Eklesiastes 7:3 - Pijin Bible

³ Hemi moabeta yu sore winim yu gohed fo laf, bikos hemi gud fo yu filim sore insaet long haat blong yu.

Pijin Deuterocanon

³ Hemi moabeta yu sore winim yu gohed fo laf, bikos hemi gud fo yu filim sore insaet long haat blong yu.

Eklesiastes 7:3 Iomraidhean Croise

Sams 119:67

Bifoa, taem yu no bin panisim mi yet, mi bin falom olketa wei wea hemi rong, bat distaem, mi falom nao olketa tru toktok blong yu.

Sams 119:71

Hemi gud nao yu panisim mi, bikos hemi mekem mi fo save long olketa lo blong yu.

Eklesiastes 2:2

Taem man hemi laf, hemi krangge nomoa ya. An olketa samting wea hemi save mekem man hemi hapi, hemi nating save helpem hem nomoa.

Eklesiastes 7:4

Man hu hemi krangge hemi laek fo go long fist olowe nomoa, bat man hu hemi waes hemi no save fogetem wea pipol bae dae.

Daniel 10:19

An hemi tok olsem long mi, “Yu no wari o fraet, bikos God hemi lavem yu tumas. Yu mas barava stanap strong.” Taem hemi tok olsem, mi filim wea mi kamap strong moa, an mi tok olsem, “Bikman, yu talem kam wanem yu laek fo talem long mi, bikos distaem mi kamap strong moa nao.”

Gudnius abaotem Jisas Kraes wea Luk hemi raetem 6:21

Yufala hu i hanggre distaem, yufala save hapi ya, bikos bihaen ya, bae yufala fulap moa. Yufala hu i krae distaem, yufala save hapi ya, bikos bihaen ya, bae yufala laf moa.

Gudnius abaotem Jisas Kraes wea Luk hemi raetem 6:25

!An yufala hu i fulap distaem, yufala lukaot! Bikos bihaen ya, bae yufala hanggre moa. !An yufala hu i laf distaem, yufala lukaot! Bikos bihaen ya, bae yufala krae bikfala moa.

2 Korin 4:17

An wanem hemi kamaot long smol trabol wea mifala safa long hem fo lelebet taem ya, hemi bikfala samting tumas winim disfala trabol ya. Mifala bae kasem nambawan laef long heven, wea hemi no save finis.