Eksodas 10:6 - Pijin Bible

⁶ Olketa grashopa ya bae olketa fulumapem olketa haos blong yu, an olketa haos blong olketa bikman blong yu, an olketa haos blong evri narafala pipol blong yu tu. Samting ya bae hemi barava nogud tumas, wea olketa grani blong yufala bifoa i nating lukim enisamting olsem yet long laef blong olketa.’ ” Den Mosis hemi lusim king, an hemi go aotsaet.

Pijin Deuterocanon

⁶ Olketa grashopa ya bae olketa fulumapem olketa haos blong yu, an olketa haos blong olketa bikman blong yu, an olketa haos blong evri narafala pipol blong yu tu. Samting ya bae hemi barava nogud tumas, wea olketa grani blong yufala bifoa i nating lukim enisamting olsem yet long laef blong olketa.’ ” Den Mosis hemi lusim king, an hemi go aotsaet.

Eksodas 10:6 Iomraidhean Croise

Eksodas 10:11

!Nomoa! !Mi no letem yufala evriwan i go! Sapos hemi tru wea yufala mas go fo wosipim Yawe nomoa olsem yufala bin askem, hemi moabeta olketa man nomoa i go.” An king hemi ronemaot tufala fo goaot from haos blong hem.

Eksodas 11:6

Bae yufala evriwan i krae fogud olsem wea no eniwan bin herem yet, an bae no eniwan save herem moa enitaem.

Eksodas 11:8

Mosis hemi gohed fo tok olsem, “An long datfala taem, bae olketa bikman blong yu i kam an bendaon frant long mi, an bae olketa askem mi fo mi tekemaot olketa pipol blong mi. An bihaen, bae mifala lusim ples ya an goaot.” Nao Mosis hemi kros tumas, an hemi goaot from haos blong king.

Eksodas 8:21

Mi wonem yu, sapos yu les fo herem toktok blong mi, bae mi mekem olketa flae fo kavaremap yu wetem olketa bikman blong yu, an olketa narafala pipol blong yu tu. Bae olketa fulumapem olketa haos blong yufala, an long evri ples, an bae hemi kavaremap evriwea long graon ya.

Eksodas 8:3

Bae Nael Riva ya hemi fulap long olketa frog. Nao bae olketa kamaot from riva ya, an go insaet long bikfala haos blong yu, an bae olketa go insaet long rum blong yu, an antap long bed blong yu. Bae olketa fulumapem tu olketa haos blong olketa bikman blong yu, an olketa narafala pipol blong yu tu. Bae olketa go insaet long olketa aven blong yu, an long olketa baol wea yufala yusim fo wakem bred tu.

Eksodas 9:18

So, tumoro long disfala taem, bae mi mekem olketa bikfala ston long aes fo foldaon kam olsem ren. Bae olketa foldaon bikfala tumas, wea no eni man hemi bin lukim yet long kantri ya bifoa.

Eksodas 9:24

Olketa ston long aes hemi gohed fo foldaon, an laetning hemi gohed fo laet olobaot long skae. Hem nao nambawan nogud stom, wea no enisamting olsem hemi hapen long kantri ya bifoa.

Joel 2:2

Long De ya bae hemi kamap tudak, olsem bikfala klaod hemi fulumapem skae. An olsem san hemi saen kam long eli moning antap long maonten, bae olketa grashopa i kam olsem wanfala strongfala ami fo kavaremap lan. No enisamting olsem hemi hapen yet bifoa, an no enisamting olsem bae hemi hapen moa enitaem.

Joel 2:9

Olketa kam kuiktaem an klaem long wolston blong taon ya, an kam insaet fo spoelem ples ya. Olketa klaem long olketa haos, an gotru long olketa windo olsem olketa man fo stil.

Hibrus 11:27

Mosis hemi biliv long God, an dastawe hemi lusim Ijip, an hemi no fraetem disfala king ya hu i kros tumas long hem. Hemi gohed fo stanap strong nomoa, bikos hem olsem hemi lukim God finis, nomata no eniwan i barava save lukim God.