Efesas 6:1 - Pijin Bible

¹ Yufala olketa pikinini, bikos yufala i Kristin, yufala mas obeim mami an dadi blong yufala. Diskaen wei ya hemi stret.

Pijin Deuterocanon

¹ Yufala olketa pikinini, bikos yufala i Kristin, yufala mas obeim mami an dadi blong yufala. Diskaen wei ya hemi stret.

Efesas 6:1 Iomraidhean Croise

Jenesis 28:7

An hemi herem tu wea brata blong hem hemi obeim wanem dadi an mami blong tufala i talem.

Jenesis 37:13

Nao dadi blong olketa Israel hemi tok olsem long Josef, “Mi laekem yu fo go long ples ya wea olketa brata blong yu i stap long hem fo lukaftarem olketa animol blong mi.” An hemi tok olsem, “Hem gud nomoa. Bae mi go.”

Jenesis 48:12

Nao tufala sidaon antap long lek blong hem, mekem hemi somaot dat hemi lukim tufala olsem tufala i barava pikinini blong hem. Nao Josef hemi tekemaot tufala moa, nao hemi baodaon long frant blong dadi blong hem, wea fes blong hem hemi godaon go-go kasem graon.

Jenesis 50:12

So long wei ya, olketa pikinini blong Jekob i duim nao olsem wea dadi blong olketa bin talem long olketa.

Nehemaea 9:13

“Yu bin kamdaon from heven long maonten long Saenae, an yu toktok long olketa pipol blong yu. Yu givim olketa rul wea hemi stret, an olketa lo wea hemi tru, an olketa strongfala toktok wea hemi gud.

Esta 2:20

Esta hemi nating talemaot yet wea hemi wanfala Jiu, bikos Modekae hemi talem hem finis fo no talemaot long eniwan. Hemi gohed yet fo obeim Modekae, barava olsem wea hemi bin gohed fo duim bifoa, long taem wea hemi smolfala gele yet, an Modekae bin gohed fo lukaftarem hem.

Stori abaotem Job 33:27

Bihaen, disfala man bae hemi save singsing olsem long olketa pipol, “Mi wanfala man fo sin, an mi no duim olketa stretfala samting, bat God hemi no panisim mi fitim sin ya.

Sams 119:128

hem nao mi heitem evri wei wea hemi rong, an mi falom evri gudfala toktok blong yu.

Sams 119:75

Lod Yawe, mi save dat yu jajem pipol long stretfala wei. Ya, yu panisim mi fo olketa sin blong mi, bikos yu falom nao wei wea yu kipim promis blong yu.

Sams 19:8

Olketa tising blong Yawe hemi stret, an olketa wea i gohed fo obeim i hapi. Olketa strongfala toktok blong hem hemi stret, an hemi gohed fo givim gudfala save long yumi.

Provebs 1:8

San, lisin gudfala long evri toktok wea dadi hemi talem, an no fogetem evri tising wea mami hemi givim.

Provebs 23:22

Yu mas lisin long dadi blong yu. An yu no tingdaonem mami blong yu taem hemi olo.

Provebs 30:11

Samfala man tokspoelem dadi an mami blong olketa.

Provebs 30:17

Sapos man luknogud long dadi blong hem, an les fo herem mami blong hem, bae olketa igol i kaikaim ae blong hem an olketa narafala bed kaikaim bodi blong hem.

Provebs 6:20

San blong mi, yu mas obeim evri strongfala toktok wea dadi hemi givim, an no fogetem evri tising wea mami hemi givim long yu.

Jeremaea 35:14

Jonadab, san blong Rekab, hemi tokstrong long olketa pikinini blong hem fo olketa no dringim waen. Nao olketa wetem evriwan wea i bon kam long laen blong hem i gohed nomoa fo obeim toktok ya. Kam kasem tude, olketa long laen ya i no dringim waen, bikos olfala grani blong olketa bin tokstrong long olketa fo no duim. Bat yufala ya, oltaem mi gohed fo talemaot toktok blong mi long yufala, bat yufala no save obeim mi.

Jeremaea 35:18

Nao Jeremaea hemi tok olsem long olketa long laen blong Rekab, “Yawe hu hemi garem evri paoa an hu hemi God blong Israel, hemi tok long yufala olsem: Olketa. Yufala bin gohed fo obeim olketa toktok blong olo blong yufala Jonadab ya bifoa, an yufala gohed fo duim evrisamting wea hemi talem long yufala.

Jeremaea 35:8

Evri strong toktok ya wea olo Jonadab, san blong Rekab, hemi talem, mifala i obeim nao. Mifala an olketa waef blong mifala wetem olketa san an dota blong mifala tu, mifala ya i no save dringim waen.

Hosia 14:9

(Profet) Man hu hemi waes mas savegud long olketa toktok ya wea mi talem, an hemi mas kipim gudfala insaet long haat blong hem. Evri wei blong Yawe hemi stret fogud. An olketa pipol hu i stret, olketa nomoa i falom disfala wei. Bat olketa pipol hu i agensim God i wikdaon an foldaon, bikos olketa nating tinghevi long olketa stretfala wei.

Levitikas 19:3

Yufala evriwan mas tinghae long olketa mami an dadi blong yufala, an yufala mas kipim Sabat de, bikos mi nao Yawe, God blong yufala.

Gudnius abaotem Jisas Kraes wea Luk hemi raetem 2:51

So taem ya, Jisas hemi gobaek long Nasaret wetem tufala nao, an hemi gohed fo duim wanem tufala talem long hem. An mami blong hem hemi gohed fo kipim olketa samting ya long maen blong hem nomoa.

Leta wea Pol hemi raetem go long sios long Rom 12:2

Yufala no letem yufala seleva fo falom wei blong disfala wol, bat yufala mas letem God hemi mekem yufala sens, mekem hemi givim niufala tingting long yufala. Long wei ya nao yufala save luksave long wanem God hemi laekem. From diswan, bae yufala save long olketa gudfala samting wea hemi stret an God hemi hapi long hem.

Leta wea Pol hemi raetem go long sios long Rom 16:2

Hemi gud fo yufala tingim Masta blong yumi, an letem Fibi fo stap wetem yufala long wei wea hemi fitim olketa pipol blong God. An sapos hemi sot long enisamting, yufala mas helpem hem, bikos hemi helpem plande pipol finis an hemi helpem mi tu.

Leta wea Pol hemi raetem go long sios long Rom 7:12

Nao Lo ya hemi holi, an evri toktok blong Lo hemi holi an stret an gudfala nomoa.

1 Korin 15:58

Olketa gudfala fren blong mi, from diswan yufala mas stanap strong an no seksek olobaot. Olowe, yufala mas go-gohed strong fo duim waka blong Masta. Yufala save finis wea no enisamting wea yufala duim long waka blong Masta hemi save lus nating.

Diutronomi 21:18

Mosis hemi gohed fo tok olsem, “Maet wanfala man hemi garem wanfala san wea hemi bikhed, an wea hemi save agensim dadi an mami blong hem. An hemi no save obeim tufala, nomata tufala panisim hem.

1 Timoti 5:4

Bat sapos wanfala wido woman hemi garem olketa pikinini an olketa grani, oraet, olketa ya nao mas falom gudfala wei blong Kristin an helpem disfala mami blong olketa fastaem. Hemi gud fo olketa sensimbaek mami an dadi blong olketa fo hadwaka blong tufala, bikos God hemi hapi long diskaen wei ya.

1 Pita 2:13

Bikos yufala biliv long Masta, yufala mas falom evri lo long ples wea yufala stap long hem. An yufala mas putum yufala seleva andanit long paoa blong king hu hemi hae winim evriwan,

Stori abaotem Rut 3:5

Rut hemi tok olsem, “Hemi gud. Bae mi duim evrisamting ya wea yu bin talem.”

1 Samuel 17:20

So long neks de, long eli moning, Deved hemi sendem wanfala long olketa man blong hem fo go lukaftarem olketa sipsip. Den hemi tekem olketa kaikai ya an hemi go olsem wea dadi blong hem hemi bin talem hem. Hemi kasem ples blong ami long semtaem wea olketa soldia i stanbae fo faet, an long taem wea olketa singaot bikfala fo faet.