Eksodas 11:2 - Pijin Bible

² Yu go talem olketa pipol blong yu, mekem olketa go askem olketa pipol blong Ijip raonem olketa, fo givim olketa samting ya wea olketa wakem long silva an gol.”

Pijin Deuterocanon

² Yu go talem olketa pipol blong yu, mekem olketa go askem olketa pipol blong Ijip raonem olketa, fo givim olketa samting ya wea olketa wakem long silva an gol.”

Eksodas 11:2 Iomraidhean Croise

Jenesis 24:53

Nao hemi tekemaot olketa barava spesol kaleko, an olketa nekles wea olketa wakem long silva an long gol, wea olketa bin karim kam, an hemi givim olketa go long gele ya. An hemi karim olketa narafala samting tu wea praes blong olketa hemi bikfala fogud, nao hemi givim go long brata blong gele ya an mami blong hem.

Jenesis 31:9

So God hemi bin gohed fo tekemaot olketa animol ya from han blong dadi blong yutufala, an hemi putum long han blong mi.

Sams 105:37

Nao hemi lidim olketa Israel pipol fo goaot from kantri ya, an olketa karim go olketa silva an gol. Olketa evriwan i stap gudfala nomoa an no eniwan hemi sik.

Sams 24:1

Yawe seleva nao hemi onam disfala wol wetem evrisamting insaet long hem. Graon ya wetem evrisamting wea i stap long hem, i blong hem ya.

Eksodas 3:21

“An bae mi mekem olketa pipol blong Ijip fo tinghae long yufala. Mekem taem yufala lusim Ijip, bae yufala save tekem plande gudfala samting.

Eksodas 3:22

Bae olketa woman blong Israel i askem olketa woman blong Ijip hu i stap kolsap long olketa, fo givim plande kaleko an staka samting wea olketa wakem long silva o gol. Bae yufala save letem olketa pikinini blong yufala fo werem olketa samting ya. Long disfala wei nao, bae yufala save tekem olketa gudfala samting from olketa pipol blong Ijip olsem wea ami hemi winim wanfala taon long faet.”

Eksodas 32:24

So mi tok olsem long olketa, ‘Yufala hu i werem enisamting long gol, yufala tekemaot an givim kam long mi.’ An olketa duim nao. So mi torowem go olketa gol samting ya insaet long faea, an seknomoa, kaving blong man buluka ya hemi kamaot nao.”

Eksodas 35:22

Olketa man an olketa woman tu hu i laek fo givim olketa samting go long Yawe, olketa tekem kam olketa naes samting wea olketa wakem long gol, olsem olketa smolfala huk fo putum long kaleko, an olketa iaring, an olketa ring, an olketa sen fo hangem long nek. Olketa liftimap olketa gol samting ya olsem ofaring fo somaot dat samting ya hemi blong Yawe an hemi tambu.

Provebs 13:22

Gudfala man save givim plande gud samting fo olketa grani blong hem. Bat olketa samting blong nogud man i go long olketa stretfala pipol.

Hagae 2:8

Evri silva an gol wea i stap long disfala wol i blong mi.

Matiu 20:15

?Waswe, yu tingse mi no garem paoa fo duim wanem mi laek fo duim long seleni blong mi seleva? ?O waswe, yu joles nomoa bikos mi kaen olsem?’”