Efesas 6:4 - Pijin Bible

⁴ Yufala olketa dadi, yufala mas no mekem olketa pikinini blong yufala fo kamap kros tumas. Bat yufala mas lukaftarem olketa gud an tisim olketa long wei blong Masta.

Pijin Deuterocanon

⁴ Yufala olketa dadi, yufala mas no mekem olketa pikinini blong yufala fo kamap kros tumas. Bat yufala mas lukaftarem olketa gud an tisim olketa long wei blong Masta.

Efesas 6:4 Iomraidhean Croise

Jenesis 18:19

Mi siusim hem fo hemi save tokstrong long olketa pikinini blong hem, an olketa wea bae i bon kam long laen blong hem, mekem olketa obeim mi, an olketa duim nomoa olketa wei wea hemi stret an gud. An sapos olketa ya i duim olsem, bae mi duim evrisamting wea mi promisim finis long hem.”

1 Kronikols 28:20

Nao Deved hemi tok moa olsem long Solomon, “Yu mas no fraet, an tingting blong yu mas no wikdaon. Tingting blong yu mas strong, an oltaem yu mas stanap strong fo duim disfala waka, bikos Yawe hu hemi God blong mi, hemi stap wetem yu. Bae hemi save helpem yu an no lusim yu go-go yu finisim olketa waka wea yu mas mekem long Tambuhaos blong Yawe.

1 Kronikols 29:19

An plis yu givim gudfala tingting long san blong mi Solomon, mekem hemi barava falom an obeim olketa toktok blong yu. An helpem hem fo bildim disfala Tambuhaos wea mi bin redim olketa samting finis fo hem.”

Provebs 19:18

Stretem pikinini taem hemi save lane, sapos nomoa, go-go bae hemi falom ravis laef an dae.

Provebs 22:15

Krangge tingting i stap long haat blong pikinini. Panisim hem fo aotem kaen tingting ya.

Provebs 22:6

Tisim pikinini fo falom stretfala wei, taem hemi bikman, bae hemi no lusim.

Provebs 29:15

Panisim pikinini fo mekem hem waes. Pikinini wea no eniwan i stretem hem, bae hemi meksem long mami blong hem.

Provebs 29:17

Stretem pikinini blong yu, bae yu stap gud, an bae hemi mekem yu hapi.

Aesaea 38:19

Mifala hu i laef yet, mifala nomoa save preisim yu, olsem wea mi duim distaem. Olketa dadi gohed fo talem olketa pikinini abaotem wei wea oltaem, yu gohed fo kipim olketa promis blong yu.

Efesas 6:3

mekem yufala save garem gudfala laef fo longtaem long disfala wol ya.”

Diutronomi 4:9

“!Bat yufala mas lukaot! Nogud yufala fogetem olketa samting wea yufala lukim finis long ae blong yufala. Olowe long laef blong yufala, yufala mas tingabaotem olketa samting ya. An yufala mas talemaot long olketa pikinini blong yufala an long olketa smol grani blong yufala.

Diutronomi 6:7

Oltaem, yufala mas tisim go long olketa pikinini blong yufala. Taem yufala stap long haos, o yufala gohed fo wakabaot, o yufala go fo slip, o yufala stanap moa, yufala mas tokabaotem olketa samting ya.

Kolosi 3:21

Yufala olketa dadi, yufala mas no mekem olketa pikinini blong yufala fo kamap kros, nogud olketa filnogud tumas.

2 Timoti 1:5

Mi tingimbaek disfala strongfala biliv wea yu garem ya, olsem olo grani blong yu Lois, an mami blong yu Yunis tufala garem finis. Mi barava save dat yu garem strongfala biliv olsem tufala.

2 Timoti 3:15

Stat kam taem yu smolfala yet, yu save finis long Buktambu. An tising blong hem save givim gudfala tingting long yu an save helpem yu fo trastem Jisas Kraes, mekem God save sevem yu.

Josua 24:15

Distaem sapos yufala no laek fo falom hem, yufala mas siusim wanem god nao yufala laekem. Sapos yufala laek fo falom olketa laea god ya blong olketa pipol blong Mesopotemia, wea olketa grani blong yumi bifoa i bin wosipim olketa, hemi saet blong yufala nao. O sapos yufala laek fo falom olketa laea god blong olketa long laen blong Amoa wea yumi stap long lan blong olketa distaem, hemi saet blong yufala tu. Bat mi, wetem olketa long famili blong mi, bae mifala falom nomoa Yawe.”

Jajis 13:12

So Manoa hemi askem hem olsem, “?Taem disfala toktok blong yu hemi kamap tru, wanem nao bae mitufala duim long boe ya? ?An wanem nao olketa rul wea hemi mas falom long laef an waka blong hem?”