem. Hem nao lan blong olketa laen blong Kenan, an olketa laen blong Het, an olketa laen blong Amoa, an olketa laen blong Peris, an olketa laen blong Hivi, an olketa laen blong Jebus.” ’

Eksodas 3:8

Dastawe nao, mi kamdaon fo tekem olketa aot from paoa blong pipol long Ijip an fo lidim olketa aot from lan ya. Bae mi tekem olketa go long wanfala gudfala lan, wea i bikfala tumas, an wea graon blong hem hemi gudfala tumas, an oltaem hemi garem kaikai long hem. Hem nao lan wea distaem, olketa laen blong Kenan, an olketa laen blong Het, an olketa laen blong Amoa, an olketa laen blong Peris, an olketa laen blong Hivi, an olketa laen blong Jebus olketa stap long hem.

Diutronomi 4:5

“Mi tisim yufala finis long olketa lo an rul barava olsem wea Yawe, God blong mi, hemi talem long mi. Mi duim olsem mekem yufala falom olketa lo ya taem yufala stap long lan wea bae yufala tekova long hem.