Eksodas 10:13 - Pijin Bible

¹³ So Mosis hemi liftimap wokingstik blong hem, an Yawe hemi mekem win fo blou kam from ist. Win ya hemi gohed fo blou fo wanfala fulde an wanfala fulnaet. Taem moning hemi kam, win ya hemi bin bloum kam staka grashopa tumas,

Pijin Deuterocanon

¹³ So Mosis hemi liftimap wokingstik blong hem, an Yawe hemi mekem win fo blou kam from ist. Win ya hemi gohed fo blou fo wanfala fulde an wanfala fulnaet. Taem moning hemi kam, win ya hemi bin bloum kam staka grashopa tumas,

Eksodas 10:13 Iomraidhean Croise

Jenesis 41:6

Nao hemi lukim narafala stik blong wit moa, wea hemi garem sevenfala smolfala bans long hem wea i drae tumas an kolsap dae nao, bikos hot win long drae eria ya hemi bonem wit ya tumas.

Sams 105:34

Hemi tok nomoa an olketa grashopa i kam, an olketa no save kaontem nao.

Sams 148:8

Yufala laetning an olketa ston long aes, snou an olketa klaod, yufala mas preisim hem. Ya, yu saekloun wea yu obeim toktok blong hem, yu mas preisim hem.

Sams 78:26

An long paoa blong hem, hemi mekem win fo blou kam from ist, an hemi mekem win fo blou kam from saot tu.

Sams 78:46

Hemi sendem olketa grashopa fo kaikaim evri gaden blong olketa, an spoelem evri kaikai long olketa gaden ya.

Eksodas 14:21

Long taem ya, Mosis hemi liftimap han blong hem antap long solwata, an long datfala naet Yawe hemi mekem ist win hemi blou strong, an hemi divaedem solwata ya long tufala haf. Win ya hemi gohed fo blou strong olsem, mekem ples long midol long tufala haf long solwata ya hemi kamap barava drae.

Provebs 30:27

Mektri, olketa grashopa i no garem sif, bat taem olketa flae, olketa muv wantaem olsem olketa soldia.

Jona 1:4

Bat Yawe hemi mekem bikfala win fo blou kam, wea hemi mekem si fo barava raf tumas an sip ya hemi kolsap redi fo brek nao.

Jona 4:8

An long taem wea san hemi kamap, God hemi mekem ist win fo blou wea hemi barava hot fogud. An hot san ya hemi saen daon long hed blong Jona, mekem hemi wik fogud. Nao hemi tok olsem, “?Fo wanem nomoa mi laef? Hemi moabeta fo mi dae nomoa.”

Matiu 8:27

Nao olketa sapraes tumas,an olketa sei, “?Maewat, watkaen man nao ya? !Nomata win an olketa wev, olketa save obeim toktok blong hem nomoa!”