Eksodas 12:16 - Pijin Bible

¹⁶ Long fas de ya, an long mekseven de tu, yufala mas hipap tugeta fo wosipim mi. Long olketa sevenfala de ya, bae yufala no save waka. Yufala save wakem olketa kaikai blong yufala nomoa.

Pijin Deuterocanon

¹⁶ Long fas de ya, an long mekseven de tu, yufala mas hipap tugeta fo wosipim mi. Long olketa sevenfala de ya, bae yufala no save waka. Yufala save wakem olketa kaikai blong yufala nomoa.

Eksodas 12:16 Iomraidhean Croise

Eksodas 16:23

bat hemi tok olsem long olketa, “Yawe hemi talem finis dat tumoro hemi Sabat de, an de ya hemi tambu, mekem yumi res fo onarem Yawe. Olketa kaikai wea yufala laek fo kaikaim tude, yufala save bekem o kukim, bat haf wea hemi stap, yufala mas putumgud fo tumoro.”

Eksodas 16:29

Yufala mas tingim dat mi Yawe, mi givim disfala Sabat de long yufala fo yufala mas res long hem. Hem nao, long meksiks de, mi givim kaikai long yufala wea hemi naf fo tufala de. Nao long mekseven de, yufala mas stap kuaet nomoa long ples blong yufala.”

Eksodas 16:5

Bat long meksiks de, bae yufala mas pikimap an kukim kaikai wea hemi naf fo tufala de.”

Eksodas 20:10

bat long mekseven de, hemi Sabat de, an hemi de fo onarem mi Yawe, God blong yufala. Long de ya, bae yufala mas no waka long hem. Yufala wetem olketa pikinini blong yufala, an olketa slev blong yufala, an olketa animol blong yufala, an olketa strensa hu i stap long ples blong yufala, bae yufala evriwan mas no waka long de ya.

Eksodas 34:18

“Evri yia, long mans long Abib, yufala mas mekem Bikde blong Bred wea hemi No Garem Yist. An long taem ya, bae yufala mas kaikaim nomoa bred wea hemi no garem yist long hem go-go hemi kasem mekseven de olsem wea mi bin talem finis long yufala. Bikos long mans ya nao, yufala kamaot from Ijip.

Aesaea 1:13

Mi nating laekem olketa ofaring wea yufala gohed fo givim kam long mi. An taem mi smelem insens blong yufala ya mi barava wande fo toraot nao. So bikos yufala gohed nomoa fo duim olketa ravis samting olsem, mi nating laekem tu fo lukim olketa Fist long Niumun an olketa Sabat de an olketa narafala de wea yufala save holem olketa miting long hem.

Levitikas 23:21

Yufala mas no duim eni waka long disfala bikde, yufala mas kam tugeta fo wosipim mi. Hem nao lo blong bikde wea yufala mas obeim olowe, long evri ples blong yufala.

Levitikas 23:27

“Evri yia, long disfala mekseven mans, long mekten de blong hem, yufala mas mekem spesol wosip long Bikde fo Tekemaot Sin. Long disfala bikde, yufala mas no kaikaim enisamting. An yufala mas kam tugeta fo wosipim mi, an yufala mas ofarem wanfala sakrifaes fo givim kam olsem tambu samting long mi Yawe.

Levitikas 23:35

Long fas de blong disfala bikde, yufala mas no duim eni waka, yufala mas kam tugeta fo wosipim mi.

Nambas 28:18

Nao, fas de blong disfala fist hemi wanfala holi de wea yufala mas kam tugeta fo wosipim mi. An long disfala de yufala mas no waka.

Nambas 28:25

Long mekseven de blong disfala fist hemi narafala holi de wea yufala mas kam tugeta fo wosipim mi. An long disfala de tu yufala mas no waka.”

Nambas 28:26

Yawe hemi tok olsem, “Long fas de blong Fist blong Sevenfala Wik, long taem wea yufala ofarem kam fas kaikai wea yufala tekemaot long gaden, hemi wanfala holi de wea yufala mas kam tugeta fo wosipim mi. An long disfala de tu yufala mas no waka.

Nambas 29:1

Yawe hemi gohed fo tok olsem, “Evri yia, long mekseven mans long fas de blong hem, hemi wanfala holi de wea yufala mas kam tugeta fo wosipim mi. An long disfala de tu yufala mas no waka. Hem nao bikde fo bloum trampet.

Nambas 29:12

Yawe hemi gohed fo tok olsem, “Evri yia, long mekseven mans, long mekfiftin de blong hem, yufala mas kam tugeta fo wosipim mi, an fo mekem fist. Disfala fist hemi stat long mekfiftin de, an bae hemi gohed kasem mektuenti-tu de. An long taem blong fist hemi tambu fo yufala fo duim eni hadwaka.

Gudnius abaotem Jisas Kraes wea Jon hemi raetem 19:31

Olketa bikman blong olketa Jiu olketa go an askem Paelat fo hemi mas talem long olketa soldia fo go an brekem lek blong trifala man wea olketa nilam long olketa kros ya, mekem olketa save tekemdaon bodi blong olketa. Olketa duim olsem, bikos hemi de fo mekredi long evrisamting fo Sabat de ya. Olketa no laekem olketa bodi ya fo stap antap long olketa kros ya long Sabat de, an disfala Sabat hemi barava spesolwan ya.

Diutronomi 16:8

Nao long olketa narafala siksfala de blong fist yufala mas kaikaim bred wea hemi no garem yist long hem. Den long mekseven de, yufala mas kam tugeta fo wosipim Yawe, God blong yufala. An long datfala de yufala mas no waka.”